Австралияда полиция мен студенттер қақтығысынан 40 адам зардап шекті

АСТАНА. 13 ақпан. Австралиялық студенттер ел үкіметінің әлеуметтік саясатына қарсы наразылық акциясын ұйымдастырды. Бұл туралы ntv.ru хабарлады. Бүгін Сидней орталығында білім министрі Кристофер Пайнның қатысуымен конференция өтті. Наразы студенттер осы жиын өтіп жатқан ғимарат алдына жиналып, министрге тіл тигізген, артынан ғимараттың ішіне басып кірмек болған. Полиция қызметкерлері оларға қарсы көз жасаурататын газ қолданған. ТАСС агенттігі хабарлағандай, алдын ала болжам бойынша, полиция мен студенттер арасындағы қақтығыстан шамамен 40 адам зардап шеккен. Австралияда студенттердің наразылық акциялары былтырғы мамыр айынан бері жалғасып келеді. Оған үкіметтің бюджет шығындарын қысқарту шаралары аясында университеттерде оқу ақысын көтеру жөніндегі ұсыныстары себеп болды. Айдар Өрісбаев. Дерек: ntv.ru. Сурет: trend.az.