фото: ҚФФ баспасөз қызметі
Қазақстан футбол федерациясының мәліметінше, Қазақстан құрамасының кеңейтілген тізіміне 50 ойыншы енді.
Оқу-жаттығу жиыны Қазақстан Премер-лигасының үшінші турынан кейін Астанада басталады.
Турнир 25-28 наурыз аралығында Астанадағы «Астана Арена» стадионында «төрттік финал» форматында өтеді. Қазақстан құрамасы алдымен Комор аралдары құрамасына қарсы ойнайды, кейін Кувейт немесе Намибия құрамаларының бірімен кездеседі.
«Бапкерлер штабы Премьер-лиганың бірінші турындағы матчтарды мұқият талдады. Футболшыларды бағалау кезінде ең алдымен олардың ойын уақытына және техникалық-тактикалық әрекеттеріне назар аудардық. Екінші тур аяқталғаннан кейін алдағы турнирге қатысатын құраманың соңғы тізімін бекітуді жоспарлап отырмыз», деген еді Талғат Байсуфинов.
Бас бапкер дайындыққа уақыттың аз болатынын да атап өтті: Қазақстан Премьер-лигасының үшінші туры 22 наурызда аяқталады, ал 25 наурызда команда алғашқы ойынын өткізеді. Сондықтан соңғы құрамға сол сәтте ең жақсы спорттық формада жүрген ойыншылар енеді.
Кеңейтілген тізімге: 4 қақпашы, 20 қорғаушы, 14 жартылай қорғаушы, 15 шабуылшы кірді.
Қазақстан құрамасының кеңейтілген тізімі
Қақпашылар:
Темірлан Анарбеков («Қайрат»), Мұхамеджан Сейсен («Астана»), Александр Заруцкий («Ақтөбе»), Бекхан Шайзада («Ордабасы»).
Қорғаушылар:
Сергей Малый, Сұлтанбек Астанов (екеуі де – «Ордабасы»), Александр Мрынский, Александр Широбоков, Еркін Тапалов (барлығы – «Қайрат»), Нұралы Әліп («Зенит», Ресей), Ян Вороговский, Әлібек Қасым (екеуі де – «Астана»), Әділбек Жұмаханов, Арсен Әшірбек (екеуі де – «Елімай»), Наурызбек Жағоров, Мейрамбек Қалмырза (екеуі де – «Тобыл»), Әдлет Кенесбек, Сағи Совет (екеуі де – «Қайсар»), Дінмұхаммед Қашкен («Жетісу»), Санжар Сатанов («Атырау»), Сағадат Тұрсынбай («Жеңіс»), Бағдат Қайыров («Ақтөбе»), Амандық Набиханов («Каспий»).
Жартылай қорғаушылар:
Рамазан Оразов, Жан-Али Пайруз, Алмас Тюлюбай (барлығы – «Елімай»), Әділет Садықбеков, Дамир Қасабулат (екеуі де – «Қайрат»), Айбол Әбікен, Ерсұлтан Қалдыбеков (екеуі де – «Қайсар»), Зикрилло Султаниязов («Ордабасы»), Дамир Марат, Александр Зуев (екеуі де – «Тобыл»), Исламбек Қуат («Жеңіс»), Дінмұхамед Қараман («Астана»), Георгий Жуков («Ақтөбе»).
Шабуылшылар:
Дастан Сатпаев, Рамазан Бағдат (екеуі де – «Қайрат»), Ғалымжан Кенжебек, Максим Самородов (екеуі де – «Ахмат», Ресей), Ислам Чесноков («Хартс», Шотландия), Жаслан Жұмашев, Дәурен Жұмат (екеуі де – «Тобыл»), Эльхан Астанов («Ордабасы»), Рамазан Каримов («Астана»), Иван Свиридов, Айбар Жақсылықов (екеуі де – «Елімай»), Оралхан Өміртаев («Оқжетпес»), Артур Шушеначев («Ақтөбе»), Нұрдәулет Ағзамбаев («Қайсар»).
Футболдан Қазақстан ұлттық құрамасының бас бапкері тағайындалды
Айта кетейік, FIFA Series-2026 турниріне 48 ұлттық құрама қатысады. Көктемде олар жартылай финал және финалдан тұратын шағын турнир форматында ойнайды.
Қазақстаннан бөлек турнирлерді Австралия, Әзербайжан, Индонезия, Жаңа Зеландия, Пуэрто-Рико, Руанда және Өзбекстан қабылдайды. Ал әйелдер құрамалары Бразилия, Кот-д’Ивуар және Таиландта ойнайды.
