Құқық қорғау күшейтіледі

Бас Прокурор Қайрат Мәмидің төрағалық етуімен үстіміздегі жылы атқарылған жұмыстарды қорытындылап, талқылауға және алдағы кезеңге қойылған басым міндеттерді пысықтауға арналған Бас прокуратура алқасының кеңейтілген отырысы болып өтті. Прокуратура Мемлекет бас­шысының ұйымдасқан қыл­мысқа, сыбайлас жем­қорлыққа қарсы іс-қимыл жасауға, аза­маттардың және кәсіп­кер­лер­дің құқықтарын қорғау тетіктерін жетілдіруге, экология са­ласын­дағы құқықтық пробле­ма­ларды шешуге бағыттал­ған және көптеген басқа да тап­сыр­ма­ларын жүзеге асыруда белсенді жұмыс атқарды. Кадр­лар­дың біліктілігін арт­тыру, тұтастай алғанда, қада­ғалау қызметін жетілдіру жө­ніндегі шараларға ерекше назар аударылды. Азаматтардың еңбек құ­қық­тарын қамтамасыз ету са­ласындағы жүйелі жұмыс бұ­рынғыдай негізгі бағыттардың бірі болып отыр. Прокурорлар қабылдаған шаралар нәти­же­сінде 552 мың заң бұзушылық анықталды, 685 мыңнан астам азаматтың конституциялық құ­қықтары қорғалды. 8 млрд. теңгеден астам сома болатын жалақы төлемі бойынша берешектер өтелді. 50 млрд. тең­геден астам сома болатын зиян өтеліп, оның ішінде 38 млрд. теңгеден астамы мемлекеттік бюджетке қайтарылды. 50 мың заңсыз құқықтық актілердің күші жойылды. Прокуратура орган­дары­ның алдағы жылы жүргізетін жұ­мыс­тары қыл­мыс­тың алдын алу жөніндегі профилактикалық іс-шаралар­ды, азаматтардың, қо­ғам­ның және мемлекеттің құ­қықтары мен мүдделерін жо­ғары тиімділікпен қорғау жө­нін­дегі ша­ра­ларды күшейтуге бағыт­тала­тын болады, деп хабар­ла­ды Бас прокуратураның баспасөз қызметі.