Батыр есіміне лайық жауынгерлердің жақсы істері

Ұзынағаш ауылының солтүстігіне қо­ныс­танған 28237 әскери бөлім Кеңес Ода­ғы­ның Батыры Бауыржан Момышұлының есі­мімен аталады. Батыр қолбасшының «Отан үшін отқа түс, күймейсің!» деген на­қылына адал­дық танытқан жауынгерлер оның туғанына 100 жыл толуын асқақ рухта өткізуді жоспарлап, жыл бойы жақсы іс­тер­дің тиянағын келтірген еді. Жа­уын­гер­лер арасында  майдангер жазу­шы­ның шы­ғар­маларын оқып-үй­ре­ну, ба­тыр­лығы мен батылдығынан тәлім алар­лық әр­түрлі шаралар өткізу мәселелері жал­ғасып, жа­қын­да мерей салтанаты атап өтілді. Азаматтық қорғаныс саласына бейім­дел­ген аталған полк сарбаздары 1990 жыл­дан бері батыр есімін еншілеп келеді. Сар­дар­лары мен сарбаздар алдында Төтенше жағ­дайлар вице-министрі, генерал-майор Ва­лерий Петров, Алматы облысы әкімінің орын­басары Аңсар Мұсаханов,  ҰҚК-ге қа­­расты ҰҚ акаде­мия­сы­ның бастығы, ге­не­рал-лейтенант Әділ Шаяхметов және басқалар сөйлеп, бүгінгі жастарды ел­жан­ды­лық пен отансүйгіштікке тәрбиелеу мен қиын сәт­тер­де халыққа дер кезінде  кө­мек­ке келу мақ­са­тындағы әрекеттеріне баға бе­ріп, батыр Ба­уыр­жанның есіміне лайық әрдайым ептілік пен жауынгерлік жауапкершілікті жо­ғары ұс­тау­ды міндеттеді. Шара барысында құтқару және апат зар­даптарын жоюда жанқиярлық әрекеттер та­нытқан, әскери міндетін абыроймен орын­да­ған офицерлер мен сарбаздар, әскери қыз­мет­шілер төсбелгілермен, құрмет грамо­та­ла­ры­мен, алғыс хаттармен марапатталды. Жиынға қатысқандар жеке құрамның сал­танатты шеруін, сарбаздар жатақханасын, бө­лім мұражайын аралап, әскери құт­қа­ру­шы­лар­дың жаңа үлгідегі техникаларымен, зардап шеккендерді жедел құтқару әдістерімен танысты. Батыр атындағы полктың мәдениет үйін­де әскери бөлімнің жеке орындаушылары өнер көрсетті. Күмісжан БАЙЖАН. Алматы облысы, Жамбыл ауданы.