Тіл жанашырлары марапатталды

Тәуелсіздік тұғырының беріктігі мемлекеттік тіл мәртебесін нығайтумен, қолданыс аясын ке­ңейтумен де тығыз байланысты.Бұл бағытта облыстық тілдерді дамыту басқармасы көптеген игі шараларға ұйытқы болып жүр. Жақында бір топ тіл жана­шыр­лары басқарманың Алғыс хатымен және 100 мың, сондай-ақ  50 мың теңге мөлшеріндегі ақ­шалай сыйлықтарымен ма­ра­патталды. Сыйлықтарды облыс­тық тілдерді дамыту басқар­ма­сының бастығы Сексенбай Күлім­бетов тапсырды.Олардың  қа­та­рында облыстық халыққа қызмет көрсету орталығы директорының орынбасары Самал Нұғыманова, Журналистер одағы облыстық филиалының жауапты хатшысы Арыстан Аймағамбетов, Журналистер одағының Шалқар ауданы бойынша жауапты ұйымдас­ты­рушысы Мұхамбетәли Есмаған­бетов,  «ҚазТрансОйл» АҚ қыз­мет­­кері Зәуреш Басығараева, «Шам­шырақ-Ақтөбе» ЖШС-іне қарасты «Ақтөбе» және «Актюбинский вестник» газеттерінің қызметкерлері Нұрмұханбет Дияров пен Муапық Боранқұлов және басқалары болды. Сондай-ақ, он адам мемлекеттік тілдің дамуына, қолданылу аясын кеңейтуге қосқан айрықша үлесі үшін облыс әкімінің Алғыс хаты мен ақшалай сыйлығына ие болды. Сатыбалды СӘУІРБАЙ. Ақтөбе облысы.