Қытайда автобус өртінен қаза тапқандар саны 18 адамға жетті

АСТАНА. 18 қаңтар. Қытайдың солтүстік-батысында орналасқан Иньчуань қаласында болған автобус өртінен қаза тапқандар саны 18 адамға жетті. Денесінің 98 пайызын күйік шалған бір адам ауруханаға жеткізілген бетте көз жұмды. Бұл туралы Синьхуа ақпарат агенттігіне сілтеме жасаған egemen.kz тілшісі хабарлады. Сондай-ақ, ауруханаға зардап шеккен 32 адам жеткізілді. Дәрігерлер олардың жағдайы бір қалыпқа түскенін мәлімдеді. Айта кетейік, оқиға қаңтардың 5 күні болған. Нинся-Хуэйско автономиялық аймағының әкімшілік орталығында болған автобус өртін Ма Юнпин есімді азамат істегені анықталды. Қазіргі сәтте ол уақытша қамауға алынды. «Ма Юнпин құрылыс жұмысында істеген. Алайда, қосалқы мердігерлермен келісімшарт жөнінде ортақ мәмілеге келе алмаған. Бірнеше рет бұл олқылықтың орнын толтырғысы келгенімен, ойлаған ойы жүзеге аспады. Соңында қылмыстық әрекетке барып, қоғамдық автобусты өртеп жіберді», – дейді жергілікті прокуратура қызметкерлері. Аян Әбдуәли. Дерек: Синьхуа. Сурет: regnum.ru.