Мұнайдың бағасы арзандай түсті

АСТАНА. 18 қаңтар. Иранға салынған санкциялар алынған соң, мұнайдың Brent және VTI маркаларының бағасы арзандады. Бұл туралы ria.ru сайтына сілтеме жасаған egemen.kz тілшісі хабарлады. 18 қаңтар күні қара алтынға деген әлемдік баға құлдырай түсті. Brent маркасының нарықтағы құны қазір 28 доллардың көлемін құрайды. Бағаның құлдырауы Иранға салынған санкциялар тізбегін АҚШ пен Еуропа Одағы алған соң болды. Бүгін аталған мұнай маркасының бағасы 2,27 пайызға құлдырады, яғни барреліне 28,57 долларды құрайды. Бұл көрсеткіш 2003 жылдың қаңтарынан бері алғаш рет 27,71 долларға түсті. Ал VTI маркалы мұнайдың бағасы 0,97 пайызға кеміп, барреліне 30,09 долларды құрады. Аян Әбдуәли. Дерек: ТАСС. Сурет: politobzor.net.