Алматыда көліктер соқтығысып, әуе рейстері кейінге шегертілді

АЛМАТЫ. 10 ақпан. Қыстың соңғы айының екінші онкүндігінде жауған қар қала тұрғындарын біраз әбігерге салды. Алғашында тоқтаусыз себелеген мұздақтың арты аппақ қарға ұласты. Бір тәулік ішінде қала көшелерінде 100-ге таяу жол-көлік апатының болуына себепші болды. Бұл туралы қалалық ішкі істер департаментінің баспасөз орталығына сілтеме жасаған egemen.kz тілшісі хабарлады. Алатау етегінде 25, қалада 15 сантиметрлік қалыңдықта түскен аппақ қардың қазір ызғары да күшейіп тұр. Қаланы қардан тазалауға  910 жұмысшы, 600-ге жуық түрлі техника жұмылдырылды. «Қазгидрометтің» болжамы бойынша, қала аумағында қар қылауы кешке дейін басылмайды. Осыған байланысты Алматының халықаралық әуе жайында республиканың ішкі аумағына ұшатын 7 рейс кейінге шегерілді. Талғат Сүйінбай. Дерек, сурет: Алматы қалалық ішкі істер департаментінің баспасөз орталығы.