Ақпараттар ағыны

● Республикамызда ауыл ша­руашылығы мақсатындағы жерлерді алу жеңілдетіледі. Ұлт­тық экономика министрлігінің хабар­лауынша, енді еліміздегі кәсіп­керлер жерлерді кадастрлық құны­ның 50 пайыздық жеңiлдiк баға­мен 10 жылға дейін бөліп төлеу ар­қылы жалға алуға болады. Со­нымен қатар, шетелдік компа­ния­ларға жерді жалға беру мерзімі 10 жылдан 25 жылға дейін ұзартылды. ● Елімізде жалға берілетін тұрғын үйлердің салығы тө­мен­детілді. Бұл «Қазақстан ипоте­калық компаниясы» акционерлік қоғамының желісі бойынша жүзеге асырылды. Жалпы, аталған компания 2020 жылға дейін өңірлерді дамыту бағдарламасы аясында «Жалдамалы тұрғын үй» жобасының басты операторы. ● Өткен жылы еліміздің оқушылары білім бәсекесінен 1300-ден астам медаль жеңіп алған. Дарынды шәкірттер бір жылда 30-ға жуық халықаралық білім додасына қатысып, 276 алтын, 384 күміс, 629 қола медаль, 20 грамота иеленген. Сондай-ақ, Білім және ғылым министрлігі биылғы жылы да оқушылар түрлі халықаралық жарыстарда топ жарады деп болжап отыр. ● Астанада 2015 жылы 43 тұрғын үй күрделі жөндеуден өтті. Қала әкімінің орынбасары Қосман Айтмұхаметовтың айтуынша, Астанада аймақтарды дамытудың 2020 жылға дейінгі бағдарламасы шеңберінде 14 үйде 26 лифт жаңаланып, 5 үйдің шатыры жөндеуден өткен. Сондай-ақ, 17 көпқабатты тұрғын үйде 31 лифт ауыстырылған. ● Алматыда полицейлер жол апатына түскендердің өмірі үшін қан тапсырды. Бұл «Мың игі іс» акциясы аясында жүзеге асты. Алмалы ауданының тәртіп сақшылар «Адам өмірін арашалауға өз үлесімізді қосу үшін донор болу біздің азаматтық парызымыз», – дейді. ● Оңтүстік Қазақстан облысында 9 қабатты тұрғын үй кешенінің құрылысы бастал­ды. Жоспар бойынша 48 пәтерден тұратын 9 қабатты екі үй салыну керек. Аталған жобаны «Шымкент» әлеуметтік-кәсіпкерлік корпорациясы акционерлік қоғамы мен «Оңтүстік құрылыс сервис» серіктестігі бірлесіп жүзеге асырмақшы. ● Жамбыл облысын­да «Бей­бітшілік пен жасам­паз­дықтың 25 жылы» атты флешмоб өтті. Шарада 100-ге жуық жас «Қара жорға» әніне билеп, патриоттық сезімді арттыратын шоу көрсетті. Жалпы, акцияның мақсаты – егемен еліміздегі отансүйгіштік сезім­ді еселеу, бейбітшілік, келі­сім, қоғамның бірлігі, экономи­ка­лық және әлеуметтік тұрақты­лықты нығайту болып табылады. ● Ақмола облысы Степно­гор қаласындағы әлеуметтік жа­ғынан аз қамтылған топтар­ға арендалық баспана берілмек­ші. Осы орайда қала әкімдігін­де бизнестің әлеуметтік жауап­кер­шілігі аясында аталған топтар үшін қолайлы жағдайлар жа­сау туралы меморандумға қол қойылды. Айта кетейік, бүгін­де бірнеше тұрғын үйлерде әлеу­мет­тік аз қамтылған отбасылар баспа­наға қол жеткізген. Хабарлар Үкімет, облыстық әкімдіктер сайттары, «ҚазАқпарат» агенттігі және «24kz» телеарнасының деректері бойынша дайындалды.