Университеттегі жүздесу

С.Сейфуллин атындағы Қазақ агротехникалық уни­верситетінде студенттер мен оқытушылардың Қазақстан Республикасы Тәуелсіздігінің 25 жылдығына орай Халық қаһарманы, ғарышкер, «Қазақстан ғарыш сапары» ҰК» АҚ вице-президенті Айдын Айымбетовпен кездесуі өтті.  Іс-шара мақсаты жастарды отансүйгіштік рухта тәрбиелеп, азаматтық жауапкершілікті се­зіндіру, тәуелсіз Қазақстан же­тістіктерінің бірі – ғарыш ке­ңістігін игерудің бесінші ғы­лыми бағдарламасымен таныс­тыру болды. Университет ректоры Ақыл­бек Күрішбаев құттықтау сө­зінде оқу орнының табыстарына тоқ­талып, қазақ ғарышкері өз са­парын жаһандық сауалдарға жауап іздеп, еліміздің ғарыш саласын дамы­туға арнағандығын атап өтті. А.Айымбетов өз әңгімесінде ғарыш сапарының қалай өт­кендігін сөз етіп, Қазақстан ға­лымдары дайындаған ғарыш­тық технологиялар мен тәжірибелерге тоқталды. Ғарыштық технология же­тіс­тіктерінің күнделікті тір­ші­лігімізге қалай ене бастаға­нын, Қазақстанның ғарышкерлер саны жағынан әлемде тоғызыншы орынға шыққандығын, елі­міз­­­­дің ғарыш кеңістігін игеру мүмкіндіктері зор екенін, бо­ла­шақта да өзінің бар күшін со­ған арнайтынын айтты. Кездесу барысында студент­тер өздерін қызықтырған сұрақ­тарын қойып, түрлі жайттарға қанықты. Кеш соңында ғарыш­кер университеттің сыйлы қо­нақтарға арналған Алғыс кіта­бына қолтаңбасын қалдырды. «Егемен-ақпарат».