Теміртау тұрғынын полиция басшылығы марапаттайды

ҚАРАҒАНДЫ. 11 ақпан. Қарағанды облыстық ішкі істер департаментінің басшылығы қылмыскерді ұстауға көмектескен Теміртау қаласының тұрғынын марапаттау туралы шешім қабылдады. Бұл туралы облыстық ішкі істер департаментінің баспасөз қызметіне сілтеме жасаған egemen.kz тілшісі хабарлады. Теміртау қаласының 17 жастағы тұрғыны 88 жастағы зейнеткердің  пәтеріне терезе арқылы түсіп, кейуананы қорқытып, 70 мың теңгесін алып кеткен. Тоналған зейнеткердің көршісі бұл бассыздықты  байқап қалып, дереу полиция бөлімшесіне хабар беріпті. Осының арқасында тәртіп сақшылары күдіктіні ізін суытпай қолға түсірді. Қазіргі уақытта күдікті уақытша қамауда отыр. Сотқа дейінгі тергеу амалдары жүргізілуде. Қайрат Әбілдинов. Дерек: Қарағанды облысы ішкі істер департаментінің баспасөз қызметі. Сурет: sovetsk39.ru.