«Транстелеком» көрмеге қызмет көрсетеді

Сәрсенбі күні «Астана ЭКСПО-2017» ұлттық компаниясы» АҚ және «Транстелеком» АҚ серіктестік меморандумына қол қойды. Сөйтіп, «Транстелеком» компаниясы «Көрме серіктесі» мәртебесіне ие болды. «Транстелеком» – еліміз­дің ірі ІТ және байланыс опе­раторларының бірі. Ол телекоммуникация, ақпа­раттық коммуникация саласында кең ауқымды қызмет көрсете алатын бірегей компания, сондай-ақ, ІТ интегратор болып табылады. «Қазақстандық компанияның инновациялық жобаларды сәтті жүзеге асырып жатқандығы көңіл қуантады. «Транстелекомның» ауқымды филиалдық жүйесі бар, ол бүкіл Қазақстан аума­ғында ЭКСПО көрмесінің кең тарауына ықпал етеді. Сон­дықтан біздің жобамызға «Транс­телеком» сынды алдыңғы қа­­тарлы компаниялардың қа­тысуы еліміздің болашаққа деген сенімін нығайтып, Елбасы тапсырмасының орындалуын қамтамасыз етеді», деді өз сөзінде «Астана ЭКСПО-2017» ҰК» АҚ басқармасының төр­ағасы Ахметжан Есімов. «Халықаралық мамандан­ды­­рылған ЭКСПО-2017 көрме­сі­нің ресми «ІТ серіктесі» болу «Транс­телеком» үшін үлкен мәр­тебе. Бүгінгі таңда «Транс­те­леком» акционерлік қоғамы «Ас­тана ЭКСПО-2017» ұлттық ком­паниясымен бірлесіп жұмыс істеуде. Біз іс-шараның мәні мен маңы­зын түсіне отырып, оған үлкен жауап­кершілікпен қараймыз», деді компания пре­зиденті Дәурен Пішембаев. Алдағы уақытта «Астана ЭКСПО-2017» ұлттық компания­сы мен «Транстелеком» АҚ халық­аралық көрмені өткізу бағытында бірлескен іс-шара­ларды жүзеге асыратын болады. Сон­дай-ақ, «Транстелеком» АҚ ЭКСПО-2017 көрмесі барысында «Ұйым­дасты­рушылар кеңсесін» телефон және интернетпен қамтамасыз етіп, шетелдік қатысушылар үшін VPN қол­жетімділігіне техникалық тұрғы­дан жағдай жасап, көрме қонақ­тарына бүкіл көрме өтетін кезең барысында интернет желісін ұсынады. Халықаралық көрмені өткі­зуге 10-нан аса ірі компания та­ртылып отыр. Олардың қата­рында: NCOC, Shell, Samsung, Эйр Астана, CISCO, Saint-Gobain, «Қазкоммерцбанк» АҚ, «Самұрық-Энерго» АҚ, «Қаз­пошта» АҚ және т.б. бар. «Егемен-ақпарат».