«Сарыарқа» Жоғары хоккей лигасында жарыс жолынан шықты

ҚАРАҒАНДЫ. 5 сәуір. Қарағандының «Сарыарқа» хоккей клубы Жоғары хоккей лигасы чемпионатының жартылай финалында жеңіліп, жарыс жолынан шықты. Бұл туралы Қарағанды облыстық дене шынықтыру және спорт басқармасының баспасөз қызметіне сілтеме жасаған egemen.kz тілшісі хабарлады. Плей-офф ойындарының жартылай финалында «Нефтяник» командасымен күш сынасқан қарағандылық хоккейшілер қатарынан төрт рет жеңіліп, биылғы маусымды аяқтады. Қарағандыда өткен төртінші матчта алаң иелері ресейлік клубтан 3:2 (1:0, 0:1, 1:1, 0:1) есебімен ұтылды. Сөйтіп, «Сарыарқаны» серия бойынша 4:0 есебімен ұтқан «Нефтяник» Жоғары хоккей лигасы чемпионатының финалына шықты. Қайрат Әбілдинов. Дерек: Қарағанды облыстық дене шынықтыру және спорт басқармасының баспасөз қызметі. Фото: saryarka-hc.kz.