«Рахмет, сізге, Рафаиль!»

Семейлік кәсіпкер Рафаиль Хазипов қыстың аязды күн­дері­не қарамастан жылыжай салып, кәсі­бін дөңгелетуде. Кә­сіп­кер аума­ғы 400 шаршы метр­ден асатын жы­лыжайда, көкөніс пен гүл өсіруде. Және жұмысқа бірнеше мүгедек, кембағал адамдарды да алып, олардың уақыты тиімді әрі пайдалы өтуін қамтамасыз етіп отыр екен. Бұрын­дары қаладағы гүл дүкендеріне гүлдер шеттен не­месе оңтүс­тік облыс­тардан та­сы­­малданатын. Енді, міне, кәсіп­­к­ер Рафаиль Хазипов тұрғын­дар­ды арзан өніммен, ал қаланы көгал­­дандырушы мекемелерді қажетті көшеттермен, небір әдемі гүлдермен қамтамасыз ету­ді жолға қоймақ. Қазірдің өзін­де жылы­жайда қызғалдақ пен сар­ғалдақ сияқты гүлдер алғаш бүр жара бастады. – Гиацинт деген гүлді де өсіріп жатырмыз. Жылыжайдың ыңғай­лы болуының арқасында дәл қазір далада салқын екенін гүлдер мүлде сезбейді, – дейді осындағы агроном Рауия Даниярова. – Мына көріп тұр­ған қатарларыңыз үш, төрт қатар­ға дейін көбейеді. Шаруа­шы­лықтың болашағы бар. Зерт­теулер  бойынша гүлдердің жылы­жай­дағылары да, бөлмедегі өсім­діктері де адамға игі әсер етеді. Оның ішінде  лалагүлі, қазтабан гүлі ауаны ластанудың бірнеше түрінен, соның ішінде  формальдегидтен тазартады. Ал бегония мен фикус гүлдері үйіңізге келген адамдардың жа­ғым­сыз пиғылдарын өз бойлары­на сіңіріп, сіздерге тек оң энергия жібереді дейді зерттеушілер. Теледидар, компьютер, толқынды пештердің сәулелерінен сақ­тануға сіздерге  раушан гүлдер, орхидея, өрмелегіш (лиана) өсім­діктер көмектеседі. Балалар бөл­месіне шегіргүлдерді (фиалка) орналастырсаңыз, олар­дың жеткіншектің өсіп-жетілу уа­қытындағы көңіл-күйін бір­қалыптылыққа бейімдейді екен. Қазтамақ гүлінің қасында 15 минуттай отырсаңыз да жеткілікті. Сіз өзіңіздің жаңа күш жинап, демалғаныңызды сезесіз. Өйткені, бұл өсімдік эфир майларын бөліп шығарады. Сіздің ағзаңыздағы зат алмасу процесі ұлғая түседі. Ұсақ жапырақты бұрыштар мен  ризантемалар отбасындағы, жұ­мыс орнындағы адамдардың бір-біріне деген жақсы қарым-қаты­настың қалыптасуына әсер етеді. Рафаиль Хазиповтың айтуын­ша, қала әкімдігі мен көптеген мекемелерден  гүл көшеттеріне тапсырыс қазірден бастап түсіп жатыр. Жергілікті жылыжайда өсірілген гүлдер биыл 2 мың шаршы метр аумаққа егілмек. Бұл өзге өңірлерден сатып алғаннан әлдеқайда пайдалы.  Жылыжайда жиырмаға жуық адам жұмыс істейді десек, басым көпшілігі дені мүмкіндігі шектеулі жандар. Тұрақты жалақымен қамтылып, тәжірибесі жоқтары бағбандыққа үйреніп жатыр. – Қараша айынан бастап, осы жерде еңбек етіп жатырмын, – дейді ІІІ топтағы мүгедек жан Татьяна Свистунова. – Құлағы нашар еститін бірнеше адамды жұ­мысқа алды. Қазірде гүл бап­таудың қыр-сырын меңгеріп қалдым. Рафаиль Хазипов жылыжай құруды көп жылдан бері жос­парлап келген екен. Қазір жаңа шаруашылығының аяқ алы­сы жаман емес. Гүлден басқа жы­лы­жайда көкөністің түр-түрі егілген. Себебі, сырттан тасы­мал­­данатын қымбат көкөністен гөрі дәм-сапасы келісті отандық, арзан өніммен тұтынушыларды қамтыған аса пайдалы, дейді ол. Қазір ол жоспары біртіндеп іске асуда. Бүгінгі күнде гүлдермен қатар мұнда қызанақ, қияр, пияз бен аскөк те өсіп жатыр. Раушан НҰҒМАНБЕКОВА СЕМЕЙ