Әлем • 05 Қараша, 2020
Кариб теңізінде басталған «Эта» дауылының екпіні күшейіп келеді. Сарапшылардың болжауынша, алдағы тәулікте долы жел одан сайын құтырып, оның деңгейі бесінші санатқа жетуі мүмкін. Дегенмен АҚШ Ұлттық орталығының хабарлауынша, «Эта» үйіріп соққанымен, жылжу қарқыны бәсеңдеу. Қазіргі таңда желдің жылдамдығы секундына 54 метрге жеткен. Соған қарамастан, дауылдың жылдамдығы кез келген сәтте артып кетуі ықтимал.
Әлем • 04 Қараша, 2020
Аустрия астанасы Венада теракт болып, бірнеше адам қаза тапты. Полиция лаңкестерді іздеу жұмыстарын жалғастырып жатыр. Әзірге содырлардың біреуі оққа ұшқаны анықталды.
Қоғам • 02 Қараша, 2020
Әскери тәртіпті әлсіретуге болмайды
Қорғаныс ведомствосында өткен аппараттық кеңесте елімізде болып жатқан оқиғаларды ескере отырып, Қарулы Күштердің қызметіне түзетулер енгізілді.
Саясат • 02 Қараша, 2020
Бейбітшілік бастауы – бітімгершілік
25 қазанда Біріккен ұлттар ұйымының құрылғанына 75 жыл толды. Бүгінде БҰҰ-ның басты бағыттарының бірі – бітімгершілік миссиясы. Іргелі ұйымның осы қызметі әлемдегі бейбітшілік пен тұрақтылықты сақтауға зор үлес қосып келеді. Айта кетерлігі, БҰҰ-ның бітімгершілік миссиясы құрамында қазақстандық сарбаздар да тер төгіп жүр.
Қоғам • 02 Қараша, 2020
Ұшқышсыз ұшу аппараты: қолданыс аясы кеңейді
Қазақстан Республикасының Қарулы Күштерінде ұшқышсыз авиациялық жүйелерді енгізу және дамыту бойынша белсенді жұмыс жүргізіліп жатыр.
Әлем • 02 Қараша, 2020
Түркияның Измир қаласында жер сілкініп, 30-ға жуық адам қаза тапты. Жараланғандар саны мыңнан асты. Сондай-ақ 20 шақты ғимарат қираған. Бүлінген ғимараттардың маңында құтқарушылар жұмыс істеп жатыр.
Қоғам • 30 Қазан, 2020
Таяуда The Creative Assembly компаниясы кезекті компьютерлік ойынын жариялады. Total War Saga: Troy деп аталатын бұл ойынды бір тәуліктің ішінде 7,5 миллион рет көшіріп алған. Әрине, бұған ежелгі грек мифтері, әйгілі Троя қаласындағы соғыс туралы аңыз-әңгімелер әсер еткені анық.
Парламент • 30 Қазан, 2020
Бюджет қаражаты тиімді жұмсалуы керек
Сенат Спикері Мәулен Әшімбаевтың төрағалығымен Палатаның жалпы отырысы өтті. Отырыс барысында депутаттар «2020-2022 жылдарға арналған республикалық бюджет туралы» Қазақстан Республикасының Заңына өзгерістер мен толықтырулар енгізу туралы» заң жобасын қарады.
Әлем • 29 Қазан, 2020
АҚШ билігі Иранға және елдегі мұнай-газ саласына қатысты компанияларға жаңа санкция салды. «Қара тізімге» іліккендер қатарында Иранның мұнай министрлігі де бар. Рейтер агенттігінің хабарлауынша, бұл қадам Тегеранға қысым көрсету мақсатында жасалып отыр.
Әлем • 29 Қазан, 2020
Шартараптың түкпір-түкпірінде коронавирус індеті күннен-күнге қайта өршіп барады. Көктемде пандемия салдарынан шекарасын жауып, локдаун енгізген Еуропа елдері күзден бастап қайтадан етек-жеңін қымтай бастады. Өйткені қатерлі дертті жұқтырғандар көбейіп, індеттің екінші толқыны оңай тимей тұр. Қазірге дейін 45 миллионға жуық адам COVID-19 жұқтырса, соның 1 миллион 174 мыңы қайтыс болды. Әлемнің 8 елінде сырқаттанғандар саны миллионнан асып үлгерді. Ұлыбритания да осы межеден асуға жақын қалған. Кейінгі бір апта ішінде жер-жаһандағы тіркелген науқастар саны 400 мыңнан азаймай тұр. Осыған байланысты көптеген мемлекет карантиндік шараларды қатаңдатып, көшеде де, жабық ғимараттарда да маска тағуды міндеттеді. Тіпті қайтадан локдаун жариялаған елдер де бар. Сарапшылардың айтуынша, мұның бәрі тұрғындардың шектеу шараларына мән бермеуінен болып отыр. Өйткені індеттің бірінші толқыны бәсеңдеген соң адамдар бейқамдыққа түсіп, арақашықтық сақтау, қорғау мәселелерін назардан шығарып алған.
