Қазақстан • 11 Мамыр, 2021
Біз әрдайым ғылымның дамуы жөнінде жазамыз, айтамыз. Бірақ көбіміз мәселенің түп-тамырына тереңдемейді екенбіз. Елімізге бәсекеге қабілетті, әлеуеті жоғары ғалымдар керек екені сөзсіз. Алайда олар өздігінен қалыптаспайды ғой. Оларды білім берудің белгілі бір сатысында оқытып шығарады. Қазақ «Ұстазы жақсының – ұстамы жақсы» дейді. Ғалымдар мықты болуы үшін олардың үйретушісі, оқытушысы, жетекшісі мықты болуы керек қой. Сонымен ғылыми кадрларды кімдер даярлап жүр? Зерттеушілерді былай қойғанда, олардың ғылыми жетекшісінің қарымы қандай? Бәрінен бұрын мемлекет олардың кәсіби біліктілігін арттыруға жағдай жасады ма?
Қазақстан • 16 Қыркүйек, 2019
Дипломмен ауылға аттанғандар қалаға неге қайтады?
«Дипломмен – ауылға!» бағдарламасының үздіксіз жүзеге асырылып келе жатқанына биыл 10 жылға жуықтады. Президент Қасым-Жомарт Тоқаев жақында жариялаған Жолдауында бағдарламаға бөлінетін қаражатты 20 млрд теңгеге ұлғайтуды тапсырды. Оның бірден-бір себебін ауылдық мектептерде педагог кадрлардың жетіспеушілігімен байланыстырды. Ауылға аттанған жас мамандардың міндетті үш жылдық еңбек өтілін өтеп болған соң, қалаға қайтып кететіні жасырын емес. Оның себебі неде?
Қоғам • 11 Қыркүйек, 2019
Жауапкершілік жүгі жазадан жеңіл
Ішкі істер министрлігінің жақында таратқан ақпаратын оқығанда еріксіз күрсінесің. Бала – бауыр етің, көз алдыңда жайраңдап жүрген балақайдан қас-қағым сәтте көз жазып қалсаң, қалай болады? Әлбетте, ауыр. Әрі ол бір отбасының жалғызы болса ше? Жаныңды жегідей жейді. Талай түйткілдің түйінін оймақтай ойға сыйғызған қазақ мұндайда бір ауыз сөзбен «Сақтықта қорлық жоқ» деген.
Қоғам • 05 Қыркүйек, 2019
КЕДЕРГІЛІ КЕҢІСТІК: Брайль қарпіндегі оқулықтар неге басылмайды?
12 жасар Мұхамед Сырбайұлы 1 қыркүйекте 5 сыныпқа барды. Ол кітап оқығанды жақсы көреді. Анасына әрдайым қолғабыс көрсетуге құштар. Ыдысты да жуып, картопты да егіп, үй мен даланың шаруасын тындыруға талаптанып тұрады. Сондағысы – бәрін білгісі келеді. Иә, мынау жарық әлемді жанарымен көруге мүмкіндігі болмаса да, кітап арқылы өзін қоршаған дүниені тануға деген талпынысы бірде-бір кеміген емес.
Аймақтар • 02 Қыркүйек, 2019
Елордадағы жаңа мектепке Абай есімі берілді
Білім күнінде Абай Құнанбайұлы атындағы №87 мектеп-гимназиясының ашылу рәсімі өтті. Салтанатты шараға Премьер-Министр Асқар Мамин, Білім және ғылым министрі Асхат Аймағамбетов, Экология, геология және табиғи ресурстар министрі Мағзұм Мырзағалиев, Нұр-Сұлтан қаласының әкімі Алтай Көлгінов, Қоғамдық маңызды бастамаларды дамыту қорының басшысы Әлия Назарбаева қатысты.
Қазақстан • 02 Қыркүйек, 2019
Жаңартылған білім мазмұны сапаға ықпал ете ала ма?
Мемлекет басшысы Қасым-Жомарт Тоқаевтың қатысуымен өткен Тамыз кеңесінде 2021 жылы еліміздегі мектептерді жаңартылған білім беру мазмұнына көшіру толық тәмамдалатыны айтылды. Білім және ғылым министрі Асхат Аймағамбетов аталған жиындағы баяндамасында биыл 4, 9, 10-сыныптардың осы жүйеге көшірілетінін, ал келесі жылы тек 11-сыныптар қалатынын мәлімдеген еді. Мазмұн толық жаңартылады дейік, бірақ бұл сапаны жаңа деңгейге шығара ала ма?
Қазақстан • 02 Қыркүйек, 2019
Биыл 406 мыңнан астам бала 1-сыныпқа барды
Жадыраған жаз да өтті. Көп күттірмей күз жетті. Қоңырқай мезгіл күнтізбесінің Білім күнімен басталуы арқаны кеңге салған ақ жарқын көңілді бір уақыт өзіндей салмақты күйге түсіргендей. Жаңа оқу жылында Білім алушы мен берушіден бастап ата-анаға дейін етек-жеңін жинайды. Қызу науқанды қыркүйекке қандай дайындықпен қадам басқалы отырмыз? Осы орайда білім беру саласының әр сатысы бойынша әзірлік жайын бағамдауды жөн көрдік.
Қазақстан • 19 Тамыз, 2019
Міндет – жеті түрлі ілім білетін ұрпақ тәрбиелеу
Мемлекет басшысы Қасым-Жомарт Тоқаевтың қатысуымен дәстүрлі Тамыз кеңесі өтті. Шараға еліміздің түкпір-түкпірінен 2 мыңнан аса делегат жиналды. Президент қатысқан конференцияда білім саласындағы негізгі бағыт-бағдар айқындалып, осыған дейінгі жұмыстарға қорытынды, алдағы күнге жоспар жасалды. Қ.Тоқаев саладағы қордаланған мәселелер мен оны шешу бойынша Үкімет пен әкімдерге, сондай-ақ тиісті министрлікке бірқатар міндет жүктеді.
Қоғам • 14 Тамыз, 2019
Оқулықтағы олқылық қашан оңалады?
Үш ай үш күндей зымырап, жаңа оқу жылы да жетіп қалды. Осыған орай Білім және ғылым министрлігінің өкілдері оқулықтарды басып шығару жұмыстары аяқталып, оның 40%-ы өңірлерге жеткізілгенін айтты. Сорақысы сол – онда қателер көп. Оқулықтардағы олқылықтар туралы жиі шу көтерілетін біздің қоғамда ең қиыны жауаптылар үшін қате мен қателік сүйекке сіңіп, үйреншікті үрдіске айналып бара жатқандай. Бұл бассыздықтың бітетін күні бола ма?
Аймақтар • 14 Тамыз, 2019
Бүгінде Тамыз кеңесі білім саласы қызметкерлерінің жаңа оқу жылына жаңа леп сыйлауына нақты бағыт беріп, бір-бірімен тәжірибе алмасатын дәстүрлі алаңға айналды. Еліміздің түкпір-түкпірінен келген педагогтар бас қосатын конференцияның форматы соңғы жылдары заман талабына сай түрленіп келеді. Мәселен, кейінгі жылдары ұйымдастырылған шарада үздік педагогтардың ted-x форматында өз білгенімен бөлісіп, жұмыс барысында қолданған әдіс-тәсілдері төңірегіндегі тың ойларын ортаға салғанына куә болып жүрміз. Сонымен қатар Тамыз кеңесінде педагог қауымның еңбегі еленіп, жемісті жұмысы үшін жұрт алдында марапатталуы да мұғалім мәртебесін биіктете түседі.
