Мәдениет • 29 Тамыз, 2023
Шымкенттегі Тәжікстанның мәдени күндері
Қазақстан мен Тәжікстан Республикалары арасында дипломатиялық байланыстың орнағанына 30 жыл толуына орай Шымкентте көрме өтті. Көрмеге тәжік бауырлар ауыл шаруашылығы өнімдері мен қолөнер бұйымдарын қойды. Атшаптырым жерді алатын көрме ішіне осының бәрі сыйса, далада бақша дақылдарынан тізілген пирамида көздің жауын алды. Сонымен бірге Қажымұқан стадионында тәжік шаруалар өндірген тауарлар көрмесі мен ұлттық тағамдар жәрмеңкесі ұйымдастырылды.
Өнер • 24 Тамыз, 2023
Шымкенттің цирк өнері майталмандары жуырда XIV халықаралық «Азия жаңғырығы» фестивалінен алтын жүлдемен оралды. Астанада 11 мемлекет өнерпаздары арасында өткен осы халықаралық жарыста әуе гимнасшылары Закиржон Сайдуллаев пен Елизаветта Штыб Carpe Diem, яғни «Сәтті қағып ал» атты нөмірмен бас жүлде жеңіп алды.
Денсаулық • 21 Тамыз, 2023
Шымкенттегі ЖИТС орталығының дәрігерлері АИТВ инфекциясын жұқтырмаудың тыс әдісін 2021 жылдан бері қолданып келеді. Бұл аурудың алдын алу үшін қажет. Тың әдіс деп отырғанымыз АИТВ инфекциясын жұқтыру қаупі бар сау адамның арнайы вирусқа қарсы препараттарды қабылдау арқылы инфекцияға қарсы тұруы. Бүгінге дейін шаһардағы ЖИТС орталығында 100-ден аса адам аталған терапиядан өткен. Жалпы, жанасуға дейінгі профилактика көптеген емдеу мекемесінде жүргізіледі.
Форум • 21 Тамыз, 2023
Шымкентте жастар мәселесін қозғаған «Уақыт сынағы және өзгерістердегі жастардың рөлі. Елдік және халықаралық жастар саясаты» атты екі күндік азаматтық форум өтті.
Тәрбие • 18 Тамыз, 2023
Бала тәрбиесіне – елдік көзқарас
Кейінгі жылдары балаларға қатысты зорлық-зомбылық жиілеп бара жатқаны рас. Бұл жағдай тұтас қоғамды алаңдата бастады. Осы күрделі мәселенің алдын алу жолы мен себеп-салдарын талқылауға Түркістан қаласына Ақпарат және қоғамдық даму министрі Дархан Қыдырәлі бастаған атқарушы билік өкілдері және жауапты мамандар жиналды.
Мектеп • 11 Тамыз, 2023
Шымкент: Мектептер жаңа оқу жылына дайын
Жаңа оқу жылының қарсаңында Шымкент қаласының білім саласында сапаны қамтамасыз ету департаментінің басшысы Нұргүл Шамшиева мен білім басқармасының басшысы Жанат Тәжиева баспасөз жиынын өткізді. Олар мегаполис 1 қыркүйекте оқушыларды сабаққа қабылдауға дайын екенін баяндады.
Бизнес • 10 Тамыз, 2023
Бүгінгі таңда мемлекет тарапынан жастарды қолдауға бағытталған шаралар ауқымды десек болады. Өскелең ұрпақтың келешегі тікелей елдің болашақ тағдырын шешетін фактор екенін ұмытпаған абзал. Жастардың жағдайын жасау оларға сапалы білім мен саналы тәрбие беру және жұмыспен қамтамасыз етіп, жеке кәсіппен айналысуына мүмкіндік қарастыру деп түсінеміз. Осы тұрғыдан алғанда бүгінгі таңда ел жастарының өз идеясын жүзеге асыруына мүмкіндік көп. Әсіресе бизнес идеясы бар жас азаматтарды қаржылай қолдауға Мемлекет басшысы Қасым-Жомарт Тоқаев үлкен бастама көтеріп, жастар саясатының қоғамдағы маңыздылығын еселендіре түсті.
Қоғам • 09 Тамыз, 2023
Сапаны жақсартуға бағытталған жол картасы
«Білекті бірді жығар, білімді мыңды жығар» деген мақалдың маңыздылығы дәл ХХІ ғасырда өзекті болып тұрғаны жасырын емес. Қазір интеллектуалдар алға озған, жаңа технологиялар үшін әлемдік нарыққа күрес жүріп жатқан заман. Осындай бәсекелестік ортада өз орныңды жоғалтып алмаудың жалғыз жолы, әрине, білімді ұрпақ тәрбиелеу. Біліммен қаруланған ұлт қана Отанын алға сүйреп шығады.
Қоғам • 08 Тамыз, 2023
Климат өзгеріп, күн райы жылдан-жылға құбылып барады. Содан ба екен, күн де ерекше ысып, көп жерлерде құрғақшылық орын алып жатыр. Табиғаттың тосын мінезінен әр аймақта өрт шығып, орман-тоғайды қызыл жалын шарпып кетіп жатыр. Бұдан адамдар да, ну орманды мекендеген аң-құс та жапа шегетіні анық.
Аймақтар • 07 Тамыз, 2023
Инвестиция игілігі – тарифтен түскен табыс
Мемлекеттің дамуына қажетті жағдайдың бірі – инфрақұрылым. Жолы жөнделмеген, коммуналдық-инженерлік жүйесі толық қамтылмаған елді өркениеттің көшіне ілесіп кетуі неғайбіл. Дамыған мемлекеттер қалайша осы дәрежеге жетті? Әлбетте оған көптеген алғышарт себеп болды. Соның ішінде инфрақұрылым жүйесі ең басты рөл ойнайды.
