Қоғам • 05 Сәуір, 2024
Шымкенттен гуманитарлық көмек жіберілді
Республиканың солтүстігі мен батыс аймақтарын қарғын су алып жатқанда оңтүстік жұрты қарап қалмады. Дереу жылу жинап, гуманитарлық көмек жөнелтуге кірісті. Сондай жәрдем керуені жуырда Шымкенттен су басқан өңір Ақтөбенің Ойыл ауданына аттанды. Қалалық Жастар ресурстық орталығынан жолға шыққан гуманитарлық көмек керуенінде қажеттіліктің бәрі қамтылды. Жүк көліктері халықтан жиналған азық-түлік, киім-кешек, санитарлық-гигиеналық заттармен, жамылатын, төсенетін жабдықтармен толып жолға шықты.
Шымкент • 04 Сәуір, 2024
Шымкенттегі Өзбекәлі Жәнібеков атындағы Оңтүстік Қазақстан педагогикалық университеті жанынан Алаш ардақтысы Жүсіпбек Аймауытұлының есімі берілген жаңа колледж ашылды.
Шымкент • 04 Сәуір, 2024
Шымкент қаласының іргесіндегі Базарқақпа тұрғын алабында тауық жұмыртқасын өндіретін, халықаралық биоқауіпсіздік стандарттарына негізделген кәсіпорын – «АйМар құс» фабрикасы іске қосылды.
Экспорт • 29 Наурыз, 2024
Шетелге өнім экспорттайтын кәсіпорын
2003 жылы құрылған инновациялық технологияға негізделген «KARLSKRONA LC AB» кәсіпорны сорғы агрегаттарын жасаумен айналысады. Барлық керекті бөлшек негізінен осында жасалатындықтан, зауыт толық циклді кәсіпорын санатына жатады.
Қоғам • 28 Наурыз, 2024
Этнограф ғалым, мемлекет және қоғам қайраткері, қазақтың ұлттық қолөнері мен мәдениетінің шырақшысы болған ұлт сардары Өзбекәлі Жәнібеков есімін иеленген Оңтүстік Қазақстан педагогикалық университетінде қайраткердің құрметіне орай мемориалдық тақта ашылып, «Өзбекәлі Жәнібеков құбылысы: тұлға тағылымы және педагогикалық құндылықтар» тақырыбында «Жәнібеков оқулары-1» тұңғыш рет халықаралық, ғылыми-теориялық конференция ұйымдастырылды.
Қоғам • 28 Наурыз, 2024
Мұқтаж жандарға азық-түлік үлестірді
Шымкенттің орталық мешіті Ақмешітте әлеуметтік тұрмысы төмен жандарға азын-аулақ азық-түлік таратылды. Рамазан қоржыны деп аталатын азық-түлік тізімінің ішінде ұн, пісте май, макарон, күріш басқа да өнімдер бар. Орталық мешітте әлеуметтік көмек 100 отбасыға көрсетілсе, шаһардың өзге де құлшылық орындарында дәл осындай қайырымдылық іс-шаралары ұйымдастырылды. Бұл күні жалпы саны 800 отбасыға күнделікті тұтынатын азық-түлік тауарлары таратылды.
Айбын • 28 Наурыз, 2024
Түркістан облысында 400-ге жуық жігіт әскерге аттанды
«Фараб» облыстық әмбебап ғылыми кітапханасында мерзімді әскери қызметке шақырылушыларды салтанатты түрде шығарып салу рәсімі өтті. Бұл күні облыстан 50 бала Алматы қаласының десанттық-шабуылдау бригадасына аттанды, тағы 30 бала Шекара қызметіне жіберілетін көктемнің соңғы команда құрамына кірді, деп жазады Egemen.kz.
Театр • 27 Наурыз, 2024
Поэзияны асқақтатқан «Дариға жүрек»
Наурыз мерекесінің қарсаңында Шымкенттің Жұмат Шанин атындағы академиялық қазақ драма театрында ақиық ақын Мұқағали Мақатаевтың екі бөлімнен тұратын «Дариға жүрек» атты поэтикалық сазды толғауының премьерасы өтті. Спектакльге мұзбалақ ақынның «Дариға жүрек» пен «Аққулар ұйықтағанда» поэмасының мазмұны арқау болды.
Шымкент • 17 Наурыз, 2024
15 Наурыз – қайырымдылық, мейірімділік пен тату көршілікке шақыру күні. Бұл күні Шымкенттегі 10216 мен 55652 әскери бөлімдерінің қызметшілері көру қабілеті жеңіл және ауыр бұзылған балаларға арналған №33 «Ақбота» түзету балабақшасына арнайы ат басын бұрды. Ондағы мақсат – балалармен патриотизм туралы әңгіме өрбітіп, ойыншықтар мен тәтті сыйлықтар тарту ету.
Қылмыс • 13 Наурыз, 2024
Интернет алаяқтарынан сақтаныңыз!
Шымкентте кейінгі жылдары интернет алаяқтық қылмыстары өршіген. Осыған байланысты онымен күрес те тиісті орган тарапынан күшейіп жатыр. Жуырда интернет алаяқтарға алданып қалмаудың алдын алу мақсатында қалалық полиция департаментінде жиын өтті. Блогерлер, журналистер, қоғам белсенділері қатысқан отырыста полиция департаменті бастығының орынбасары Арман Бейсенбаев ғаламтор арқылы алаяқтар халықты қалай алдайтынын баяндап, осы мәселені жалпақ жұртқа кеңірек жеткізу керектігін айтты.
