Қоғам • 12 Сәуір, 2022
Қоғамдық кеңес «қолбала» болмасын десек
Қазіргі таңда Жамбыл облысында Қоғамдық кеңес құрамының мәселесі жиі көтеріліп келеді. Өңірдегі бірқатар аудан аталған әңгіме төңірегінде сынға ұшыраған болатын. Мәселен, бір ғана Меркі ауданының Қоғамдық кеңес құрамының әуелі дұрыс бекітілмегені де талай айтылды. Аталған өңірде аудан әкімінің орынбасары, әкімдікке қарасты біраз бөлім басшылары сияқты лауазымды тұлғаларды да кеңес мүшелігіне кіргізіп қойған.
Аймақтар • 08 Сәуір, 2022
Жасылдандыру мақсатында жыл сайын көктем мезгілінде Тараз қаласында тиісті жұмыстар атқарылады. Биыл да көне шаһарда «Менің қалам – менің аулам!» акциясы ұйымдастырылды. Қала тұрғындары бір күнде 7 мыңнан астам көшет отырғызды. Бұл сауапты іске қалада тұрып келе жатқан түрлі сала мамандары да атсалысты.
Қоғам • 04 Сәуір, 2022
Көпшілік көгілдір отынды әлі күтіп отыр
Жамбыл өңірінде қазіргі таңда көптеген ауыл мемлекет қолдауының нәтижесінде көгілдір отынның игілігін көріп келеді. Тіпті бірқатар аудан орталықтарына газ тоқсаныншы жылдары-ақ тартылған екен. Егемендіктің отыз жылында да талай ауылдың газ мәселесі шешілді. Дегенмен әлі күнге дейін газ мәселесі күрделі күйінде қалып келе жатқан ауылдар да жетерлік. Аймақта әкімдер халық алдында есеп бергенде де осы бір күрделі мәселе тұрғындар тарапынан жыл сайын көтеріледі.
Тарих • 03 Сәуір, 2022
Тарихи тұлғаларды қорғаймыз ба, әлде?..
Тарихи тұлғаларға деген құрметтің жөні бөлек болуы керек. Қазақ халқының маңдайына біткен біртуар тұлғалары да тиісінше ардақталуы тиіс. Бірақ өкінішке қарай бізде керісінше болып тұр.
Қоғам • 03 Сәуір, 2022
Әкімдер атақ берумен ғана айналыса ма?
Мемлекет басшысы Қасым-Жомарт Тоқаевтың берген тапсырмасына орай, Жамбыл облысында барлық он ауданның әкімдері халық алдында есепті кездесулерін өткізді. Дәстүр бойынша аудан басшылары жыл ішінде атқарған жұмыстарын баяндаған соң, көпшілік көкейде жүрген сауалдарын қойды.
Аймақтар • 31 Наурыз, 2022
Бірлігі жарасқан берекелі ауыл
Қазыналы қарт Қаратаудың баурайындағы тарихи «Тамды» қалашығы талай жұртты тамсандырған тылсым мекен. Қаратау қаласының іргесіндегі «Тамды әулие» бұлағы көненің көзі, тарихтың өзі болып бүгінге жеткен. Қасиетті топырағынан елге белгілі талай азамат түлеп ұшқан Талас ауданында Тамды дейтін ауыл тағы бар. Бірлігі жарасқан шағын ауылда айтарлықтай жұмыс атқарылған.
Аймақтар • 27 Наурыз, 2022
Су тапшылығы биыл да қыспаққа алып тұр
Бұл күнде Жамбыл өңіріндегі су тапшылығы күрделі мәселеге айналған. Қажетті су қорының аздығынан аймақтағы егістік көлемі де жылдағыдан қысқарып келеді. Мәселен, облыстық ауыл шаруашылығы басқармасының мәліметінше, өткен жылы өңірдегі егістік көлемі 751,9 мың гектарды құраса, биыл 741,1 мың гектар жерге ауыл шаруашылығы дақылдарын егу жоспарланған.
Аймақтар • 24 Наурыз, 2022
Көктем келіп, жер дүние қайтадан жасанған ғажап сәтте көпшілік айналаны жасылдандыру жұмысымен айналысады. Табиғаттың өзі сыйға тартқан сан түрлі сұлулықпен қатар, мұндайда адам қолымен жасалған кереметтің өзі көңіл сүйсінтеді. Жалпы, қоршаған орта, өмір сүріп отырған аймақтың таза, жинақы әрі әсем болғаны да жақсы. Ал көктем келгенде жайнап қоя беретін жер-дүние, жалпы қоғам көпшіліктің еңбегі арқылы да көркейе түседі. Ал Наурыз келіп, нәуірзек қонғанда тағы жанданады. Бұл ретте жамбылдықтар да аймақты жасылдандыру жұмысына белсене кірісті.
Аймақтар • 21 Наурыз, 2022
Жақсылықтың жаршысы болған жоба
Қазақ халқының болмысында өзгеге көмектесу, сауапты іс жасау, қолында бар дүниені өзгемен бөлісу сияқты игі қасиеттер ғасырлар бойы қалыптасқан. Қандай қиын заман, күрделі дәуірлерді бастан өткерсе де, ұйымшылдықпен іс қылған бабалардың осы бір ізгі қасиеті бүгінгі ұрпаққа жетті.
Аймақтар • 17 Наурыз, 2022
Ақкөлге айрықша көңіл бөлінуде
Кезінде Талас ауданының орталығы болған Ақкөл ауылы кейінгі жылдары біршама қиындықты бастан кешті. Тоқсаныншы жылдары тозып, тоқырауға ұшыраған ауылда мәселе көбейген болатын. Тіпті тұрғындардың әлеуметтік жағдайы әлсіз болған соң олардың біразы туған ауылдан табан аударған еді.
