Аймақтар • 14 Ақпан, 2020
Қордайда үйінді астынан өртеніп кеткен адам денесі табылды
Қордай ауданында орын алған қақтығыс салдарынан қаза тапқан адамдардың бүгінде саны 11-ге жетті. Жамбыл облысы әкімінің баспасөз хатшысы Гүлсара Мұхтарқұлова Масанчи ауылындағы сауда орталығын тазарту барысында үйінділердің арасынан жанып кеткен адамның денесі табылғанын, бүгінде мәйіттің жеке басын анықтау үшін сот-медициналық сараптамасы тағайындалып, жедел іздестіру шаралары жүргізіліп жатқанын мәлімдеді.
Аймақтар • 13 Ақпан, 2020
Қордай ауданы қалыпты жағдайға келді
Бүгінгі таңда Жамбыл облысының Қордай ауданында техногендік төтенше жағдай сақталуда. Аймақта құқық қорғау органдары күшейтілген режимде жұмыс атқарып келеді. Орын алған оқиға зардаптарын қалпына келтіру, қақтығыс салдарын жою шаралары белсенді жүргізілуде.
Аймақтар • 11 Ақпан, 2020
Қордай ауданында «Қоғамдық келісім» кеңесі құрылды
Қордай ауданында орын алған оқиғаға байланысты Үкіметтік комиссия мүшелері Ауқатты ауылында ауданның Қаракемер, Сортөбе, Ауқатты, Масанчи және Бұлар батыр ауылдарының ақсақалдарымен кездескен болатын. Ауыл ақсақалдары, ардагерлер кеңестерінің төрағалары, Парламент депутаттары және орталық мемлекеттік органдардың басшылары қатысқан жиында мәселелерді шешу жолдары қарастырылып, қоғамда татулық пен бірлікті сақтау мәселесі талқыланған еді. Ең бастысы – кездесуде ауыл ақсақалдары аталған бес елдімекенді қамтитын бірлескен Ақсақалдар кеңесін құру туралы келісімге келді.
Аймақтар • 11 Ақпан, 2020
Жамбылда жағдай бақылауда, мәселелер реттелуде
Жамбыл облысының Қордай ауданында орын алған қақтығысқа байланысты Мемлекет басшысы Қасым-Жомарт Тоқаев өзінің Twitter-дегі парақшасында «Мемлекеттік органдар қызметкерлерінің салғырттығы салдарынан арандатушылар қантөгіс жасады. Олар жазаланады. Мемлекет зардап шеккендерге қолдау көрсетеді. Бейбітшілік пен келісім біздің басты байлығымыз, оны бұзуға ешкімнің құқығы жоқ», деп жазған болатын.
Аймақтар • 10 Ақпан, 2020
Б.Сапарбаев пен А.Мырзахметов Сортөбе ауылында брифинг өткізді
Бүгін Қордай ауданы, Сортөбе ауылында апта соңында орын алған қақтығысқа байланысты брифинг өтті.
Руханият • 10 Ақпан, 2020
Жас уақытта махаббаттың шалығы тиіп, жүректің солығы басылмай тұрған кездерде шайырдың сезім ғазалдарын көшіріп алып, жан қалтамызға салып жүретін едік. Бұл – нағыз ақын басқа болады екен деген ойдың қылаң беріп қалған кезі еді. Шын ақынның көңіл көзі көре алатын барлық жағдай жай пендеге жұмбақ. Мұқағалидың өлеңдеріндегі мұң да, сыр да бізге сондай жұмбақ еді. Қарапайым болғанымен қарабайыр емес, керісінше құдіретті жырлар өз өрнегімен тамырымызға түсіп, өлең тағдырымызға айнала бастаған кезден бастап өзгеше өрісін ашты.
Үкімет • 10 Ақпан, 2020
Ел бірлігін бұзуға жол берілмейді
Жұма күні Жамбыл облысының Қордай ауданы, Масанчи ауылында тұрмыстық деңгейдегі кикілжіңнен басталған оқиға жаппай тәртіпсіздік пен топтық төбелеске ұласты.
Аймақтар • 08 Ақпан, 2020
Үкімет комиссиясы Жамбыл облысына келді
Жамбыл облысының Қордай ауданында болған қақтығысқа байланысты Мемлекет басшысы Қасым-Жомарт Тоқаев оқиға салдарын жою мақсатында Үкімет комиссиясын құруды тапсырған болатын. Президенттің тапсырмасы бойынша бүгін Қазақстан Республикасы Премьер-Министрінің орынбасары Бердібек Сапарбаев бастаған Үкімет комиссиясы Жамбыл облысына арнайы келді.
Аймақтар • 08 Ақпан, 2020
Қордайда жекеменшік үйлер мен сауда орындары өртке оранды
Жамбыл облысының Қордай ауданында болған қақтығыстың дабыры бір күнге жетпей-ақ байтақ елге тарап кетті. Түрлі әлеуметтік желілер арқылы оқиға орнынан бейнетүсірілімдер таратылып, ақпараттар ағыны тасқындады. Бұл мәселенің анық-қанығына жету үшін құқық қорғау органдары қызметкерлерінің арасында жедел-тергеу тобы құрылды.
Қоғам • 08 Ақпан, 2020
Қордайдағы қақтығыс: айыптылар анықталуда, жағдай бақылауда
Жұма күні кешқұрым Жамбыл облысының Қордай ауданы Масаншы ауылы тұрғындарының арасында топтық төбелес орын алды. Қазақтар мен дүнгендер арасындағы келіспеушіліктің соңы жанжалға ұласқан. Масаншыдағы қақтығыс туралы түрлі бейнетүсірілімдер мен ақпараттар сол күні-ақ кешке қарай әлеуметтік желілерде тарап кетті. Ел арасында дүнгендердің 80 жастағы қарияны балаларымен қоса ұрғаны, төбелестің содан басталғаны жайлы да әңгімелер болды. Алайда, мәселенің мәнісі әлі де анықталу үстінде. Полицияның күшімен ауылдағы төбелес тоқтатылып, жағдай бақылауға алынды. Жамбыл облыстық полиция департаментінің мәліметінше, облыстық Тергеу басқармасы Қазақстан Республикасы Қылмыстық Кодексінің 293-бабы, яғни бұзақылық бойынша сотқа дейінгі тергеу жұмыстарын бастады.
