Спорт • 30 Қазан, 2022
Қазақ балуандары – «Turan barysy» жеңімпазы
Түркістан қаласындағы «Olympic center» спорт сарайында алғаш рет қазақ күресінен «Turan Barysy» Азия кубогі өтті. Жарысқа Түркі мемлекеттері ұйымының мүшелері – Түркия, Өзбекстан, Әзербайжан, Қырғызстан, Мажарстан және Қазақстан балуандары қатысып, өзара мықтыны анықтады.
Аймақтар • 26 Қазан, 2022
Еліміз бойынша көпбалалы аналардың үштен бірі Түркістан облысында тұрады. Өңірде 169 857 көпбалалы отбасы, оның ішінде 14 408 «Алтын алқа», 4 231 «Күміс алқа» иегері бар. Сондай-ақ алтын құрсақты аналардың 2 516-сы «Батыр ана» атанған, 3 938-і І және ІІ дәрежелі «Ана даңқы» ордендерімен наградталған. Көпбалалы отбасылардың әлеуметтік тұрмысы, көрсетіліп жатқан көмектің көлемі қоғам үшін қашанда маңызды. Мемлекет тарапынан барынша қолдау көрсетіліп жатыр. Дегенмен мәселенің екінші жағы барын, кей көпбалалы аналардың масылдық психологиядан арылуы керек екенін айтушылар да бар. Бұл орайда қуантатыны еңбекқор, бала тәрбиесімен қатар жұмысында да жоғары жетістіктерге жетіп жүрген аналар аз емес.
Өнер • 22 Қазан, 2022
Түркістан облысы әкімдігінің және облыстық Мәдениет басқармасының ұйымдастыруымен, Түркістан төрінде Республика күніне орай халықаралық «Voice of turan» қазақ әндері байқауы өтті. Екі күн бойы әлем елдерінен келген қатысушылар қазақ әндерін шырқап, өз өнерлерін ортаға салды.
Қоғам • 18 Қазан, 2022
Түркістан облысында осы жылдың 9 айында 66,4 мың адам жұмысқа орналастырылған. Оның ішінде жұмыспен қамту орталықтары арқылы бос орындарға – 32,8 мың адам қабылданып, белсенді жұмыспен қамту шараларымен 28,1 мың адам қамтылған. Ұлттық жобалар шеңберінде 5,4 мың адам жұмысқа орналасқан. Жұмыс орындарымен қамту мониторингін жүргізу тәртібіне сәйкес азаматтарды жұмысқа орналастыру олар үшін міндетті зейнетақы аударымдарымен расталады. Өңірде бұл көрсеткіш 64%-ды құрайды. Облыстағы ең төменгі көрсеткіш Жетісай ауданында (47%).
Аймақтар • 17 Қазан, 2022
Түркістан қаласындағы «Фараб» кітапханасы оқырмандарға былтыр қыркүйек айынан бастап қызмет көрсетіп келеді. Оқырмандар үшін үлкен тәрбие мектебіне, сансыз сұрақтардың жауабын табуға болатын киелі ордаға айналып үлгерген облыстық «Фараб» әмбебап ғылыми кітапханасының директоры Жанат Шардарбекова жуырда «Жыл кітапханашысы – 2022» атағымен марапатталды.
Қоғам • 11 Қазан, 2022
Бүгінде қоғамда жантүршігерлік оқиғалар неге жиілеп кетті деген сұрақ мазалайды. Неге? Әрине тегіс халықты даттауға болмайды «бір анадан ала да туады, құла да туады», бұл арада ұлттың да, діннің де қатысы жоқ дерсіз. Жұбатарлық сөз табылар, бірақ оған жетім қалған балалар жұбанып, нәзік жүректегі жара жазыла ма? Бір үйелменнің, яғни отбасының әлеуметтік ахуалын алға тартармыз, қоғамның қатыгезденіп бара жатқанын айтармыз, бірақ. Неге осындай оқиғалар жиілеп кетті?
Аймақтар • 10 Қазан, 2022
Достық пен татулықтың темірқазығын жастар бекемдемек. Алғаш рет Тәжіктердің республикалық этномәдени орталығының ұйытқы болуымен өткен жастар форумына қатысушылар осылай деп отыр.
Медицина • 09 Қазан, 2022
Дәрігерге тексерілу – міндетің
Бүгінде күйзеліс көп. Теледидарды қоссаңыз да, ғаламторды ақтарсаңыз да атыс-шабыс, ұрыс-керіс туралы айтатындар мен көрсететіндер жетеді. Мамандар көргісі келмесе де бәрібір еститін осындай үрей туғызатын ақпарлар әлсіз адамды депрессияға ұшырататынын айтып дабыл қағып жатыр. Озбырлықтың түр-түрін насихаттап жатқандай көрінетін бағдарламалардың кері әсері, жаман жаңалықтардың салдары көбіне невроз ауруына шалдықтырады. Бұған жұртты үрейлендірген коронавирус та қосылды. Одан бөлек отбасылық проблемалар, несиелер, жанжалдар адамның жүйкесін жұқартады.
Ұлттық спорт • 07 Қазан, 2022
Аға буыннан асық ату ойыны туралы сұрасаңыз, көбіне мұғалімдерден жасырынып ойнағандарын айтады. «Асық ойнаған – азар, доп ойнаған – тозар. Бәрінен де қой бағып, құйрық жеген озар», деген сөзді ұстаным еткендерін де жасырмайды. Ал бүгінде асыққа деген көзқарас мүлде өзгерген. Ұлттық ойынды насихаттап, бүгінгі буынға үйретіп жүргендердің қатарында мұғалімдер көп.
Экология • 05 Қазан, 2022
EcoStudentKZ: Жылыжайға гүл, ағаш отырғызды
Қожа Ахмет Ясауи атындағы халықаралық қазақ-түрік университетінің ботаникалық бағында EcoStudentKZ челленджі өтті. Шымкент қаласынан бастау алған игі бастама аясында Түркістан қаласының жастары, студенттер мен экоеріктілер ботаникалық бақты қоқыстан тазартты.
