Сұхбат • 30 Қаңтар, 2024
Жасанды интеллектіні дамытуға қадам бастық
Жасанды интеллектінің мүмкіндігі мен жетістіктерін көз көріп, құлақ естіп жүр. Елімізде де саланы дамытуға ден қойылып отыр. Бірнеше жоғары оқу орнына білім беру бағдарламасын енгізу – осы бағыттағы негізгі қадамның бірі. Отандық ғалымдардың да ізденісі көптеп байқалады. Мәселен, жасанды интеллектінің көмегімен дауыстық хабарламаны мәтінге айналдыратын қосымшаны көзіміз шалды. Оның артықшылығы тілдік дерекқорының молдығында. Яғни бұл бағдарлама қазақ тілінің технологиядағы қолданысының дамуына жақсы әсер етеді. Нейрожелінің мүмкіндігін әрбір салада жетілдіруге осындай отандық жобалар қажет-ақ. Шын мәнінде, жасанды зерденің біздің нарықтағы болашағы, ондағы қазақ тілінің қолданысы қай деңгейде екенін білу үшін Ақпараттық және есептеу технологиялары институты бас директорының орынбасары, зертхана меңгерушісі, PhD, қауымдастырылған профессор Өркен МАМЫРБАЕВТЫ сөзге тарттық.
Қоғам • 25 Қаңтар, 2024
Л.Н.Гумилев атындағы Еуразия ұлттық университетінің Ғылыми кітапханасында «Сапалы ұлт: білім, ғылым және мәдениет» атты елімізге белгілі филолог ғалымдардың студенттермен кездесуі өтті. Іс-шараға Ұлттық ғылым академиясының академиктері Уәлихан Қалижан, Кәрімбек Құрманәлиев, «Қазақ газеттері» серіктестігінің бас директоры Дихан Қамзабекұлы, филология ғылымдарының докторы, профессор Тұрсын Жұртбай, филология ғылымдарының докторы, профессор, ҰҒА корреспондент-мүшесі Амантай Шәріп қатысты.
Білім • 24 Қаңтар, 2024
Мемлекет басшысы Қасым-Жомарт Тоқаев VIII шақырылымдағы Парламенттің бірінші сессиясының ашылуында: «Білім беру жүйесіндегі менеджментті жақсартуға баса мән берілуге тиіс. Осы салаға нағыз кәсіби мамандарды тарту қажет. Бізде Президенттік жастар кадр резерві бар. Дәл сол сияқты білім саласына өзгеріс әкелетін 1 мың маман арнайы дайындықтан өтетін болады», деп осыған орай арнайы бағдарлама қабылданатынын айтқаны есімізде. Қазір сол жоба іске асырылып, резервке 208 кандидат іріктелініп алынған. Мамандардың қатары жыл сайын толықтырылып отырылады.
Олимпиада • 22 Қаңтар, 2024
Астанада ауыл мектептері оқушыларына арналған республикалық пәндік олимпиаданың қорытынды кезеңі өтіп жатыр. Ақтық сынға 1 мыңнан астам зияткер жолдама алған. Білім бәсекесі 25 қаңтарға дейін жалғасады.
Ғылым • 16 Қаңтар, 2024
Отандық генетик, биолог ғалым Самат Қожахметов денсаулыққа зиян келтірмейтін әрі антибиотиктердің орнын алмастыратын метабиотик әзірлеп шықты. Ол саумалдан жасалған.
Технология • 15 Қаңтар, 2024
Жасанды интеллект жаңалық ашты
Жасанды интеллектінің пайда болуын жаңалық деп жүргенде, нейрожелі өзі де жаңалық ашып үлгерді. Жасанды интеллект және суперкомпьютер көмегімен батарея жасауда қолданылатын литийдің орнын басатын жаңа зат ойлап табылды.
Білім • 12 Қаңтар, 2024
Сапалы маман – жергілікті экономиканы дамытуға, азаматтық қоғам құруға, білім саласын жақсартуға, тиімді үкімет жүйесін қалыптастыруға, жалпы айтқанда, бүкіл қоғамды өзгертуге ықпал ететін күш.
Қазақстан • 12 Қаңтар, 2024
Цифрлық даму министрі Бағдат Мусин интернет жылдамдығы бойынша Токионы басып оздық дегенде бәрі таңғалған еді. Себебі бізде интернетке қол жеткізе алмай отырған қаншама елді мекен бар. Тіпті қалалық жерлердің өзінде интернет дұрыс ұстамайды. Дегенмен мәселені шешуге қадамдар жасалып жатқанын жоққа шығармаймыз. Тек көптің қалауы –интернеттің игілігін ертерек көру. Ал шын мәнінде еліміз қай мемлекеттен озып, қайсысынан қалып келеді? Интернетіміз қай елден қымбат, қай елден арзан? Осы сұрақтарға жауап іздеп көрдік.
Жоба • 04 Қаңтар, 2024
Мемлекет басшысы Қасым-Жомарт Тоқаев мектепке дейінгі, орта, техникалық және кәсіптік білім беру салаларын дамыту үшін бірқатар тапсырма бергені есімізде. Соған байланысты былтыр 2023-2029 жылдарға арналған білім беру жүйесін дамытудың жол картасы әзірленіп, саладағы мәселелерді шешуге бағытталған жұмыстар атқарылды. Білім сапасын жақсарту үшін істелетін жұмыстардың енді біразы 2024 жылдың еншісінде тұр.
Мектеп • 03 Қаңтар, 2024
Өткен жылдың басында «Жайлы мектеп» білім беру саласындағы пилоттық ұлттық жобаны бекіту туралы» Үкімет қаулысы күшіне енген еді. Бұл – білім саласындағы мәселелердің жүгін жеңілдететін бірегей жоба. Үш жылға межеленген жобаның алғашқы жылы қалай аяқталды? Зерделеп көрдік.
