Су тасқыны • 16 Сәуір, 2024
Екінші толқынның екпіні алаңдатады
Елімізде су деңгейі әзірге ала-құла. Әсіресе солтүстікте жағдай әлі де күрделі. Кей жерлерде су деңгейі түскенімен, Жайықтың Ресейден келетін арнасы алаңдатып отыр. Қыр астында қызыл су барын күн бұрын бағамдаған ел қауіптің алдын алуға жұмыла қам-қарекет қылып жатыр. Алайда мамандарды негізгі елеңдетіп отырғаны су тасқынының екінші толқыны.
Төтенше жағдай • 10 Сәуір, 2024
Тілсіз жау әлі де тізгінге ырық бермей тұр. Еліміздің бес аймағындағы су қоймалары кемеріне келіп қалды. Әсіресе батыс өңіріндегі өзен суларының деңгейі күн сайын өрлеп бара жатқаны байқалады. Соған сай мемлекеттік құрылымдармен бірге жұртшылық та тайлы-тұяғы қалмай Жайықтың жағасында дамылсыз дамбы салып, келе жатқан қауіптің алдын алуға жұмылды.
Төтенше жағдай • 04 Сәуір, 2024
Еліміздің батыс өңірінде су деңгейі шамалы төмендегенімен, елдің орталық, солтүстік және шығыс бөлігінде өзен сулары көтеріліп жатқаны байқалады. Әзірге бес облыста су басу қаупі бар. Жергілікті ауқымдағы 20 төтенше жағдай жарияланды. Ал Ақтөбе, Қостанай, Батыс Қазақстан облыстарында жағдай әлі де күрделі.
Аймақтар • 28 Наурыз, 2024
Ақмола облысының Целиноград ауданына қарасты Қоянды ауылындағы үйлерін су алған тұрғындар төтенше жағдай жариялауды талап етіп, наразылығын білдірді. Себебі жағдай ушығып, біраз тұрғын үй мен аулаларды су басып қалған. Жағдайды көзбен көріп, жауапты мекемелердің уәжін тыңдап көрдік.
Өнер • 21 Наурыз, 2024
Қазақтың ұлттық аспабы домбыраны жасау – бұрынғылардан үзілмей жалғасып келе жатқан өнер. Домбыра жасаудың тәсілі бір болғанымен, әр шебердің жасау әдісі – әртүрлі. Ұлттық аспап жасаумен 30 жылға жуық айналысып келе жатқан белгілі шеберлердің бірі – Нұржан Ділманов. Өзі – шеберлер әулетінен шыққан қолөнерші. Бүгінде оның қолынан шыққан аспаптар еліміздің белгілі өнерпаздарының қолында күмбірлеп жүр.
Елорда • 18 Наурыз, 2024
Ұлы ұстаз әл-Фараби ізгі шаһар туралы әйгілі трактатында қалалар мен қауымдар жайын талқылай отырып, халқы өзара ізгілік иірімінде мамыражай ғұмыр кешетін қайырымды қалаға іңкәр қылып қоятыны бар еді ғой. Оны кезінде утопияға балағандар да табылды. Алайда қайырымды қала, ізгі мемлекет дегеніміздің өзі қайырымды адамдар мен ізгі қоғамнан бастау алмай ма?
Аймақтар • 15 Наурыз, 2024
Көктемгі сынақ – көптің уайымы
Елімізде қасат қардың көбесі сөгіліп, Жер-ананың бауры бусана бастады. Алайда алты ай жауған қардан оңайлықпен құтылмасымыз анық. Өзендер кемерінен асып, қызыл су қырға тасып жатыр. Төтенше жағдайлар министрлігінің мәліметіне сүйенсек, 217 елді мекен су басу қаупі бар аумақта орналасқан.
Қоғам • 08 Наурыз, 2024
Аналық инстинкт – әлімсақтан жомарттыққа жақын. Хауа анадан жалғасқан адамзат анасы да сондай. Ана деген үш әріптің ең негізгі сипаты – мейірім. Ал мейірім, жомарттық, сақилық бәрі де анадан даритын асыл қасиеттер екені рас.
Табиғат • 07 Наурыз, 2024
Көгілдір көктемді қанатына қондырып, жыл құстары туған мекеніне қайта оралса – жыл келгендей, жылымық жеткендей дүние жадырап сала береді. Сары шұнақ аяз бен қалың жауған қар құрсауынан енді ес жиып келе жатқан елдің күпті көңіліне жігер беретін де осы жыл құстары еді. Биылғы қыс қытымырлау болғанымен, елдегі жұрт жыл құсы ерте жетті деп желпініп отыр.
Руханият • 05 Наурыз, 2024
Бай-Өлке қазақ театрының жылнамашысы
Бүгінде сексеннің сеңгіріне шыққан Қазақстан және Моңғолия театр қайраткерлері одағының мүшесі, театртанушы Тайф Тәукейұлының «Моңғолия қазақтарының театр тарихы» және «Керуен-ғұмыр» атты қос кітабы оқырманға жол тартты. Аталған туындылардың тұсаукесер рәсімі елордадағы Ұлттық академиялық кітапханада болды.
