Өнер • 23 Тамыз, 2024
«Еvigilatio» – абстрактілі көркемсурет жанрын жандандырып жүрген суретші Наргис Рахманованың кезекті көрмесінің атауы. 2016 жылы Ә.Қастеев атындағы Мемлекеттік өнер музейінде өткен көрмесімен салыстырғанда, бұл көрменің елеулі ерекшелігі бар – суретші ою-өрнек пішіндері мен құрылымдарының маңызын түрлі көзқарас тұрғысынан қарастырып, белгілер мен дыбыстарға ерекше көңіл бөліп, оны материалдық әлемнің өнімі рөлінен жасампаздық күші бар киелі ұғыммен алмастырады.
Қоғам • 23 Тамыз, 2024
«Кітап оқу – мәдениеттің биігі»
«Baurzhan Foundation» қорының негізін қалап, еліміздегі бірқатар әлеуметтік сәтті жобаның бастамашысы болып жүрген Жұлдыз Омарбектің есімі кітапсүйер қауымға етене таныс. Оның менеджерлік қырының арқасында өмірге келген әдеби һәм әлеуметтік жобалар кейінгі онжылдықта зор қарқын алып, баспагерлер мен қаламгерлер арасын жалғаған алтын көпірге айналды. Биыл қоғам белсендісінің идеясымен өмірге келген іргелі жобалардың бірі «KitapFest» кітап фестивалінің 10 жылдық мерейтойы аталып өтілмек. Осы ретте тәжірибелі маманмен отандық әдеби нарық, кітап оқу мәдениеті төңірегінде аз-кем әңгіме өрбітіп, саланы дамыту тетіктері туралы сұрақ-жауап алмасқан едік.
Театр • 19 Тамыз, 2024
«Әйел тұрмай, еркек оянбайды». Ер мен әйел табиғатын бірауыз сөзбен түйіндеген Ғ.Мүсіреповтің әйгілі «Ұлпан» романы осы эпиграфпен басталатын. Өз ортасынан озып туған қазақ әйелінің соны бейнесі сомдалған тарихи туынды ұлттық әдебиеттің үлкен табысы саналды, сонымен қатар әдебиеттің бір қанаты – театр режиссерлерінің де назарынан қағыс қалмады.
Мәдениет • 31 Шілде, 2024
Алматыда цирк өнерінің бүгінгі жетістігі мен жаңалығын әйгілейтін ІІ халықаралық «Almaty Circus Festival» додасы мәресіне жетті. Қазақстан, Қытай, Жапония, Аргентина, Бразилия, Португалия, Испания, Италия, Ресей, Вьетнам, Беларусь, Өзбекстан, Украина, Армения, Тәжікстан, Якутия, Қырғызстан, Эфиопия секілді әлемнің 18 елінен келген 80-нен аса цирк өнерінің мықтылары үш күн бойы талантын таразыға салып, халықаралық қазылар алқасы мен көрермендердің алдында тәуекел мен ептілікке құрылған өнерді түрлі қырынан таныстырды. Дәл фестиваль ашылған күні Қазақ мемлекеттік циркінің іргетасы қаланғанына 54 жыл толып, жарты ғасырдан астам табысты еңбек етіп келе жатқан ұлттық өнер ошағының өзіне ғана тән төл фестивалінің болуы заңды екенін шетелден келген меймандар да орынды атап өтті.
Білім • 27 Шілде, 2024
Еліміздің экономикалық дамуы үшін жұмыссыздық деңгейі төмендеп, білім сапасы жоғары болуы керек екені белгілі. Әсіресе аймақтарды, соның ішінде бір саланың өндірісі төңірегіне шоғырланған моноқалалардың әлеуетін көтеру аса маңызды. Осы орайда «ҚазМұнайГаз» ҰҚ АҚ қолдауымен Маңғыстау өңірі мен Жаңаөзен жастары үшін іске асырылып жатқан «Жарқын Болашақ» бағдарламасының орны бөлек. Іргелі жобаның мақсаты мен ерекшелігі туралы Халықаралық «Қазақ тілі» қоғамының президенті Рауан КЕНЖЕХАНҰЛЫ әңгімелеп берді.
Театр • 16 Шілде, 2024
Канада көрермендерін тамсандырды
Алматы Мемлекеттік қуыршақ театры Канаданың Оттава қаласында өткен І Халықаралық «Оттава» қуыршақ театрлар фестиваліне қатысып, «Ромео мен Джульетта» қойылымы үшін Гран-при жүлдесіне ие болды.
Қоғам • 05 Шілде, 2024
«Донор бүйрекпен жүріп домбыра үнін көкке самғатты»
Тұлғалардың орны мен даңқының уақыт озған сайын биіктей түсетіні бар. Оның ең үлкен себебі, соңында қалдырған мұрасының молдығында емес, құндылығы мен құнарлылығында, маңыздылығы мен қалың қатпарында болуы керек. Қазақ халқының асыл қазынасы қос ішекті қара домбыраны өміріне серік етіп, ал қалақтай жүрегін тиек етіп, сиқырлы саусағынан сорғалаған күйімен жылағанды жұбатып, құлазығанды қуантқан Қаршығасын қазақ ешқашан ұмытпақ емес. Күмбірлеген үннің кереметі дәріптелетін осынау атаулы күннің қарсаңында әйгілі күйшіні еске алсақ, ұлт өнерінде ұмытылуы мүмкін емес есімді жаңғыртып отыруды парыз санағаннан. Қызықты естелік сұрап, қолқа салғанда, қимас жан туралы сағаттап сөйлеуден талмайтын жарынан артық кімді табарсың? Нұрбике Ахмедиярова – қазақ өнерін күймен көмкерген әйгілі күйші, дәулескер домбырашы, Қазақстанның халық әртісі, Мемлекеттік сыйлықтың лауреаты Қаршыға Ахмедияровтың қырық жыл отасқан жары. Қырық жыл медицина саласында талмай қызмет атқарған денсаулық саласының ардагері, тәжірибелі педиатр дәрігер. Еңбек жолын қарапайым учаскелік дәрігерліктен бастап, емхананың бас дәрігеріне дейін көтеріліп, ұжым басқарған білікті басшы да болған.
Өнер • 19 Маусым, 2024
Қырық жылдан соң қайта жаңғырды
Абай атындағы Қазақ ұлттық опера және балет театрындағы талғамы биік көрермен сұранысына сай сахнадан түспей келе жатқан әйгілі «Сильфида» балеті қырық жылдан соң қайта жаңғырды. «Сильфида» балетінің алғашқы нұсқасы 1984 жылы 31 наурызда Эльза-Марианна Фон Розенің өңдеуімен Мариин театрының солисі, балетмейстер және Ресейдің еңбек сіңірген педагогі Ксения Тер-Степанованың сахналауымен қазақ көрерменіне ұсынылған болатын.
Қоғам • 15 Маусым, 2024
Цифрландыру – ақпараттық қоғамның ажырамас бөлігі
2017 жылдан бастап жыл сайын Қазақстан Республикасы Президентінің Архиві мен Әл-Фараби атындағы Қазақ ұлттық университеті және Ресей мемлекеттік гуманитарлық университеті бірлесе отырып, жас архившілердің халықаралық жазғы мектебін өткізіп келеді. Биылғы жас архившілердің VII халықаралық жазғы мектебі ҚазҰУ-дың Әл-Фараби кітапханасында салтанатпен ашылып, ауқымды іс-шара 100-ден аса қатысушының басын қосты. Халықаралық форум Қазақстан Президенті Архивінің 30 жылдығына және Әл-Фараби атындағы ҚазҰУ-дың 90 жылдығына арналған мерейтойлық іс-шаралар аясында өткізілді.
Кино • 15 Маусым, 2024
«Ойжұмбақтың» тағдыры өз қолымызда
Тоғыз жыл бұрын түсіріліп, жарыққа шыға сала «жылдың үздік фильмі» атанып, Оскарды иеленіп, шартараптағы киносүйер қауымды әлі күнге тамсандырып келе жатқан «Ойжұмбақ» анимациялық туындысының жалғасы болатыны жарияланғанда, әлем көрермені оны асыға күтті. Атағы дүркіреген фильмнің бірінші бөлімін әлемнің көптеген елі жалма-жан өз тіліне аударып алып, ұрпағының дұрыс дамуына кәдеге жарайтын көмекші құрал есебінде ұсынып жатты. Әлемдік кинематографияның табысты туындыларының бірі саналатын «Ойжұмбақ 2» фильмінің қазақ тіліне тәржімаланып, қазақтілді аудиторияға жол тартуы – руханиятымыздағы елеулі оқиға. Кино әлеміне нағыз жаңалық болып енген фильмді қазақтілді көрерменге жеткізу үшін Disney студиясы дубляжды алғаш рет өз есебінен қаржыландырып отыр.
