Өндіріс • 07 Ақпан, 2024
Ірімшік өндірісінде іркіліс жоқ
Тамақ өнеркәсібіне инвестиция тартуда Алматы облысы алдыңғы орында. Өңір басшысы Марат Сұлтанғазиевтің айтуынша, өткен жылы бұл салаға құйылған инвестиция көлемі 1,8 есеге өскен.
Өндіріс • 30 Қаңтар, 2024
Отандық өндірістің өріс алғанын Қонаев қаласында егістікті тамшылатып суаруға арналған құрылғы шығаратын зауыттың даярлық жұмыстары айғақтай түсті.
Руханият • 28 Қаңтар, 2024
Ұлт руханиятының ірі тұлғасы, жазушы Бердібек Соқпақбаевтың туғанына биыл 100 жыл. Жазиралы қазақ даласының жұпар исін аңқытып, ауылдың ғажайып көрінісі мен тыныс-тіршілігін, топырағында аунап-қунап өскен бала Қожаның боямасыз өмірін тап басып суреттеген қабырғалы қаламгердің ғасырлық мерейтойы ЮНЕСКО көлемінде аталып өтетіні мәлім. Осыған орай Қонаев қаласындағы Мәдениет үйінде қазақ әдебиетінің классигі, балалар әдебиетінің бәйтерегі Бердібек Соқпақбаевтың ғасырлық тойына арналған салтанатты іс-шараның шымылдығы ашылды.
Өндіріс • 23 Қаңтар, 2024
Таулы өңірдің қысы алты айға созылады. Жаз жай шығып, күз түсісімен от жағу машақаты басталады. Мұндайда отын-су әзірлеудің әуресі аз емес. Әсіресе сырттан жеткізілетін көмір бағасының қымбатшылығы қалта жұқартады. Сондықтан ала жаздайғы тапқан-таянғанын жемшөп, отын-су даярлауға жұмсайтын жұртқа «Ойқарағай» көмірінен қолжетімдісі жоқ. Ошақтың отын өшірмей, қоздап жата беретін бұл көмірді тұтынатын өңір тұрғындары отын жарып, тезек теріп көп әуре-сарсаңға түспейді.
Мектеп • 16 Қаңтар, 2024
Алматымен қанаттас Қарасай ауданында оқушы саны жыл сайын 6 мыңға артады екен. Оған демографиялық өсіммен қоса, ішкі миграцияның әсері зор. Мысалы, өткен жылы 11-сыныпты 2,5 мың бала тәмамдаса, биылғы оқу жылында бастауыш сыныпқа 8,5 мың бүлдіршін қабылданған. Бұл көрсеткіштер мектеп салу ісінің өзектілігін аңғартады.
Мирас • 16 Қаңтар, 2024
Жас өскіннің ақыл-ойын дамытуда, қоғам адындағы жауапкершілігі мен сенімділігін қалыптастырып, табандылығын арттыруда тоғызқұмалақ ойнаудың орны ерекше. Бүгінде тоғызқұмалақ ойнынан түрлі жарыс ұйымдастыру дәстүрге айналған. Қанатын кеңге жайған ұлттық ойынға Алматы облысының спортшылары да айрықша мән беріп, тартысты бәсекеде бақ сынаушылардың қатары жылдан-жылға артып келеді. Осы себепті, биыл өңірдің алыс-жақын елді мекендерінен қатысқан әуесқой ойыншылар арасында тұңғыш облыстық чемпионат өтті.
Дәстүр • 15 Қаңтар, 2024
Қыран құс не алмайды салса баптап...
Биыл елімізде ірі халықаралық жоба – «Көшпелілер ойыны» өтетіні мәлім. Халқымыздың ғасырдан-ғасырға, ұрпақтан-ұрпаққа ұласқан ұлы құндылықтарын әлем назарына ұсынатын осы бір айтулы додаға дайындық жұмыстары басталып кетті. Соның бірі ұлттық ойындарымыздың төресі саналатын құсбегілік өнері дер едік.
Аймақтар • 12 Қаңтар, 2024
Алматы облысы жаңа қаламен толықты. Мемлекет басшысы Қасым-Жомарт Тоқаевтың Жарлығымен Жетіген ауылы облыстық маңызы бар Алатау қаласы болып өзгертілгенін өңір жұртшылығы қуана қабылдап, шаһардың келешегіне зор үміт артып отыр.
Аймақтар • 11 Қаңтар, 2024
Мемлекет басшысы Қасым-Жомарт Тоқаевтың Жарлығымен Алматы облысының орталығы Қапшағай қаласының атауы ресми түрде Қонаев болып өзгертіліп, Алаш жұртын қуанышқа кенелткелі екінші жылға жуықтады. Осы уақыт аралығында есімі төрткүл дүниеге мәлім аса көрнекті мемлекет және қоғам қайраткері Дінмұхамед Ахметұлы Қонаев атындағы қаланың бет-бейнесі жаңаша сипатқа ие болып, инфрақұрылымы қарқын алып келеді.
Туризм • 09 Қаңтар, 2024
Алматы облысында туризмді дамытуға 58 млрд теңге инвестиция тартылатыны мәлім болды. Бұл жөнінде Алматы облысының әкімдігі мен бір топ инвестор арасында Ойқарағай шипажайын дамыту жобасына қажетті жағдайлар жасау және қолдау көрсету туралы меморандумға қол қою рәсімі барысында аталды.
