Аймақтар • 22 Қаңтар, 2024
Қар суы қарбалас тудыруы мүмкін
Тобыл мен Торғай арасындағы алып атырапты басып жатқан сере қар көктемде селге айналса, 36 елді мекен су астында қалуы мүмкін. Облыс әкімдігінде өткен кеңесте алдағы қауіптің алдын алу үшін тиісті қызметтер нендей қам жасады, не жетіп, не жетіспей жатыр деген мәселелер талқыланды. Жиын барысында биыл өңірде қардың шамадан тыс мол түскені, кейбір аудандарда тоңның қалыңдығы 1 метрден асып кететіні айтылды.
Аймақтар • 22 Қаңтар, 2024
Газ тарату стансасы іске қосылды
Тұрғын үй құрылысы қарқынды жүріп жатқан Қостанай тұрғындарының көгілдір отын тапшылығын сезініп отырғанына бірнеше жыл болды. «ҚазТрансГазАймақ» АҚ 2021 жылы облыс орталығы мен халқы көп елді мекендердегі ғимараттарды газ құбырына қосуға рұқсат ететін техникалық құжатқа мораторий енгізген. Уақытша шектеу «әне аяқталады, міне аяқталадымен» әлі созылып келеді. Ал Қостанайға қарасты жерлерден және облыс орталығына жақын елді мекендерден баспана салып алған қарапайым тұрғындар есігінің алдына келіп тұрған газ құбырына қосыла алмай, көмір жағып, күл шығарып күнелтіп жатыр. Көгілдір отынға жете алмай жүрген шағын бизнес өкілдері де мораторийдің кесірінен кәсібін өрістете алмай отыр.
Аймақтар • 19 Қаңтар, 2024
«Төрт күннен кейін табылды». Боранда адасқан малшы итінің арқасында аман қалды
Шыңылтыр аязы бет шымшыған қыстың шақырайып тұрған ашық күні алдамшы келеді. Баяу бұрқасындатып барып басталған боран аяқ астынан кәріне мініп, әлгінде ғана мүлгіп тұрған әлемнің астан-кестенін шығарып жіберуі мүмкін. Дәл осылай басталған қарлы боран бірнеше күн бойы есті алып, өңір жұртшылығын әбден әбігерге салғаны рас. Таяқ тастам жерді көзден тасалап, айналаны әлемтапырық етіп жіберген ақтүтек боранда төтенше жағдай қызметкерлері мен полиция сапындағылар тынымсыз іздеу-құтқару шараларын мінсіз атқарып шықты.
Қазақстан • 09 Қаңтар, 2024
Қостанай – Түркістан - Қостанай бағыты бойынша тікелей әуе рейстері ашылады
Әуе сапарларының қолжетімділігін арттыру және ішкі туризмді дамытуды ынталандыру мақсатында «QAZAQ AIR» әуе компаниясы 14 қаңтардан бастап Қостанай-Түркістан-Қостанай бағыты бойынша әуе рейстерін ашайын деп отыр.
Айбын • 05 Қаңтар, 2024
Ұлттық ұлан Қаңтар оқиғасында қаза тапқан қос жауынгерді еске алды
Қостанайда Ұлттық ұлан сарбаздары қанды қаңтар оқиғасында қаза тапқан қос жауынгер Мадияр Қайсаров пен Айбат Амановты еске алды.
Аймақтар • 04 Қаңтар, 2024
Жаңа жылда Жангелдин ауданының Көлқамыс ауылында пайдалануға берілген емдеу мекемесін жергілікті «Сыма-К» шаруа қожалығы салып беріп отыр. Әлеуметтік нысанның ашылу рәсіміне сонау Қостанайдан облыс әкімінің орынбасары Ринат Мұхаметқалиев, денсаулық сақтау басқармасының басшысы Данияр Жандаев, Торғайдан аудан әкімі Шота Оспанов арнайы келіп қатысты.
Аймақтар • 27 Желтоқсан, 2023
«Боранда үсіп қалған». Хабар-ошарсыз кеткен зейнеткер мен немересінің денелері табылды
Қостанай ауданы Айсары ауылдық округіне қарасты Степанов елді мекенінің 68 жастағы тұрғыны Наталья Шамарова кеше таңғы сағат 7 кезінде 11 жастағы қызын жетелеп ауылдан шығып кеткен. Зейнеткер жолшыбай көліктердің бірін тоқтатып, Қостанайға барып азық-түлік сатып алып келмек болған.
Саясат • 27 Желтоқсан, 2023
Инновациялық өнім көлемі артты
Цифрлық даму, инновациялар және аэроғарыш өнеркәсібі министрі Бағдат Мусиннің өңірге жұмыс сапары барысында Қостанай облысы аумағындағы елді мекендерді мобильді интернетпен және талшықты-оптикалық байланыс желісімен қамтамасыз ету жөніндегі Жол картасына қол қойылды.
Аймақтар • 26 Желтоқсан, 2023
Қостанай өңірінде 25 желтоқсанда түн ауғанша майда жаңбыр себелеп тұрды да, ертеңінде алай-дүлей ақ боран басталып кетті. Синоптик мамандар желдің күші секундына 30 метрге дейін жеткенін хабарлады. Салдарынан өңірде 113 елді мекен электр жарығынсыз қалды. Тұрғындардың айтуынша, дүлей боран бірқатар тұрғын үйдің шатырын жұлып әкеткен.
Аймақтар • 26 Желтоқсан, 2023
Қостанай облысында 165 елді мекен жарықсыз қалды
Екпіні секундына 30 метрге дейін жеткен қарлы боранның салдарынан облыс аумағында 165 елді мекеннің электр желілері істен шығып қалды. Жарықсыз қалған елді мекендерде электр энергиясын қалпына келтіру жұмыстары жүргізіліп жатыр, деп хабарлайды Egemen.kz.
