Туризм • 12 Қараша, 2024
Шығыспен шекаралас жатқан Қытай Халық Республикасына визасыз режім енгізілгелі алыс-беріс артып, барыс-келіс жиілеген. Сауда-саттықпен айналысып жүрген қандастар, туристік операторлар ынтымақтастық байланыста бірқатар жұмыс жүргізіп те жатыр. Жақында Шыңжаң- Ұйғыр автономиясынан туроператорлар мен ресми өкілдерден құралған делегация келіп, Шығыс Қазақстан өңірінде саяхат саласын дамытуды талқылады.
Жансарай • 09 Қараша, 2024
Нұрлан Санжарұлы: Өр Алтай – өмірімнің бір кезеңі
Күні кеше ауыл көшесінде доп қуып, бұзау қайырып жүрген бала күнді кім сағынбасын. Кейбір кезде мүмкін емес болса да, сонау бір алаңсыз шаққа, балалық баққа тартып кеткің келеді. Ондайда қара шаңырақтағы қоңыр альбомды ашып, ескі суреттерді парақтаймыз. Одан қалса, интернеттен «Менің атым – Қожа» фильмін іздейміз. Оны іздейтініміз, бала күнге деген алып-ұшты сағынышты басады. Сол үшін де шығар, қанша көрсек те жалықтырмақ емес. Кеше фильмдегі басты кейіпкер «Қожамен» қатар отырып, әңгімелестік. Атүсті емес, ерке Ертістің жағасында емен-жарқын Нұрлан Санжарұлы сыр ақтарған. Өзеннен күздің салқын самалы есіп тұрды.
Аймақтар • 08 Қараша, 2024
Аудан басшысы уәдесіне қаншалықты берік?
Атауы қайта жаңарған Алтай ауданы әуелден әлеуетті. Жерасты байлығы да жетерлік. Табиғаты әсем өңір өзен-көлден де кенде емес. Іргесіндегі толқыған телегей су қоймаға Бұқтырма мен Тұрғысын өзендері құяды. Еліміздегі алпауыт кәсіпорындардың да бірқатары – осы ауданның аумағында. Тізсек, Алтайда өндіріс ошақтары аз емес. Айтпағымыз, былтыр халық сайлаған аудан әкімі Ренат Құрманбаев жыл көлемінде өндірісі өрістеген өңірде қандай жұмыс атқарды? Ел сенімінен шыға алып жүр ме?
Ұлттық спорт • 15 Қазан, 2024
Қоңыр күзде қыран құстарын көтерген бүркітшілер Бозанбайдың іргесіндегі Бүркіттөбеде бас қосты. Дәстүрлі «Шығыс салбурыны» биыл былтырғыдан өзгеше өтті. Жоғары деңгейде. Ұйымдастырушылардың есеп-қисабына қарасақ, халықаралық турнирдің шешуші сайысын бес мыңдай турист келіп қызықтаған.
Туризм • 27 Қыркүйек, 2024
Арғы жағалауын телегей Тынық мұхиттың толқыны соққылап жатса, бергі жағы бізбен қақпалас Қытай еліне сапарладық. Көздегеніміз құмырсқаның илеуіндей ығы-жығы қалалары емес, Алтайдың батыс солтүстігінде мөлдіреп жатқан әйгілі Қанас көлі еді. Көлді көреміз деп жүріп, Үрімжі қаласына жол түсіп, Жеменейдің кәсіпорындарын араладық.
Талбесік • 25 Қыркүйек, 2024
Шыңында таутеке ойнақтап, қар барысы жортқан Алтайдың төріндегі тұмса табиғатты Аршаты орманшылығының инспекторлары мен орманшылары қызғыштай қорып, тау-тасын торып жүр. Жалама шыңдарда фототұзақ құрып, көзге түсе бермейтін түз тағыларын суретке түсіретін де осылар.
Туризм • 06 Қыркүйек, 2024
Сарша тамыздың соңына дейін Сарыбел деп сабылдық. Әсіресе, күннің ыстығында Сарыбелдің құмды жағалауынан табылдық. Одан басқа Самардың әсем табиғатына тамсанып, оны жаһанға жар салып көрмедік. Күні кеше ғой, Самар аудандық ішкі саясат бөлімінің ұйымдастыруымен өткен «Samar fest» фото-блог туры аясында өңірдің шетсіз-шексіз нуын да, мөп-мөлдір суын да, тауы мен тасын да араладық.
Ауыл • 18 Мамыр, 2024
Күршім ауданының Маралды ауылы төңірегіндегі жер қойнауын пайдалану мәселесіне қатысты жауапты орган өкілдерімен кездесу өтті. Мемлекеттік басқару органдары, сарапшылар мен БАҚ өкілдері арасындағы диалогті «Altainews» медиа-орталығы ұйымдастырды. Кездесуде Маралды ауылындағы алтын өндіру фабрикасының құрылысы аумағында қоғамдық тәртіпті сақтау мәселесі көтерілді. Сондай-ақ ауылдың әлеуметтік-экономикалық дамуы туралы сұрақтар қойылды.
Туризм • 03 Мамыр, 2024
Еліміздегі ең ұзын әрі ең тар асу Шығыс Қазақстанда екенін бәрі біле бермейді. Бұл – Өскемен-Алтай-Катонқарағай бағытындағы әйгілі Тереңсай асуы. 16 шақырымға созылған тау ішіндегі ирек жол осыдан 83 жыл бұрын күрек-қайланың күшімен салынған. Қазіргі уақытта асуды айналып өтетін төте жол салынып жатқанымен, туристерді Тереңсай қызықтырады. Тура жол пайдалануға берілсе де, Тереңсай саяхат үшін қолданылады. Оның үстіне табиғаты да әсем.
Аймақтар • 30 Сәуір, 2024
Журналистер мінген шағын автобус Өмеш асуынан асып, Самар мен Ұлан аудандарын басып, паромға жетіп тоқтаған. Баспасөз турының бағыты – Күршім. Мақсат – Бұқтырма суқоймасына салынып жатқан көпір құрылысын көру, аудандағы бірқатар әлеуметтік нысанды аралау.
