Кәрібай МҰСЫРМАН
Кәрібай МҰСЫРМАН«Egemen Qazaqstan»
178 материал табылды

Қоғам • 17 Шілде, 2022

Қаржы пирамидасы: Қатайтылған заң қорған бола ма?

«Жау жағадан алғанда бөрі етектен алады» демекші, Бас проку­ратураның Құқықтық статистика және арнайы есепке алу жөнін­дегі комитетінің мәліметіне қарағанда, коронавирус пандемиясы алқымнан алып тұрған 2020 жылы елімізде қаржы пирамидаларын құру бойынша 181 қылмыстық іс қозғалған екен. Қатерлі індеттің қыспағында қалып, тұрмысы төмендеп кеткен мыңдаған адамның қолындағы аз-мұз пұлын еселеп көбейтіп береміз деп алдап-арбап, қалталарына басып кеткен алаяқтардың зары өтіп-ақ тұрды. Осыған орай Президент Қасым-Жомарт Тоқаев былтырғы Жолдауында: «Алаяқтықтың көбеюіне байланысты азаматтардың наразылық білдіруі орынды. Бас прокуратура алаяқтыққа және қаржы пирамидаларына қарсы кешенді шаралар әзірлейді», деген болатын.

Сұхбат • 11 Шілде, 2022

Ғалымжан Пірматов: «Ұлттық Банктің базалық мөлшерлемеге қатысты шешімі инфляция бойынша мақсатқа бірден емес, орта мерзімді перспективада қол жеткізуге бағытталған»

Ұлттық Банктің Төрағасы Ғалымжан Пірматов «Egemen Qazaqstan»-ға арнайы сұхбат беріп, инфляция бойынша орта мерзімді болжамдар, валюта нарығындағы ахуал, сондай-ақ Ұлттық Банктің базалық мөлшерлемені көтеру факторы және оның экономиканы кредиттеуге әсері туралы әңгімеледі.

Сұхбат • 10 Шілде, 2022

«KEGOC» АҚ: Қазақстан ұлттық электр торабының қарқынды дамуы – уақыт талабы

Бүгін «Электр желілерін басқару жөніндегі Қазақстан компаниясы (Kazakhstan Electricity Grid Operating Company) «KEGOC» акционерлік қоғамының құрылғанына 25 жыл толды. Осы айтулы дата қарсаңында «KEGOC» АҚ Басқармасының төрағасы Қаныш Молдабаев «Egemen Qazaqstan»-ға сұхбат беріп, еліміздің электр энергетикасы саласындағы жетекші компанияның құрылу тарихы, қазіргі жағдайы және келешегі жайлы айтты.

Қоғам • 07 Шілде, 2022

Тойшылдық: Үкімет қаулысы неге қауқарсыз?

Қазақтың ұлы Абай сынаған бес дұшпанының бірі – бекер мал шашпақ. Өткен ғасырдың басындағы алапат ашаршылықты басынан өткерсе де, халқымыз одан ес жия келе, ескі әдетіне қайта басып, той өткізуден бір-бірімен бәсекеге түскендей жағдайға жетті. Оны тіпті әлемді алқымынан алған коронавирус пандемиясы да тоқтата алмады. Мейрамханалар мен тойханаларда тығылып той жасағаны үшін жүздеген адамға айыппұл салынғаны – соның айғағы. Ал «Бармақ басты, көз қыстымен» ондай жазадан құтылып кеткендер саны қанша екені бір Аллаға аян.

Қоғам • 30 Маусым, 2022

Мектеп асханасында – мейрамхана бағасы...

Еліміздің жаңа тарихында енді бұ­рын­ғы Қазақстан, һәм Бірінші Республика бо­лып жазылатын кезеңде кездейсоқ адамдар да «ебін тауып» министр болып тағайындалып, білім саласының да, ғылым саласының да берекесін қа­шыр­ғандықтан, қоғам қайраткерлері, Пар­ламент депутаттары, зиялы қауым өкіл­дері кейінгі кезде Білім және ғылым министрлігін екіге бөлу қажет деген пікір білдіріп жүрді.

Қоғам • 27 Маусым, 2022

Әлеуметтік мәртебесі жоқ мамандық

Еліміздің журналистер қауымы көрнекті қаламгер, мемлекет және қоғам қайраткері Шерхан Мұртазаның «Журналист атан түйе секілді. Арқалағаны алтын болғанымен, жегені – жантақ» деген сөзін ұмыта алар емес. Себебі бұл ащы да ақиқат сөз айтылғалы ондаған жыл өтсе де, қолдарына қалам мен микрофон ұстап, ақпарат майданының алғы шебінде жанталасып жүрген әріптестеріміздің жағдайлары онша өзгерген жоқ.

Қоғам • 20 Маусым, 2022

«Менімен ойнамаңыз, мен блогермін!..»

Мемлекет басшысы Қасым-Жомарт Тоқаев Ұлттық құрылтайдың Ұлы­тау­да өткен алғашқы отырысында сөйле­ген сөзінде: «Отбасын асырау үшін та­бан­­ды еңбек етіп жүрген, заңға бағы­на­тын адамдар құрметке ие болу керек. Өкінішке қарай, бізде көше бұзақыла­ры, жауапкершіліктен жұрдай блогерлер және масылдық пиғылдағы айқай шы­ғаратын адамдар бүгінгінің баты­рына айналды. Депутаттар мен ат­қарушы билік өкілдері соларға ғана баса мән беретін болды. Түрлі деңгейдегі шенеу­ніктер солардың ғана талабын орын­дауға жүгіреді. Орталықтағы және аймақтардағы билік барлық азаматтың мұң-мұқтажына бірдей қарауға тиіс», деп қоғамымызда кейінгі жылдары жиі байқалып жүрген келеңсіз құбылысқа назар аударды.

Сұхбат • 13 Маусым, 2022

Нұрлан Әбдіров: Сайлау жүйесін жетілдіру – Жаңа Қазақстанның талабы

Биылғы қаңтар айында Мемлекет басшысының Жарлығымен Орталық сайлау комиссиясының Төрағасы болып тағайындалған белгілі мемлекет және қоғам қайраткері, заң ғылымдарының докторы Нұрлан Әбдіров Egemen Qazaqstan-ға сұхбат беріп, қазіргі таңдағы өзекті мәселелердің бірі – еліміздің сайлау жүйесін жетілдіру жөніндегі ой-пікірлерін ортаға салды.

Қоғам • 12 Маусым, 2022

«Аш адамға балық емес, қармақ бер»...

Мемлекет басшысы Қасым-Жомарт Тоқаев биылғы 11 қаңтарда Парламент Мәжілісінің отырысында сөйлеген сөзінде қазақстандықтардың жұмыспен қамтылуы мен табысының төмендігіне ерекше назар аударып, Үкіметке халықтың табысын арттыру бағдарламасын әзірлеуді тапсырғаны мәлім. Осыған орай, Үкімет «Халықтың табысын арттырудың 2025 жылға дейінгі бағдарламасы» кешенді жоспарын дайындап, бекітті.

Референдум-2022 • 08 Маусым, 2022

Халық қолдауы – батыл өзгерістерге сенімді негіз

Ел билігінің тізгіні қолына тиісімен-ақ көпшілік көкейіндегіні дөп басып, «Халық үніне құлақ асатын мемлекет» тұжырымдамасын ұсынған Мемлекет басшысы Қасым-Жомарт Тоқаевтың игі бастамаларына халқымыз қуана қолдау білдіріп, зор үміт артты. Ескі мен жаңаны «кілем астындағы» арпалысқа түсірген саяси және экономикалық реформалар қарқынын «Қасіретті қаңтар» оқиғасы барынша жылдамдатып, керітартпа күштердің саясат сахнасынан ығыстырылып, халық күткен өзгерістердің кең өріс алуына жол ашып берді. Ата Заңға аса маңызды түзетулер енгізу мақсатында өткізілген республикалық рефе­рен­думның алдын ала белгілі болған қорытындылары – соның айғағы.