Экономика • 16 Наурыз, 2021
Мемлекет қамқорлығы – ахуал тұрақтылығы
Осыдан тура бір жыл бұрын, 16 наурыз күні сағат 8.00-де Мемлекет басшысы Қасым-Жомарт Тоқаевтың Жарлығымен коронавирус инфекциясының таралуына байланысты елімізде төтенше жағдай жарияланған еді. Әу баста вирусты «оңай жеңілетін жаудай» көріп, бейқам отырған халық індеттің аяқ алысын көріп, етек-жеңін жинай бастады. Елімізде азаматтардың өмірі мен денсаулығын қорғау бағытында пәрменді шаралар қолға алынды. Жуырда көлденең келген кеселмен бүкіл дүние жүзі күресіп жатқанына бір жыл толғанын атап өткен Президент дерттің қатері сейіле қоймағанын, адамнан адамға жылдам жұғатын індеттен сақтану шараларын босаңсытуға болмайтынын атап өтті.
Қоғам • 16 Наурыз, 2021
Астана да ауыз судан қиналуы мүмкін
Көзімізге көл-көсір көрінетін судың мәселесі де шаш-етектен. Келешекте ел билігінің көз алдындағы елорданың өзі ауыз су тапшылығын тартуы мүмкін. Кезінде бас қала суды Нұра мен Есілден алатын. Ал қазір қаланың негізі су көзі − Вячеслав су қоймасы. Оның өзі сарқылуға таяу.
Қазақстан • 11 Наурыз, 2021
Кәсіп иелері несібесіз қалған жоқ
Былтыр пандемия барлық саланы сергелдеңге түсірді. Әсіресе, экономика, кәсіпкерлік секторы едәуір шатқаяқтап қалды. Дегенмен де мемлекет дағдарыстың салқынын сездірмес үшін қолдан келген шараларды жасады. Бизнесті қолдау үшін субсидиялар бөлді. Кәсіпкерлердің алған несиесі қайта қаралды. Ауыл шаруашылығы, сауда және өңдеу өнеркәсібіне де көңіл бөлінді.
Қоғам • 10 Наурыз, 2021
Қазіргі қазақ қоғамында еркек кіндіктілерден гөрі әйелдердің қоғамдық белсенділігі ерекше болып тұр. Осыдан екі жыл бұрын періште бес қыз қапияда қаза болғанда бас көтеріп, көшеге шыққан да әйелдер еді. Осы аналардың арқасында көп балалы отбасыларға берілетін жәрдемақы бірден төрт еселеп өскенін жұртшылық жақсы біледі. Бұдан кейін әйелдердің митингіге шығуы жиілеп кетті. Алдыңғы күні әртүрлі плакат ұстаған қыз-келіншектер Алматыда тағы бір шеру өткізді. Бірақ бұл жолы олардың талабы деген сұрапыл...
Экономика • 02 Наурыз, 2021
Сенгеніміз – шетел валютасы...
Ұлттық банктің дерегі бойынша, доллармен сақталған депозиттің үлесі былтыр 37,3%-ға төмендеген. Бұл – 2013 жылдан бергі ең төменгі көрсеткіш. Ал айырбастау пункттеріндегі доллардың нетто сатылымының жылдық көлемі 2020 жылы 4 млрд долларға дейін түскен, яғни 2019 жылмен салыстырғанда 14%-ға төмендеген. Дегенмен де қазақстандықтар тірнектеп жинаған ақшасын теңгеден гөрі доллармен сақтағанды жөн көреді екен.
Қоғам • 01 Наурыз, 2021
Ұрпақ өрбіту – ұлт алдындағы парыз
Балалы болу, ұрпақ жалғастыру – әр отбасыныңбақыты ғана емес, мемлекеттің де байлығы. Халық саны көбейсе, дербес ел ретіндегі тұғырымыз да беки түседі.
Экономика • 23 Ақпан, 2021
Автокөлік нарығының ахуалы қандай?
Коронавирус пандемиясы көптеген саланы теңселтіп кетті. Бұрын көлікті көйлекше ауыстыратын әлемдік байшыкештер де «байтал түгілі бас қайғы» болып кеткен секілді. Өйткені былтыр автокөліктердің сатылуы дүниежүзі бойынша әдеттегіден 21,36 млн автоға кеміген. Freedom Finance Insurance сақтандыру компаниясының мамандары «2020 жыл әлемдік автонарықтың күйреу кезеңі болды» дейді.
Экономика • 22 Ақпан, 2021
Табыс һәм ең төменгі күнкөріс деңгейі
Жалақысы жақсының жағдайы да жақсы. Бірақ айлық мәселесіне келгенде Қазақстанның жағдайы көңіл көншітерлік емес. 2021 жылдың басында әлемдегі ең төменгі жалақы рейтингін жариялаған Picodi халықаралық сервисі біздегі жалақыны 56 елдің ішіндегі ең төменгісі деп бағалапты.
Қоғам • 09 Ақпан, 2021
Нұр-Сұлтан қаласындағы гүл сататын дүкеннің алдында жиналған қарақұрым халық бірнеше күннен бері әлеуметтік желіде шу болып жатыр. Жайшылық күндері жұртшылықтың бір жерде осынша көп жиналуы − шынымен де сирек құбылыс. Күннің суығына, вирустың өршіп тұрғанына қарамастан, елді ала таңнан тұрғызып, кішкентай бір дүкеннің алдында алып келген не дейсіз ғой? Сөйтсек, мұнда ұтыс ойнатылатын көрінеді, жұртшылықтың көксегені – ұтыстан тегін көлік ұтып қалармыз деген дәме екен.
