Өнер • 06 Тамыз, 2018
Ол суреттердің тақырыбын табиғаттан іздеді. Алайда қазақтың қара топырағын дүр сілкіндірген ядролық сынақтың салдары оның болашаққа деген үмітіне қаяу түсірді. Өмірге келген өзі сияқты мүгедек балалардың сұр-сиқы, кескін-келбетіне қарап, мына әлемге лағынет айтты. Екі қолсыз өмірге келгеніне қарамастан, айналып-толғанып өсірген әкесі Телтайдың, анасы Рымжанның мейірімінің арқасында үміттің құланиек құла таңдарының көкжиегі көрінді...
Кино • 06 Тамыз, 2018
Көркем фильмге жетелейтін төте жол
Кинематографиядағы аса күрделі жанрлардың бірінен саналатын қысқаметрлі фильмдер «Қазақфильм» киностудиясының қорында көп болмаса да, жиырма жыл бұрынғы уақытпен салыстырғанда бүгінгі өндіріс көш ілгері өркендегенін көрсетіп отыр. Кеңестік кезеңде көрермен ертелі-кеш «Көлеңкесін қуған шал» деген жалғыз телефильмді көруге мәжбүр болатын, ал қазір «Қазақфильм» жылына екі-үш фильм дайындай алатын мүмкіндікке ие. Биылғы жыл бұған дейінгі межені тіпті көтеріп тастады, мемлекеттің ең басты киностудиясынан бес бірдей қысқа метрлі фильм жарық көрді. Осыған байланысты Ш.Айманов атындағы «Қазақфильм» АҚ-ның «Дебют» шығармашылық бірлестігі Алматы қаласының «Арман» кинотеатрында 2017 жылы түсірілген қысқаметрлі фильмдердің арнайы көрсетілімін ұйымдастырып, тұсауын кесті.
Білім • 06 Тамыз, 2018
Озат оқушылар – озық білім ордасында
Назарбаев орталығында мектеп оқушылары арасында көлік саласындағы республикалық конкурстың финалдық іріктеуі өтті.
Білім • 06 Тамыз, 2018
Бір мектепте 40 жыл қызмет еткен - Климен Балабекұлы
Баланың шын мәніндегі адам болып қалыптасуына ата-анасынан кейін ықпал ететін екінші адам – ұстаздар жайында Бауыржан Момышұлы «Ұстаздық – ұлы құрмет. Себебі ұрпақты ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді. Өмірге ұрпақ берген аналарды қандай ардақтасақ, сол ұрпақты тәрбиелейтін ұстаздарды сондай ардақтауға міндеттіміз» деген болатын. Ерен еңбек пен қажыр-қайратты талап ететін жұмыстың бейнетіне қарамай, уақытпен санаспай, өз ісіне адал беріліп, алдындағы қауым үшін барын сала қызмет ететін жандар әр салада кездеседі.
Білім • 06 Тамыз, 2018
Дуалды оқытудың артықшылығы неде?
Мемлекет басшысы Нұрсұлтан Назарбаев 2012 жылы жариялаған «Қазақстанның әлеуметтік жаңғыртылуы: Жалпыға Ортақ Еңбек Қоғамына қарай 20 қадам» мақаласында «Әрбір адам, соның ішінде, әсіресе, жастар белгілі бір кәсіптік саладан өз болашағын көргісі келетіндігін мойындау қажет. Бұл – өте қалыпты жағдай. Өйткені адам өзінің қайда бет алғандығын анық көрген кезде ғана биікке қарай күш-жігермен ұмтылады» деп атап көрсеткен еді. Елбасы осы өзекті мәселені шешуде дуалды кәсіби білім беруді дамытудың маңызды екеніне де назар аударған болатын. Сондықтан дуалды кәсіби білім берудің жоғары білім саласында мамандар дайындаудағы мән-маңызы, алатын орны, ерекшеліктері неде және оны жүзеге асыруда қандай жетістіктер мен кемшіліктер бар деген сұрақтар төңірегінде әңгіме өрбіткенді жөн санадық.
Таным • 06 Тамыз, 2018
Үшкір бұрыштарға ұрынбай өмір сүру философиясы
Халқымыздың тұрмысында пайдаланылатын заттарды зерделей отырып, қазақтың тіршілік етуінің басты қағидалары әу бастан-ақ текетірестерді айналып өтіп, пәтуаға келуге, теңдікке, ортақ іске бірдей жұмылушылыққа, бейбіт қарым-қатынас құрып, оқыс жайларды шиеленістірмеуге негізделгенін танып-білуімізге болады. Ғылым тілінде оны «үшкір бұрыштары жоқ» философия деуге болады. Ғасырлардан өтіп, бүгінге жеткен «Біз – қазақ деген мал баққан елміз, бірақ ешкімге соқтықпай жай жатқан елміз... Досымызды сақтай білген елміз, дәмі-тұзын ақтай білген елміз...» деген сөздер – қазақтың сол философияны ұстанған ел екенін көрсететін белгілердің бірі.
Медицина • 06 Тамыз, 2018
Берекелі өңірге мерекелік көңіл-күй жарасады
«Қос орденді Қостанай, табысқан сенде дос талай» деп кешегі өткен заманда халық ән айтатын еді. Оған себеп те жоқ емес-ті. Шақшақ Жәнібек, Ыбырай Алтынсарин, Ахмет Байтұрсынов, Міржақып Дулатов, Бейімбет Майлин сияқты ұлтымыздың марқасқаларын дүниеге әкелген Қостанай облысында бір кездері кен де, астық та, мал да болды. Жыл сайын дерлік өңір мемлекет қазынасына миллиардтаған пұт алтын дән тапсырып отырды. Ет пен сүтіңіз облысты ғана қамтамасыз етіп қоймай, артылғаны алыс-жақын көршілерге де жөнелтіліп жатты. Соколов-Сарыбай кен байыту комбинатының аты бүкіл республика көлеміне мәшһүр болды. Қостанай мауыты-шұға комбинаты қазіргі заманның тілімен айтқанда, бүтіндей бір кластерге айналды. Комбинат мата бұйымдар шығарса, қаладағы «Большевичка» атты тігін фабрикасы одан дайын киімдер тікті. Сол сияқты комбинаттың өнімдерін сататын өз дүкені де жұмыс істеп тұрды. Осындай жетістіктердің арқасы болар, Кеңес одағы кезінде облысқа екі бірдей Ленин ордені тапсырылды.
Театр • 06 Тамыз, 2018
«Астана Опера»: бесінші белес бедері
«Астана Опера» мемлекеттік опера және балет театры кезекті маусымын тәмамдады. Елімізден бөлек, жаһандық өнер кеңістігін айтулы жаңалығымен мойындатып жүрген ұжым үшін бесінші маусым ауқымды шығармашылық жоспарлар мен тәжірибелерге толы болды. Оның ішінде, әсіресе, Елбасы Нұрсұлтан Назарбаевтың «Болашаққа бағдар: рухани жаңғыру» бағдарламалық мақаласы аясында қолға алынған «Жаһандағы заманауи қазақстандық мәдениет» жобасы «Астана Опера» театрының шығармашылық қарымына зор ықпал етіп, жемісті жұмыстардың жүзеге асуына кең жол ашты.
Медицина • 06 Тамыз, 2018
Шағын аудандағы түйткілді мәселе қашан шешіледі?
Екі мың жылдық тарихы бар көне Тараз шаһарының бүгінде даму қарқыны артып келеді. Жамбыл облысының орталығы саналатын қалада құрылыс нысандары көптеп салынып, ел игілігіне берілуде. Бұдан бөлек, көшелерді абаттандыру, қала көркін арттыру мақсатында атқарылып жатқан жұмыстар да жетерлік. Жалпы, Тараз қаласының аумағын кеңейту, әлеуетін арттыру бүгінде күн тәртібіндегі мәселе болып тұр. Сондықтан да шаһарда жұмыс орындарын ашу, тұрғындарды жұмыспен қамту мәселелері жолға қойылған. Дей тұрғанмен қалада әлі де шешімін күткен мәселелер баршылық.
Медицина • 06 Тамыз, 2018
Егіншіліктің елімізге берері мол
Дәлме-дәл егіншілік технологиялары ширек ғасырдан бері Еуропа елдерінде, АҚШ пен Қытайда белсенді түрде қолданылуда. Соңғы жылдардан бастап бұл үрдіске Оңтүстік Америка елдері, атап айтқанда Бразилия да қосылып отыр. Бұған экономикалық даму, ғылым ықпалының күшеюі, сондай-ақ фермерлердің өндірістік шығындарды азайтуға деген құлшынысы себеп болуда.
