Аймақтар • 04 Қараша, 2020
Қарулы Күштер: Борыштан жауынгерлік жаттығуға дейін
Қай кезде де айбынды да айбарлы Қарулы Күштері бар елдің абыройы асқақ болары даусыз. Өйткені әр мемлекеттің беделі әлеуметтік-экономикалық һәм әскери әлеуетімен биіктей түседі. Осы тұрғыдан айтқанда, тәуелсіз Қазақстанның құрлықтағы және судағы шекара шебін көздің қарашығындай қорғау алдымен әскерге жүктеледі. Қазір отандық әскердің әлеуеті артты. Әскери бөлімдер осы заманғы озық техникалармен, қару-жарақ түрлерімен қамтылды. Мұның мысалын «Батыс» өңірлік қолбасшылығы құрамындағы әскери бөлімдерден де байқауға болады. Бұл – Қарулы Күштердің құрылымдарында жүргізілген реформалардың жемісі. Сардарлар мен сарбаздар кез келген әскери тапсырманы бұлжытпай орындап, Отан шебін қорғауға сақадай сай әзірлігін байқатып келеді. Ал бұл жастардың әскерге баруға қызығушылығын оятты. Бұған бір күнде отаншыл 100 бозбаланың әскери борышын өтеуге аттанғаны дәлел бола алады. Сондай-ақ ел ертеңіне баланған өскелең ұрпақты патриоттық рухта тәрбиелеу ісіне де баса мән беріліп отыр
Сұхбат • 04 Қараша, 2020
Елімізде браконьерлікпен күрес өзекті проблемаға айналғаны қашан?! Әсіресе орталық өңірлерде жағымсыз фактілер тыйылмай тұр. Десек те Сарыарқаны мекен еткен жануарларды қорғауда қорықшылардың еңбегі өлшеусіз. Бөкендей сұлу аңды браконьерлердің құрығынан сақтау үшін басын бәйгеге тігіп, еліміздің тұмса табиғатындағы тәртіпті қадағалап жүрген жанның бірі – Мұрат Әлиев. «Дала қылмыскерлері GPS, әріптестерім Рэмбо деп атайды» деген «Охотзоопром» кәсіпорнының инспекторы қызметтегі қиыншылықтар мен жануарлар әлемін сақтаудың маңыздылығы жөнінде әңгімелеп берді.
Қазақстан • 04 Қараша, 2020
Атқарылған іс те, атқарылар шаруа да ауқымды
Әлемді әбігерге салған COVID-19 індеті жаңа сын-қатерлерді туындатты. Оқшаулана түскен жаһан жұртынан Қазақстан да сырт қалмайтыны, барынша сақтанумен бірге өзіндік икемді даму жолын іздейтіні белгілі. Осы орайда елімізде эпидемияның алдын алуға барлық қам-қарекет жасалғанын, мемлекет пен қоғам бір мақсат пен бір мүддеге жұмыла білгенін, бұл – елдігіміздің көрінісі екенін атап айтуға тиіспіз. Қазақстан пандемия зардаптарымен күресуде тек денсаулық сақтау мен білім беру және әлеуметтік қамсыздандыру саласының қордаланған мәселелерімен ғана бетпе-бет келген жоқ. Соңғы ғасырларда болмаған бұл індет интеграцияық қарым-қатынастың жетілген заманында алапат ауқымға ие болғандықтан, одан Тәуелсіздік жылдарында дүниенің төрт тарабымен де терең байланыс орнатқан отандық экономика да ойсырай зиян шеккенін көріп отырмыз.
Қазақстан • 04 Қараша, 2020
Әлемдегі дамыған мемлекеттерде жаһандану үдерісінің шапшаң дамуының өзіндік себептері бар: бұл жағдай сол елдердің шығарған өнімдерінің сатылу аясын кеңейтеді. Жаһандану процесі америкалық, батысеуропалық, араб, қытай, үнді мәдениеттерін күшейтсе, «даму кезеңіндегі экономикаға» ие елдердің мәдениеттерін керісінше әлсіретеді. Экономикаларының сыртқы елдерге тәуелді болуы, жалпы мәдениеттің жойылуына, ұлттық мәдениет құндылықтарына негізделген отандық өнім шығарушылардың азаюына немесе тіпті біздегідей ұлттық өндірісіміз жоқ дейтіндей жағдайға әкеледі. Басқа елдердің мәдениетіне тәнті кісілер ұлттық өндіріс өнімдерін менсінбейді. Сапасыз өнім ретінде қабылдап, сатып алмайды. Бұл жағдайды, мысалы, араб мәдениетіне еліктейтін апа-қарындастарымыздың ұлттық киім дәстүрлерінен алшақтап, арнайы бутиктер ашып, сол елдерден киім тасуынан көреміз.
Сұхбат • 04 Қараша, 2020
Шекара шебіндегі аудандарда ауқымды жұмыс атқарылуда
Кешегі алмағайып заманда шалғайдағы ауыл халқы үдере көшпесе де, көбі қала жаққа ойысқан. Енді міне, шекара шебіндегі Күршім, Катонқарағай, Зайсан, Тарбағатай және Үржар аудандарының 2020-2024 жылдарға арналған әлеуметтік-экономикалық дамуының кешенді жоспары бекітіліп, бірқатар жұмыс қолға алынды. Жоспарға сай басталған жұмыстардың алғашқы нәтижелері туралы бізге Шығыс Қазақстан облысының әкімі Даниал Ахметов айтып берді.
