Экономика • 19 Қараша, 2025
Дронмен мал бағып, GPS-пен бақылайды
Президент Қасым-Жомарт Тоқаев жақында өткен Ауыл шаруашылығы еңбеккерлерінің екінші форумында саланы цифрландырудың маңызы туралы тоқталып, шығынды азайтып, өнімділікті арттыру үшін жаңа технологиялардың мүмкіндігін мейлінше тиімді пайдалану керек екені туралы айтқан еді. Бұл бағытта біршама ілгерілеушілік бар. Мәселен, арқаның аграрлық саласы заманауи құрал-жабдықтармен толығып, жұмыс жүйелене түскен. Айталық, малшылар бұрынғыдай жоғын іздеп, тау-тас кезбейді. Жылқысының қай төңіректе жүргенін ұялы телефонынан қарап, тез тауып алады. Бұл – смарт-агро технология әкелген игілік.
Білім • 19 Қараша, 2025
Жұмысшы мамандықтарының әлеуеті зор
Елордада «Жастар рухы» жастар қанатының ұйымдастыруымен «Болашақтың жұмысшы мамандықтары» форумы өтті. Ауқымды іс-шараға техникалық және өндірістік салаларға қызығушылық танытатын, кәсіби өрлегісі келетін бес жүзден астам жас қатысты. Қатысушылар сұранысқа ие мамандықтар туралы жан-жақты ақпарат алып, сарапшылардың кеңесін тыңдады. Сондай-ақ Астанадағы жетекші жұмыс берушілермен пікір алмасып, заманауи өндірістің қалай жұмыс істейтінін өз көзімен көрді. Мемлекет басшысы Қасым-Жомарт Тоқаев өткен жылғы Жолдауында 2025 жылды «Жұмысшы мамандықтары жылы» деп жариялап, жастардың қызығушылығын арттыруға тапсырма берген. «Осы уақыт ішінде техникалық және кәсіби білім жүйесін реформалау қажет. Әрі біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз», деген еді Президент. Аталған іс-шара осы мақсатта ұйымдастырылып отыр.
Қоғам • 19 Қараша, 2025
Дәрігерлер мен заңгерлер бір құрамда шалғай ауылдарға нақты көмек көрсетіп жүр
Елді мекендерді аралап жүрген арнайы пойыз мамандары бүгінде 104 ауылға жетіп, 77 мыңнан астам тұрғынға тегін медициналық және құқықтық көмек көрсетті. Халыққа бағытталған бұл жоба Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның, «Samruk-Kazyna Trust» қоры мен Денсаулық сақтау министрлігінің бірлескен серіктестігі аясында жүзеге асырылып отыр.
Денсаулық • 19 Қараша, 2025
Инсульт дерті «жасарып» барады
Адам ағзасы – өзара тығыз байланысқан күрделі жүйе. Сондықтан инсульт ешқашан аяқ астынан пайда бола салатын ауру емес. Кейінгі жылдары бұл дерттің жасарып бара жатқаны байқалады. Әсіресе 30–40 жас аралығындағы азаматтар арасында ауыр геморрагиялық инсульттің жиілеуі – жоғары қан қысымын елемеудің салдары екенін мамандар тарапынан жиі айтып жүр.
Қоғам • 19 Қараша, 2025
Ұлт саулығы, ұрпақ амандығы – мемлекеттік мәселе. Кез келген ел ана мен бала саулығына бейжай қарамайды. Ресми дерекке үңілсек, елімізде былтыр ана өлімі 12%-ға, нәресте өлімі 11%-ға төмендеген. Биылғы тоғыз айдың қорытындысы бойынша ана өлімі 10%, нәресте өлімі 26% төмендегені байқалған.
