Облыста қазір «Броконьер» жедел-профилактикалық шарасы жүргізілуде. Осы шара аясында Ұзынкөл ауданындағы учаскелік инспектор Преснегорьков ауылы жанынан өтіп бара жатқан «Ауди-80» жеңіл көлігін тоқтатады. Көлік ішіндегі екі адам да күдікті көрініп, жүксалғышын тексергенде, жаңа ғана осы ауыл маңынан атылған елік табылды. Көрші ауылдың 33 және 37 жастағы тұрғындары ұсталды.
Полицейлер броконьердің бірінен «ТОЗ-34Р» маркалы қосауыз мылтықты патрондарымен тәркіледі.
Нәзира Жәрімбетова
«Егемен Қазақстан»