Астана көшелерінде таңертең көлік кептелісі орын алып, коммуналдық қызметтер күшейтілген жұмыс режиміне көшті, деп хабарлады Астана қаласы әкімінің баспасөз қызметі.
"Астана Тазалық" ЖШС мәліметтеріне сәйкес, бүгін сағат 8.00-де қар жинау жұмыстарына 369 арнайы техника тартылды. Қаланы санитарлық тазалау жұмыстарына 363 жол жұмыскері жұмылдырылды. 2 746,00 текше метр құм-тұз қоспасы себілді. Тәулік ішінде 6 655 текше метр қар шығарылды.
Синоптиктердің болжамына сәйкес, бүгін Астанада қар жауады, көшпелі бұлт шығады. Күндіз ауа температурасы -13...-15 С.