ҰЛТТЫҚ БАНК ХАБАРЛАЙДЫ, ТҮСІНІКТЕМЕ БЕРЕДІ, ТҮСІНДІРЕДІ
Бағалы қағаздарды ұстаушылар тізілімдерінің жүйесін сақтау, сондай-ақ бағалы қағаздарды ұстаушылардың құқықтарын және оларға тиесілі бағалы қағаздар туралы ақпаратты қорғау оны жүргізу жөніндегі қызметтің аса маңызды міндеті болып табылады. Біздің ойымызша, Бірыңғай тіркеуші жүйесін құру осы міндеттерді іске асыруға ықпал ететін болады. 2008 жылы «ҚР кейбір заңнамалық актілеріне қаржы жүйесінің тұрақтылығы мәселелері бойынша өзгерістер мен толықтырулар енгізу туралы» заң жобасын бастапқы әзірлеу кезеңінде 2010 жылға дейін кезең-кезеңімен бағалы қағаздарды ұстаушылар тізілімдерінің жүйесін жүргізу жөніндегі қызметті бір ғана ұйымның жүзеге асыруына көшу жөнінде ұсыныс берілді, яғни Бірыңғай тіркеуші туралы мәселе көтерілді. Мәселені мемлекеттік органдармен және қаржы нарығына қатысушылармен талқылау барысында бұл талапты белгілеудің орнына бағалы қағаздар бойынша құқықтарды есепке алудың, сондай-ақ олар бойынша меншік құқықтарының өтуін есепке алудың бірыңғай базасын құру ұсынылды. Осы мақсаттармен жеке шоттардың бірыңғай жүйесін құру ұсынылды, оны жүргізу Орталық депозитарийге жүктелді. Бүгінгі күні Орталық депозитарий жүргізуін тіркеушілер жүзеге асыратын бағалы қағаздар ұстаушылар тізілімдерінің жүйелеріндегі барлық ақпаратты көрсететін жеке шоттардың бірыңғай жүйесін (бұдан әрі – ЖШБЖ) толық қалыптастырды. 2010 жылғы 1 қаңтардан бастап бағалы қағаздарды ұстаушылар тізілімдерінің жүйелерінде тіркелетін барлық мәмілелер Орталық депозитарийдің ЖШБЖ-да көрсетіледі. Сонымен қатар бұл тетік бағалы қағаздарды ұстаушылар тізілімдерінің жүйесін жүргізу жөніндегі қызметпен байланысты тәуекелдердің эмитенттердің өздері үшін де, бағалы қағаздарды ұстаушылар үшін де туындау мүмкіндігін толық жоққа шығармайды. Орталық депозитарий тіркеушілердің ЖШБЖ-де тіркеген операцияларын көрсету кезінде мәмілені тіркеуге негіз болатын бастапқы құжаттарға қол жеткізе алмайды. Бастапқы құжаттар Орталық депозитарийге сақтауға берілмейді, соған байланысты ЖШБЖ-ды жүргізу мәмілелерді заңсыз тіркеумен және осы мәмілелерді тіркеуге негіз болған құжаттардың жоғалуымен байланысты тәуекелдерді өтемейді. Одан басқа қазіргі уақытта бағалы қағаздар ұстаушылар тізілімдерінің жүйесін құрайтын құжаттардың сақталуын қамтамасыз ететін бірыңғай мұрағат және резервтік орталық жоқ. Тіркеуші лицензиясының қолданылуы тоқтатылған не одан айырылған жағдайда бағалы қағаздарды ұстаушылар тізілімдерінің жүйесін жүргізуге арналған шарттарды бұзу және бағалы қағаздар ұстаушылар тізілімдерінің жүйесін жаңа тіркеушіге беру үшін эмитенттерді іздеумен байланысты проблемалар туындайды. Республика заңнамасының бағалы қағаздар ұстаушылар тізілімінің сақталуын қамтамасыз еткені үшін жауапкершілікті айқындайтындығына және эмитенттерді олармен уақтылы шарттар жасауға міндеттейтіндігіне қарамастан, эмитенттердің барлығы бірдей жаңа тіркеушіні таңдағаны туралы шешімін уақтылы бере қоймайды. Алайда бұл бағалы қағаздар ұстаушылар тізілімдерінің жүйесін құрайтын құжаттарды уақытылы беруге бағалы қағаздар мүмкіндік берген болар еді. Тіркеуші эмитент шарттарды бұзу және барлық деректерді жаңа тіркеушіге беру жөніндегі қажетті іс-қимылдарды жүзеге асырмайтындықтан, тіркеушінің қызметін тоқтату рәсімі созылып кетеді. Соның салдарынан бұл үдерістер ұзақ уақытқа созылып, бағалы қағаздар ұстаушылар бағалы қағаздар бойынша өз құқықтарын іске асыра алмайды. Қазіргі уақытта лицензиялардың қолданылуын тоқтату жөніндегі іс-шараларды он тіркеушінің үшеуі жүзеге асырады. Бұл ретте лицензиялардың ерікті қайтарылуына байланысты эмитенттермен шарттарды бұзу және эмитенттердің бағалы қағаздар ұстаушылар тізілімдерінің жүйесін құрайтын құжаттарды беру жөніндегі рәсімдерді 2010 жылдың ортасынан бастап екі тіркеуші жүзеге асырып келеді. Сонымен қатар қаражаттың жетіспеуіне байланысты көптеген тіркеушілер қызметтің кәсіби түрін жүзеге асыру барысында пайдаланылатын өздерінің бағдарламалық-техникалық қамтамасыз етуін уақтылы жетілдіруге және жаңартуға қауқарсыз болады. Бірақ ол бағалы қағаздармен мәмілелерді тіркеу рәсімін жеделдетуге және бағалы қағаздар ұстаушылар тізілімдерінің жүйесін жеткілікті деңгейде қорғауды қамтамасыз етуге мүмкіндік берер еді. Республиканың шалғай өңірлерінде тіркеушілердің қызметтерін өтеу деңгейінің төмендігін, олардың республиканың бүкіл аумағында меншікті филиалдар желісінің болмауын атап өткен жөн, соның нәтижесінде бағалы қағаздар эмитенттері мен ұстаушыларына қатысты тең емес жағдай туындайды. Сонымен бірге уәкілетті орган тіркеушілердің бағдарламалық-техникалық қамтамасыз етуінің заңнаманың талаптарына, оның ішінде ЖШБЖ-ның қағидаттарына сәйкестігіне рейдтік тексеру жүргізді. Алынған нәтижелерге жасалған талдау көптеген тіркеушілердің кәсіби қызметті жүзеге асыру барысында пайдаланылатын өздерінің бағдарламалық-техникалық қамтамасыз етумен байланысты жүйелік проблемалардың бар екендігін көрсетті. Атап айтқанда, есепке алу жүйесінде операцияларды жүзеге асыру кезінде тіркеушілер ЖШБЖ қағидаттарын және заңнаманың талаптарын тиісінше сақтауы қамтамасыз етпейтіні анықталды. Осылайша, бағалы қағаздар нарығында Бірыңғай тіркеушіні құру қажеттігі жеке тіркеушілердің уәкілетті орган тарапынан тиісті талданатын және мониторинг жүргізілетін қызметімен қатар жүретін экономикалық, сол сияқты құқықтық тәуекелдерге байланысты. Өз кезегінде, барлық эмиссиялық бағалы қағаздардың ұстаушылары тізілімдерінің жүйесін қалыптастыру, сақтау және жүргізу жөніндегі функцияларды жүзеге асыратын Бірыңғай тіркеушіні құру бағалы қағаздармен жасалатын мәмілелерді тіркеу рәсімін жылдамдатады, себебі мәмілені тіркеу кезінде Орталық депозитарийден ЖШБЖ-да оның тіркелуін растауды күтудің қажеті болмайды. Сондай-ақ Бірыңғай тіркеушіні құру бағалы қағаздарды ұстаушылар тізілімдерінің жүйесін құрайтын құжаттарды бір тіркеушіден басқа тіркеушіге беру проблемасын шешеді. Демек, эмитент әр кез жаңа тіркеушіні таңдау туралы шешім қабылдамайды, бағалы қағаздар ұстаушылар эмитенттің тіркеушіні таңдау жөніндегі шешіміне тәуелді болмайды және тиісінше, өздеріне тиесілі бағалы қағаздар бойынша өз құқықтарын кез келген уақытта өткізе алады. Сонымен қатар тізілімдерінің жүйесіне қызмет көрсететін эмитенттерге қатысты формалды түрде үлестес болып табылмайтын (бірақ онымен белгілі бір шарттық қатынастардағы, соған байланысты эмитент тіркеушінің қызметіне әсер ете алатын және тізілімдер жүйесінде мәмілелерді тіркеу кезінде өз талаптарын күштеп таңа алатын) «қалта» тіркеушілерді құру мүмкіндігін болдырмайды. Бағалы қағаздар ұстаушылар тізілімдерінің жүйесін жүргізу жөніндегі қызметті реттеудің мұндай схемасын енгізу Орталық депозитарийге түсетін кейбір салмақты азайтады. Бірыңғай тіркеушінің өз қызметін коммерциялық емес ұйым (негізгі мақсаты кіріс алу болып табылмайтын және алынған таза кірісті қатысушылар арасында бөлмейтін) нысанында жүзеге асыратынын ескере отырып, оның қызметінен алынатын кірістер көрсетілетін қызметтерді одан әрі дамытуға, бағдарламалық-техникалық қамтамасыз етуді жетілдіруге және жаңартуға бағытталатын болады. Бірыңғай тіркеушінің бағалы қағаздар ұстаушылар тізілімдерінің жүйесін жүргізу жөніндегі қызметі бағалы қағаздар нарығындағы кәсіби қызмет болып табылады, соған орай уәкілетті орган Бірыңғай тіркеуші қызметінің қағидаттары мен ережелерін айқындай отырып, эмитенттермен және қаржы нарығының басқа қатысушыларымен өзара іс-қимыл тәртібін айқындайтын ішкі құжаттарды келісе отырып, оның жұмысын бақылап, реттей алады. Осылайша, ҚР Ұлттық Банкі қабылдап отырған іс-шаралар бағалы қағаздарды ұстаушылар тізілімдерінің жүйесін сақтауды қамтамасыз етуге, сондай-ақ оларды ұстаушылардың құқықтарын және оларға тиесілі бағалы қағаздар туралы ақпаратты қорғауға бағытталған, бұл тұтастай алғанда, республиканың бағалы қағаздар нарығын одан әрі дамыту үшін маңызды болып табылады. –––––––––––––––– RSS Бағалы қағаздар нарығын дамыту мақсатында. Ұлттық Банк Бірыңғай тіркеуші жүйесін құруды табанды түрде ұсынады TW Бірыңғай тіркеуші бағалы қағаздар нарығын дамытуға ықпал ететін болады Данияр АҚЫШЕВ, Қазақстан Республикасы Ұлттық Банкі төрағасының орынбасары.
•
21 Желтоқсан, 2011
Бірыңғай тіркеуші: ретке келтіру және жүйелеу
335 рет
көрсетілді