Халықтық IPO бағдарламасы Мемлекет басшысы Нұрсұлтан Назарбаевтың бастамасымен әзірленген. Мақсат – елдегі көшбасшы компаниялардың жеткен жетістігіне тұрғылықты халықты да тарту. Қазақстандықтарға мемлекеттік компаниялардың барынша ірі, тұрақты әрі болашақтағы әл-ауқаты күшті деген акциялары ұсынылмақ. Бұл компаниялардың акционері атанған азамат компанияның сеніміне кіріп, ондағы кірістің бір бөлшегін өзі иемдену мүмкіндігіне ие.
Халықтық IPO мемлекеттік бағдарламасы бойынша жиі қойылатын сұрақтарға жауаптарХалықтық IPO бағдарламасы Мемлекет басшысы Нұрсұлтан Назарбаевтың бастамасымен әзірленген. Мақсат – елдегі көшбасшы компаниялардың жеткен жетістігіне тұрғылықты халықты да тарту. Қазақстандықтарға мемлекеттік компаниялардың барынша ірі, тұрақты әрі болашақтағы әл-ауқаты күшті деген акциялары ұсынылмақ. Бұл компаниялардың акционері атанған азамат компанияның сеніміне кіріп, ондағы кірістің бір бөлшегін өзі иемдену мүмкіндігіне ие.
Халықтық IPO-ның келесі бір мақсаты – қаржылық сектордың дамуын қамтамасыз етіп, жергілікті халықты ел ішіндегі инвестициялық мәдениетке тарту. Ұзақ мерзімді перспективалық бағдарлама Қазақстанның Орталық Азияда аймақтық-қаржылық орталық есебінде дамуына көмектеседі.
Қазақстан әлемдік экономикалық дағдарысқа жақсы деңгейде төтеп бере алды. Ал ол мемлекеттегі экономикалық өсім мен ұзақ мерзімді Халықтық IPO бағдарламасының жүзеге асуына мүмкіндік бермек.
Халықтық IPO бағдарламасы алғашқыда 2011 жылға жоспарланған болатын. Ал қазір бұл мерзім 2012 жылға қалдырылып отыр. Оның себебі неде?
Бағдарлама кешеуілдетілген жоқ. 2011 жылы Ұлттық банк «Самұрық-Қазына» бағдарламасына қызығушылық танытып отырған тәуелсіз кеңесшілермен бірге өте маңызды жұмыс атқарды. Оның барлық аспектілері бүгінде толықтай қаралды. Бағдарлама аясындағы компаниялардың нормативтік-құқықтық базасы, тұрғындардың қаржылық сауаттылық деңгейі, рынок қорының инфақұрылымын бағалау ісі жүзеге асырылады.
Жауапкершілік «Самұрық-Қазына» қоры директорлар кеңесі мен Үкіметтің мойнында болғандықтан, жоба барынша мұқият жоспарлануы керек. Ол үшін соған лайықты дайындық пен уақыт қажет етіледі.
Бағдарламаға қандай компаниялар қатыспақ?
Жалпы, Халықтық IPO бағдарламасына «Самұрық-Қазына» қорынан 400-ден аса әлеуетті кандидаттар қарастырылды. Қойылған талаптарға сәйкес, бағдарламаға деген дайындықтарынан бастап, қаржылық көрсеткіштерін, корпоративтік басқару деңгейін және олардың әр кезең сайынғы кестесінің листингі қарастырылды.
Қазақстан қор биржасының бірінші сатысы 2012 жылдың екінші және үшінші тоқсанына жоспарланған болатын. Оған «ҚазТрансОйл», «KEGOS» электр желілі компаниясы, сонымен бірге, мемлекеттің басты әуе компаниясы «Air Astana» кіреді. Екінші эшелонның құрамында «ҚазТрансГаз», «Казмортрансфлот» және «Самұрық-Энерго» бар. Соңғысына – «Қазақстан темір жолы» мен «Қазтеміртранс» кіреді деп жоспарланып отыр. 2015 жылдан кейін «ҚазМұнайГаз» бен «Казатомпром» компанияларының бағдарламаға деген мүмкіндіктерін қарастыру көзделеді. Кезең бойынша жүргізілген дайындықтар аясында бағдарламаға компаниялардың әлі де болса дайын еместігі анықталып отыр. Одан өзге, Қазақстан қор биржасының мүмкіндіктері айтарлықтай шектеулі. Акциялар көп шығарылатын болса, ол инвесторлар тарапынан тиісті сұранысқа ие болмауы да мүмкін.
Бағдарламаға деген дайындық немен өлшенеді?
«Самұрық-Қазына» қорына кандидаттарды іріктеуде бағдарламаға тартылған тәуелсіз кеңесші компаниялардың негізгі экономикалық көрсеткіштері, перспективалық жетістіктері, халықаралық стандарттарға сай қаржылық есеп беруі, басшылық сипаты, корпоративтік басқару деңгейі бағаланды. Бағдарламаға барынша тұрақты компаниялар тартылды. Яғни, мақсаттарының айқындығына, стратегиялық дамуына, акцияның болашақта өсуіне ықпалының тиетіндігіне басымдық берілді. Олардың нақты мақсаттары мен даму стратегиялары бар. Кейіннен акциялардың өсіміне әсер ететін факторлар ескерілді. Бұл шараның барлығы да инвесторларды, яғни, қазақстандық акция имеденушілердің мүддесін қорғауға арналған.
Компаниялар Халықтық IPO бағдарламасын не үшін жүргізеді?
Бағдарламаны жүзеге асырудағы басты мақсаттардың бірі – халықтың мемлекеттік компаниялардың акционері атануына мүмкіндік беру. Бұл қазақстандық ең табысты өндірістер, яғни мұнай, газ, көлік пен электр энергиясының үлескері болуда таптырмас мүмкіндік.
Барлық компаниялар мен кандидаттар бүгінгі таңда өздерінің қаржылық көрсеткіштерін дамытып келеді. Сонымен бірге, бағдарлама шеңберінде мемлекет ішіндегі қаржы қазақстандық экономиканың өсіміне жұмыс істейтін болады.
Компаниялардың бағдарламаға дайындығы қалай?
Компания-кандидаттардың деңгейі әртүрлі. Алайда, барлық компанияларға қойылатын талап біреу ғана – ол қаржылық көрсеткіштер өлшемі, басшылық сипаты, және корпоративтік басқару деңгейі. Бұл ретте тартылған компаниялардың барлығы әлемдік тәжірибеге сүйеніп, негізгі көрсеткіштерін жақсартуға тырысуда.
Дәл қазіргі уақытта бірінші эшелондағы компаниялар тәуелсіз кеңесшілерді (банк иелері, кепілші, заңгер, коммуникация жөніндегі мамандар) тағайындау үстінде. Халықтық IPO-ға деген дайындық ұзақ мерзімді қамтиды. Оған қоса, жан-жақты тексерілген стратегиялық талдауларды, перспективалық өсімді, қаржылық сараптаманы, аудитті, қайта өңдеуді және инвестициялық стратегияның жетілуін, сонымен қоса эмиссиялық бағдарламаны қажет етеді.
Барынша түсінікті болу үшін, бағдарлама үдерісін үш топтамаға бөлуге болады.
1. Алдын ала дайындық
Бағдарламаны жоспарлау барысы объективті шаралар қатарын қажетсінеді. Айталық:
• дайындық және қаржылық аудиттің
есеп беру ісі;
• тәуекелдер және корпоративтік
басқару жүйесінің көрсеткіші мен оны
жетілдіру ісі;
• аудит және ішкі бақылау жүйесінің
көрсеткіші;
Сонымен бірге кандидат-компаниялар болашақта қор рыногындағы акцияларды өңдеуде бастама көтерулері тиіс. Осы мақсатты кандидат-компаниялар ұсыныс құрылымын анықтау үшін, тәуелсіз кеңесшілерді бір мақсатта жұмыс істеу ісіне тартуы керек.
2. Акцияларды орналастыру ісіндегі дайындық
Акцияларды орналастырудан бұрын, үш эшелондағы кандидат-компаниялар төменде көрсетілген шараларды аяқтауға тиіс.
• Кешендік тексерістің өтуі;
• қызмет көрсету құны мен соңғы
кеңесшілерді анықтау;
• заңдық қолдау көрсету;
• бизнесті бағалау ісінің өткізілуі;
• маркетингтік бағдарламаны қайта
қарау.
3. Акцияны орналастыру жұмыстары
Дайындық жұмыстарының маңызды бөлігі акцияларды орналастыруға дейін, әлеуетті инвесторлардың араласуымен белгіленеді. Қор рыногында акцияларды орналастыру сатысы кандидат-компаниялар тарапынан төмендегі шаралардың өткізілгендігін талап етеді:
• Инвесторлардың білімін жетілдіру
(ақпараттық және инвестициялық
меморандумға дайындық);
• өтініштерді жинау (бағдарламаны
алдын ала жариялау, компания
жетекшілерінің басқа да өңірлерінде
өткізген тұсаукесерлері, талдау
ұсыныстар, баға белгілеу);
• акцияларды орналастырып болғаннан
кейінгі қайталама рыноктағы
іс-шаралар.
Бірінші эшелонға «KEGOS», ҚТО және «Air Astana» компанияларын таңдау себебі неде?
Халықтық IPO бағдарламасына қатысушы кандидаттарды іріктеуге және бірінші эшелонға тартылған компания-кандидаттардың тізімін «Самұрық-Қазына» қоры және тәуелсіз кеңесшілер анықтады. «KEGOS», ҚТО және «Air Astana» компанияларының жеткен жетістіктері, қаржылық жағдайы қойылған талаптарды қанағаттандыра алды. Бұл ұйымдардың көрсеткіші, атап айтқанда, қаржылық көрсеткіштері, саясаты, корпоративтік басқарылымы, стратегиялық дамуы, Халықтық IPO бағдарламасының негізгі талаптарына сай келеді. Сонымен бірге, нарықтың құбылмалы жағдайында бұл компаниялардың ұстанған бағыттары да қатаң ескерілді.
«Air Astana» компаниясының акциясы жөніндегі нақты қорытынды қашан шығады?
Халықтық IPO бағдарламасын жүргізгеннен кейін, мемлекет барлық компаниялар мен кандидаттар үшін негізгі акционер болып қалмақ. Дәл қазіргі таңда, мемлекет Эйр Астанамен бірге акцияға иелік етіп келеді. Осылайша, листинг бойынша бұл компаниялардың нақты шешімі екіжақты келісімнен кейін шықпақ. Бұл ретте, олар мемлекетті бақылау пакеттерімен қамтамасыз етуі тиіс.
Бірінші эшелондағы компаниялар акциясының алдын ала бағалары анықталды ма? Баға қандай талаптар бойынша белгіленеді?
Ережеге сәйкес, акцияның нақты бағасы міндетті түрде листингтің алдында жоспарланып, әлемдік конъюнктураның тіркеуі бойынша анықталады.
Компания акциясын орналастыру ісі қалай жасалады? Қосымша эмиссия түрінде ме, әлде сатылымда жүрген акция түрінде ме?
Қомақты қаржылар компаниялардың стратегиялық дамуына аударылып, олардың мүмкіндіктері арта түспек. Бұл сұрақтың жауабы компаниялардың бізге ұсынған ұсыныстарына орай шешілмек. Қаржы, құқықтық сала бойынша кеңесшілердің бағамдары да ескерілетін болады.
«Самұрық-Қазына» қорының кеңесшілеріне қандай компаниялар жатады? KASE компаниясы акциясының брокерлерін шығаруда қаржылық кеңесші кім болмақ?
Бағдарламаға қатысты туындаған сұрақтармен халықаралық деңгейдегі Citigroup, UBS AG банкі ірі инвестициялық банктер VisorCapitаl, KKBSecurities, сонымен бірге, халықаралық аудиторлық компания PriceWaterhouseCoopers секілді банктер жұмыс істейтін болады. ClearyGottliebSteen&HamiltonLLP және қазақстандық GRATA бағдарламада заң жөніндегі көмекші қызметін атқармақ.
Жалпылама айтар болсақ, бағдарламаға шығып жатқан компанияларда екі кеңесшіден бар. Оның бірі KASE листингі бойынша жұмыстар жүргізетін қазақстандық кеңесші болса, екіншісі халықаралық стандарттарға сай дайындықтарын тексеретін шетелдік кеңесші болып табылады.
Бүгінгі таңда Халықтық IPO бағдарламасына шығатын компаниялардың қазақстандық биржаға деген талабы Лондон, Нью-Йорк, Гонконг биржаларына қарағанда анағұрлым либералды екендігіне көз жеткіздік.
Халықтық IPO бағдарламасына кімдер қатыса алады?
Халықтық IPO бағдарламасының акциясын иемденуге тек қана Қазақстан азаматының құқығы бар. Акцияның неғұрлым қазақстандықтардың үлесіне көптеп тию талаптары да қарастырылған. Сонымен бірге, оған қазақстандық зейнетақы қорлары да қатыса алады. Зейнетақы қорлары ұзақ мерзімді инвесторлар болғандықтан, акция бағасының тұрақтылығын қамтамасыз етеді.
Қазақстанда бүгінгі таңда зейнетақы қорларына тіркелген азаматтар саны 8 миллионды құрайды. Олардың осы қорлар арқылы Халықтық IPO бағдарламасынан өз үлестерін алып отыруына жағдай жасалған.
Енді әлеуетті сұраныс жайына ойыссақ. Тұрғындар тарапынан болған сұраныстарға қандай да бір зерттеулер жүргізілді ме?
Иә, тұрғындарға қатысты зерттеу жұмыстары 2011 жылдың алғашқы жартыжылдығында жүргізілді. Тұрғындар тарапындағы сұраныстың жалпы бағамы 100-200 миллион АҚШ долларын құраған. Алайда, әлеуетті тұрғындар мен олардың инвестициялық мүмкіндіктері жайлы, халық толық ақпараттандырылған жағдайда, жоғарыда айтып өткен көрсеткіш деңгейі одан да артуы мүмкін. Өз кезегінде зейнетақы қорлары тарапындағы сұраныс көлемі 200-300 АҚШ долларын құрап отыр. Соңғы көрсеткіштерге сәйкес, қор рыногында бағалы қағаздардың 10 мыңын жеке тұлғалар қатары құрайды екен. Бұл ретте, тұрғындардың зейнетақы қорлары арқылы бағалы қағаздарға деген қолжетімділігі артпақ. Жоспарға сәйкес, бағдарлама тұрғындар арасында жеке тұлғалардың 160 мыңын қамтып, жақсы деңгейде жүзеге аспақ.
Акцияны орналастыруда зейнетақы қорлары мен жеке тұлғалар арасында кезекке тұру мәселесі туындауы мүмкін бе?
Бірінші кезекте жеке тұлғаларға жағдай жасалатын болады. Екіншіден, зейнетақы қорларының акцияға деген қолжетімділігін нақты айта алмаймыз. Себебі, акция ұзақ мерзімді стратегияны жоспарлауға мүмкіндік бере алмайды. Бұл кезеңде нақты үйлесімділік арнайы бекітілмеген және әрқайсысы нақты бағдарламамен айқындалатын болады.
Шетелдік инвесторлар Халықтық IPO бағдарламасын пайдалана ала ма? Немесе бағдарлама халықаралық листинг деңгейінде қарастырылған ба?
Бағдарлама акциясының негізгі бағыты Қазақстан халқына арналған. Ол қазақстандық экономикаға қосымша кірістер әкелуді көздемек. Алайда, алдағы уақытта Қазақстандағы экономикалық ахуал өрісін кеңге жайып, халықаралық ареналардан көрінетініне сенім мол. Дәл қазіргі уақытта бұл бағытта жоспарланған шаралар жоқ.
Компания листингтері түбегейлі Қазақстан қор биржасында өткізілетін болады. Соның нәтижесінде, елдің жетекші кәсіпорындарына, әсіресе, қазақстандықтарға жақсы мүмкіндік беретініне сенеміз. Ал, кейінірек Қазақстан қор рыногын дамыту мақсатында, KASE арқылы шетелдерге инвестициялануы ықтимал.
Ел аузында жүрген пікірлерге сүйенсек, компанияларға лайықты IPO бағдарламасын жүргізу барысында мемлекет стратегиялық активтерді бақылаудан айырылып қалуы мүмкін.
Халықтық IPO бағдарламасы аясында компания акциясының 5-15 пайызы сатылымға ұсынылатын болады. Сондықтан бақылауды жоғалтып алу жөнінде ешқандай қауіп жоқ. Рынокқа шығатын барлық компанияларда мемлекеттің үлесіндегі «Самұрық-Қазына» қоры бәрінен де жоғары тұрмақ.
Сол сәтте биржаға шығарылатын компаниялар оларды барынша жариялы ететін болады. Заң шығару органдары мен инвесторлар бағдарламаның жүзеге асырылуына қатысушы мұндай компаниялардың кірісі мен шығыстарының барынша ашық түрде жариялануын талап етеді. Бұл менеджменттің жауапкершілігін қамтамасыз етіп, акционерлер алдында өздерінің шешімдерін дәлелдеуге мүмкіндік береді. Осылайша, Халықтық IPO бағдарламасы мемлекеттік компанияларды қоғамдық бақылауға қосымша мүмкіндіктер береді.
Нарықтың құбылмалы жағдайында Халықтық IPO бағдарламасын жүргізу қаншалықты пайдалы?
Бұл ретте, Халықтық IPO бағдарламасына халық ерекше қызығушылық танытып отырғанын ұмытпаған жөн. Мемлекет пен «Самұрық-Қазына» қоры халықтан қаржы жинап, өз акцияларын соншалық жоғары бағаға сатпайды. Ондай мақсаты да жоқ. Қор компаниялары жоғары кіріске ие, несие алуға деген мүмкіндіктері де жоқ емес. Сонымен бірге, қосымша қаржыландыруды қажет етпейді.
Мәселен, Ресейде осыдан бірнеше жыл бұрын Сбербанк, ВТБ компанияларына арналған IPO бағдарламасы жүргізіліп, нарықтың биік шыңынан көріне білді. Ал олардың акциялары барынша жоғары бағаға сатылды. Әрине, экономикалық дағдарыс басталған тұста, рынок та, акция бағасы да түсіп, халыққа залалы тиді.
Қазақстанда Халықтық IPO бағдарламасы жеке меншік инвесторлар үшін қолайлы уақытта жүргізілмек. Әлемдік қаржы дағдарысынан кейін, рынок жағдайы төменгі көрсеткішті көрсетеді. Демек, қазақстандық компаниялардағы акция бағасы құнының әлеуеті биік болады.
Халықтық IPO бағдарламасын дайындауда қандай тәуекелге бардыңыздар?
Бүгінгі таңда акция бағаларының құбалмалы екендігін бәріміз де білеміз. Акция бағасының құбылмалылығы, инфрақұрылым жүйесінің жетіспеушілігі және акцияның белгілі бір топтар арасында ғана шоғырлануы тәуекелге баруды қажет етті. Ең негізгі аспектілер компания-кандидаттарды іріктеуден басталып, заң шығару органдарындағы өзгертулер мен толықтырулар кезінде сезілді.
Баға тұрақсыздығына ұшырамас үшін әлемдік шикізат өнімдеріне тәуелсіз әрі оған барынша тұрақты, кез келген жағдайға төтеп бере алады деген компанялар ғана тартылды. Одан өзге, зейнетақы қорларын, кәсіби және ұзақ мерзімді инвесторларды тартуда акция бағасына әсері болатыны ақиқат.
Бағалы қағаздар рыногына қатысу үшін ең бірінші кезекте «Қазақстан қор биржасы» АҚ, брокерлік компаниялар, трансфер-агенттіктер, «Бағалы қағаз депозитариі» және тіркеушілер дайын болды.
Мемлекеттің барлық аймақтарындағы жеке инвесторларды қамтып, сонымен бірге Қазақстан қор биржасының инфрақұрылымдарын жинау сияқты шаралар 2012 жылдың 1-2 тоқсанына дейінгі кезеңді қамтуы тиіс.
Бағалы қағаздардың рынокта орын алуы үшін акция компаниясының үлесі қалай анықталады?
Халықтық IPO бағдарламасына енгісі келген акционердің мақсаттық құрылымы мен қазіргі таңда бақылауға алынып отырған үлесі, акцияның санын есепке алғаны жөн.
Жеке тұлғаларға арналған өтініштерді қабылдау үдерісі қашан басталады?
Өтініштерді қабылдау мерзімі өткізілген листинг қорытындысына қарай анықталады. Сондықтан компания қазіргі таңда дайындық кезеңінде. Нақты жәйттер кейінірек анықталатын болады.
Жеке тұлғалар үшін акция санына шектеу қойылған ба?
Акциялардың халыққа тиімді жолмен әрі әділ сатылуы мақсатында олардың ең жоғарғы санынан шектеу белгіленді. Ол халық үшін өте тиімді.
Үкімет 2011 жылдың 8 қыркүйегінде Бағдарламаны бекіткеннен кейін, дайындық жұмыстарында қандай да бір өзгерістер болды ма?
Бағдарлама халыққа арналған жоба болғандықтан, жұмысы жан-жақты жалғасуда. Үкімет компанияны кең көлемдегі ақпараттық-танымдық бағытта таныстыруды көздейді. Сонымен бірге, нормативтік және құқықтық өзгерістер енгізілуде. Халық банкі тұрғындардың қаржылық сауатын күшейту мақсатында өз жұмыстарын жалғастыруда.
Әлі де болса шешілмеген мәселелер таяу уақытта шешіліп үлгере ме?
Бағдарлама бекітілгеннен 6 апта бұрын, алға қарай жылжудың көріністері байқала бастаған болатын. Бұл ретте, Халықтық IPO бағдарлама кестесі әлі нақтыланбағанын ескерген жөн. Ол кез келген сәтте әлемдік деңгейдегі экономикалық ахуалға сәйкес, әрдайым өзгеріс үстінде болып тұрады.
Халықтық IPO бағдарламасы қазақстандықтардың көпшілігіне қолжетімді болуы үшін оның бағасы қандай болуы керек деп ойлайсыз?
Акцияның нақты бағасы міндетті листингті түрде өткізілген листингтің алдында мәлім болады. Және әлемдік конъюнктураның есеп-қисабына жүгінеді.
Үкімет басшысы Кәрім Мәсімов «Қазақстан егерде екінші рет дағдарысты бастан кешетін болса, оған төтеп беру қабілеті жеткілікті» деген болатын, бағдарламада бұл туралы не айтылған?
Әлемді қаржы дағдарысы шарпыған тұста Халықтық IPO бағдарламасы белгілі бір мақсатта жұмыс істейтін болады. Ол қаржы рыногы динамикасына және халықтың акцияларды сатып алу қауіпсіздігіне жағымсыз әсерін тигізуі мүмкін. Халықтық IPO бағдарламасы – бірінші кезекте халыққа арналған және барынша жағымды шаралармен есте сақталуын мақсат тұтады. Әрине, бұл ретте әлемді шарпыған қаржы дағдарысындағы келеңсіздіктердің бізге әсер ету мүмкіндігі де ескеріледі.
Алғашында бағдарлама «нарықты дамыту» мақсатында танылып, кейіннен компания қосымша капиталдарға мұқтаж емес делінді. Ал осы жақын арада ғана «мақсат – бағдарлама аясында қаржыландырушы компанияларды тарту» деген әңгіме өрбіді. Бұл туралы не айтасыз?
Рыноктағы капиталға деген қолжетімділік – кез келген компания үшін жобаларды қаржыландыруда таптырмас мүмкіндік. Қажет болған жағдайда бұл компаниялардың кез келгені несие түрінде қаржылық рынокқа шықпай-ақ, келісімге келу мүмкіндігіне ие. Бұл дегеніміз, акционер атанған кез келген компания мен мемлекет ішінара елдегі экономикалық дамуға өлшеусіз үлесін қоса алады деген сөз.
Халық үшін қандай тәуекел болуы мүмкін?
Акция иемденушілерді жариялау ақпараттық білім беретін компаниялар үшін өте тиімді. Ол бағдарламаға қатысушылардың мүмкіндігіне қарай, барлық компанияларда жарияланады. Бұл ақпараттарды дайындау ісі өте ұзақ мерзімге жалғасып, тіпті бірнеше айға созылуы мүмкін. Талапқа сай, анықтамалар IPO бағдарламасының алдында жарияланып, осы уақытқа дейін халық аталған бағдарламамен толық қамтамасыз етілуі тиіс. Ең бастысы, ел тұрғындары бағдарлама туралы, атап айтқанда, Халықтық IPO бағдарламасының халық пен ел экономикасының дамуы жолында кепілдеме беретіндігі жөнінде толық білулері тиіс.
Халықтық IPO бағдарламасын жүзеге асыруда мемлекетке түсетін салмақтың көлемі қанша? Салық төлеушілердің ақшасы қайда кетіп жатыр?
Бағдарлама бірінші кезекте, тұрғындар үшін қызмет етеді. Мақсат – ешбір шығындарға қарамастан, халықтың акцияға деген қолжетімділігін арттыру.
Қазақстан қор биржасы халықтық IPO бағдарламасына қаншалықты дайын?
Дәл қазіргі таңда Қазақстан қор биржасында өтініштер жинау жұмысы жүріп жатыр. Атап айтқанда, техникалық аспектілер мен ішкі нормативтік база қаралуда. Биржа сонымен бірге, тұрғындардың қаржылық сауаттылығымен де жұмыс істеуде. Осы мақатта, бүгінгі таңның өзінде ойын терминалдары іске қосылған. Жеке тұлғалар терминалдарға ақша салу арқылы инвестиция жайындағы мәселелерге дайындалу мүмкіндігіне ие.
Мемлекет ішінде роудшоу ұйымдастырылуы мүмкін бе?
Бағдарламаның бағаға қатысты негізгі кезеңдері анықталып, акцияларды барынша кеңейтілген түрде орналастырып, жылдық қаржылық есеп дайын болған соң, 2012 жылы роудшоу ұйымдастыру жұмысы жоспарланып отыр. Роудшоу шеңберінде компания менеджменті мемлекеттің кез келген жерінде өз компаниялары жайлы таныстырылым өткізіп, тұрғындар көкейіндегі сұрақтарға жауап беріп, сонымен қатар Халықтық IPO жұмысы мен өз жетістіктері жайлы толыққанды ақпараттандыру мүмкіндігін пайдалана алады.
Қазақстан Республикасы азаматтары акцияны сатып алған жағдайда ол осы компанияның акционері атанады. Соған сәйкес, компания саясатына ол азаматтар араласа ала ма?
Акция дегеніміз – белгілі бір акционерлік қоғамның капиталын, оны иемденуші акционердің құқығын бекітуші бағалы қағаз. Демек, акцияның ең аз дегенде бір бөлігін ғана иемденген акционер компанияның ішкі саясатына толыққанды араласу құқығына ие. Мәселен, акционерлердің жыл сайынғы отырысында белгілі бір акцияның бағытына қарай, келесі акция бағытталады. Айналымдағы акция қаншалықты аз болса, бағасы да соншалықты жоғары. Акцияны сатып алушылар өздігінен акционерлер қатарына еніп, компания қатысушыларының тізіміне енеді. Сонымен бірге, стратегиялық шешім қабылдауда дауыс беру мүмкіндігіне де ие.