Жұма, 11 мамыр 2012 7:43
Бүгінде еліміздегі урология мәселелері бойынша емдік шараларжасайтын, зерттейтін бірден бір ғылыми орталық Профилактикалықмедицина академиясының академигі, медицина ғылымының докторы, профессор Бинеш Жарбосыновтың есімімен аталады. Отандықмедицинадағы урология мен андрология саласының қалыптасып, дамуына зор үлес қосып, Қазақстан ғылымында өзіндік қолтаңбақалдырған Бинеш Оразұлы (1932-1996) көзі тірі болса 12 мамырдасексеннің сеңгіріне шығар еді.
Жұма, 11 мамыр 2012 7:43
Бүгінде еліміздегі урология мәселелері бойынша емдік шараларжасайтын, зерттейтін бірден бір ғылыми орталық Профилактикалықмедицина академиясының академигі, медицина ғылымының докторы, профессор Бинеш Жарбосыновтың есімімен аталады. Отандықмедицинадағы урология мен андрология саласының қалыптасып, дамуына зор үлес қосып, Қазақстан ғылымында өзіндік қолтаңбақалдырған Бинеш Оразұлы (1932-1996) көзі тірі болса 12 мамырдасексеннің сеңгіріне шығар еді. Еліміздегі Денсаулық сақтау министрлігінеқарасты Урология ғылыми орталығының негізін қалап, оның тұңғышдиректоры болған көрнекті ғалым, ұлағатты ұстаз, айтулы азамат БинешОразұлы жайлы ғалымның сүйікті шәкірттерінің бірі, Урология ғылымиорталығының директоры, Дүниежүзілік және Еуропалық урологтарқауымдастығының мүшесі, Мемлекеттік сыйлықтың лауреаты, медицинағылымдарының докторы, профессор Мырзакәрім АЛШЫНБАЕВТЫәңгімеге тартқан едік.
– Мырзакәрім Кәрімұлы, БейнешОразұлы – білім де, тәжірибе дежинақтап, нағыз кемеліне келгеншағы – 64 жасында дүниеденозыпты. Биыл қайтыс болғанынаон алты жыл толмақ. «Адам өлгенкүні емес, ұмытылған күні өледі»деген. Бір байқағанымыз, ол кісіартында өзі бастаған ісінжалғастыратын лайықты шәкірттерқалдырған екен. Солардың біріөзіңізсіз. Ендеше,оқырмандарымызға ұстазыңыздыжақынырақ таныстыраотырсаңыз…
– Дұрыс айтасыз, «Ұстазы мықтының – ұстанымы мықты», деген ғой. Мен айтар едім, Бинеш Оразұлын ұстаздан да жақынырақ әке ретінде жақсы көріп, қамқорлығына, мейіріміне сусындаған адаммын.
Бинеш Жарбосынов қазіргі Атырау қаласында дүниеге келеді. 1955 жылы Алматы мемлекеттік медицина институтын бітірген жас маман еңбек жолын Атырау қаласында мұнайшылар ауруханасында уролог-дәрігер қызметінен бастап, 1959 жылы Ақтөбе медицина институтында жалпы және факультеттік хирургия кафедрасының ассистенті, 1962 жылдан қазіргі С. Асфендияров атындағы Қазақ ұлттық медицина университетінде аспирант, урология кафедрасының ассистенті, доценті, меңгерушісі болады. 1990 жылы Бинеш Жарбосынов Алматы қаласындағы урология және шұғыл нефрология базасы аясында Денсаулық сақтау министрлігіне қарасты Урология ғылыми-зерттеу институтының негізін қалап, тұңғыш директоры болып тағайындалды. Одан кейінгі уақытта білімі мен барлық күш-жігерін институттың қалыптасуы мен дамуына жұмсап, өмірінің соңына дейін осы мекемеге басшылық жасады.
Бинеш Оразұлы – еңбекқорлығының, кәсіби шеберлігінің арқасында, ойларын жүзеге асырудың нәтижесінде үлкен өмір өткелінен өткен тұлға. Ол ғылым мен қоғамдық қызметті бірге алып жүрді.
1996 жылы Профилактикалық медицина академиясының академигі және вице-президенті болып сайланады. Еуропа урологтары қауымдастығының мүшесі, Бүкілодақтық урологтар ғылыми қоғамының басқарма мүшесі, Қазақстан урологтары қауымдастығының басқарма төрағасы, ҚР-ның Бас урологы, «Урология және нефрология», «Денсаулық», «Здравоохранение Казахстана» журналдары редакция алқасының мүшесі бола жүріп, аталмыш саланың бірқатар өзекті мәселелерін шешуге қол жеткізді. Сондай-ақ кезінде оның бастамасы және ұйымдастыруымен екі рет Қазақстан урологтарының конгресі, төрт мәрте Урология ғылыми-зерттеу институты базасында халықаралық симпозиум өтті.
Бинеш Оразұлы – артында көптеген еңбек қалдырған ғалым. 250-ден астам ғылыми еңбектің 15-сі монография болса, 18-і авторлық куәлікке ие. Ол кісінің редакциялауымен урологтардың 5 ғылыми еңбектер жинағы жарық көрді. Әсіресе, республика тұрғындарына урологиялық көмек көрсетуді жүзеге асыруда орасан еңбек сіңірді. Міне, сол қажырлы да, белсенді еңбегі бағаланып, «КСРО денсаулық сақтау ісінің үздігі» белгісімен, «Парасат» орденімен, «Еңбек ардагері» медалімен марапатталып, «ҚР-ның еңбек сіңірген ғылым қайраткері» атағы берілді. Бірнеше мәрте ҚР Жоғарғы Кеңесінің Құрмет грамоталарына ие болды. 1996 жылы Үкімет қаулысымен Денсаулық сақтау министрлігінің ҒЗИ оның негізін салушы академик Б.О.Жарбосыновтың атымен Урология ғылыми орталығы болып қайта құрылды.
– Бинеш Оразұлынан кейін ғылыми орталықтың тізгінін ұстағаныңызғада он алты жылға аяқ басыпты. Меніңше, осы уақыттан бастаппрофессор Жарбосынов бастауларының екінші кезеңі басталғансияқты…
– Урология ғылыми орталығының негізгі мақсаты – республикада урология қызметін қалыптастыру және үйлестіру. Ол үшін тұрғындарға медициналық көмек көрсетудің барлық кезеңдердегі диагностикасы және әрбір урологиялық ауруды емдеудің стандарттары құрылған. Ал негізгі міндеттері, біріншіден, аталмыш салада тұрғындарға жоғары мамандандырылған көмек көрсету, екіншіден, урология және андрология саласында ғылыми зерттеулер жүргізу, үшіншіден, Қазақстанда урологиялық қызметті үйлестіру. Бүгінде айтарлықтай ғылыми және клиникалық әлеует шоғырланған Орталықта 6 медицина ғылымдарының докторы мен 22 ғылым кандидаты, 1 Мемлекеттік сыйлықтың лауреаты, 2 «Алтын қандауыр» жеңімпазы, 1 ҚР Президенті Н.Назарбаев атындағы, 11 Жарбосынов атындағы атаулы стипендия иегерлері еңбек етеді. 70 дәрігердің 20-сы, 108 мейірбикенің 22-сі жоғары біліктілік санатта. Орталық қызметкерлері 86 өнертабысқа алдын ала патент пен инновациялық патент алса, 25 монография, 68 әдістемелік нұсқаулық және 19 ғылыми еңбектер жинағы жарық көріп, жиырма жылда 36 ғылыми форум өткізіппіз. Оның ішінде Қазақстан урологтарының I-V конгресі (съезд), Еуропалық урология мектебінің курстары, ТМД елдері жас ғалым-дәрігерлерінің I-XI конференциялары табысты өтті. Сондай-ақ урология мамандығы бойынша диссертациялық кеңес жұмыс істеді. Мәселен, 1993-2008 жылдары 92 кандидаттық, 25 докторлық диссертация қорғалды.
Орталықтың клиникалық базасында науқастарға стационарлық көмек көрсету мақсатында 180 төсек-орын қарастырылған.
– Қазақстандағы ер адамдардың репродуктивті денсаулығыныңқанағаттанарлық жағдайда еместігіне алаңдаушылық білдірген ғылымиорталық осы күрделі мәселелерді шешу мақсатында жан-жақтықамтылған 2008-2011 жылдарға арналған «Ерлер және репродуктивтіденсаулық» бағдарламасын әзірлеген едіңіздер, соның орындалу барысықалай?
– Орталықтың ғылыми-зерттеу қызметінің негізгі бағыттарын айқындап, үш жылдық «Ерлер және репродуктивті денсаулық» бағдарламасын әзірлеген болатын. Бұл бағдарлама 2007 жылы ҚР Президенті жанындағы Гендерлік саясат және отбасы ісі жөніндегі ұлттық комиссияның IV отырысында тыңдалып, мақұлданды. Осы бағдарлама шеңберінде УҒО елімізде тұңғыш рет үш жыл қатарынан (2009-2011) «Ерлер денсаулығы күндері» акциясын өткізді. Аталмыш бағдарламаны орындау еліміздің барлық 14 облысында және ірі қалаларымыз Астана мен Алматыда өткізілді. 2011 жылы «Ерлер денсаулығы» аймақтық орталықтары ашылды. 28 мыңнан астам ерлер қаралып, уроандрологиялық патология деңгейі және құрылымы анықталды. Уролог-андролог мамандардың кеңесімен ерлерді толыққанды кешенді тексеру мақсатымен ішкі секреция мен жүрек-қан жүйесін тексеру бағытындағы мамандардың эндокриндік және кардиологиялық денсаулық көрсеткіштеріне баға берілді. Сондай-ақ, уроандрологиялық аурумен бірге ерлер арасындағы жүрек-қан тамырлары және эндокринді патологияның таралу деңгейі анықталды. Қазақстанның барлық аумақтарында ерлер арасында эректильді дисфункция, аденома, простатит, бүйрек тастары аурулары көп таралған. Сонымен қатар, табиғи заңдылықтар мен ауа райына байланысты оңтүстік және батыс аймақтарда өмір сүретін ерлер арасында бүйрек пен зәр жолдарының тастары секілді ауру түрлері көп таралса, солтүстік пен шығыс аймақтардағы салқын ауа райының әсерінен оларда қабыну аурулары жиі кездеседі.
Өкінішке қарай, ерлер орташа есеппен әйелдерге қарағанда 12 жылға қысқа өмір сүретін көрінеді. Бұл көбінесе сырқат ер адамдардың медицина көмегіне өте кеш жүгінетінінің салдары екенін айтқан жөн. Ендеше, медициналық көмек мәселесінде, еліміздегі еркектер психологиясын түбегейлі өзгертуіміз керек. Мемлекетімізде ана мен бала денсаулығын қолдауға бағытталған көптеген мемлекеттік бағдарламалар бар да, ал ерлер денсаулығына байланысты бұған дейін бірде-бір бағдарлама қабылданбаған. Біз бүгінде осы ғылыми бағдарламаны ұсынып, үмітімізді үкілеп отырмыз.
– Мырзакәрім Кәрімұлы, ғылыми орталық болған соң оның әлеуетінкөтеретін мамандардың білім дәрежесі қаншалықты деңгейде? Олардыңдәрежесін, білімін көтеру мәселесі сіздерде қалай шешілген?
– Бір айта кетерлігі, бүгінде ғылыми орталығымыз білім беру қызметімен де айналысады. Онда бекітілген бағдарламаларға сай уроандрология, уролог-дәрігерлерге арналған тақырыптық жетілдіру және олардың кәсіби деңгейін көтеру бағыттары бойынша жүргізіледі. Барлық бағдарламалар қосымша білім беру мемлекеттік стандартына сай енгізілген. Орталығымыз екі медициналық жоо – С.Асфендияров атындағы ҚазҰМУ-дің урология және нефрология курсы кафедрасы мен Қазақстан-Ресей медициналық университетінің урология кафедрасының клиникалық базасы болып табылады. Жылына 1600-ге жуық студент урология пәні бойынша дәріс алады. Бұдан басқа жоғары оқу орнын бітіргеннен кейінгі, үздіксіз оқу саласы резидентура бөлімі (бөлім меңгерушісі, медицина ғылымдарының кандидаты Аманжол Сұраншиев) арқылы денсаулық сақтауда тәжірибелі кадрларды даярлау жүзеге асырылады. Жыл сайын уроандрологияның өзекті мәселелері бойынша Ресей, Украина, Беларусь, Өзбекстан және Қырғызстанның жетекші уролог-дәрігерлерінің қатысуымен Қазақстанның урология ғылыми қоғамының пленумы өткізіледі. Пленумда аймақтардағы урологиялық қызметтің есебі тыңдалып, алдағы уақытта республика бойынша бұл қызметті дамыту мен оны жүзеге асыру мәселелері талқыланады. Шығарылған қорытындылар негізінде шешім қабылданып, келешекте республика аясында атқарылатын жұмыстардың бағыттары айқындалады.
«Өлі риза болмай, тірі байымайды» деген ұстазымыз Бинеш Оразұлының туған күні қарсаңында 16 жылдан бері жыл сайын мамыр айында еліміздің жас ғалым-дәрігерлері ТМД елдеріндегі әріптестерімен тәжірибе бөліссін деген мақсатта ғылыми-практикалық конференция өткізуді дәстүрге айналдырып отырмыз. Өйткені, медицина ғылымының алға басып, дамуы жас ғалымдардың ғылыми әлеуетінсіз мүмкін емес. Олар еліміздің медицина саласындағы кадрлық резервтер болып табылады. Онда жас ғалым-дәрігерлер урология және андрология саласы бойынша әртүрлі ауруларды емдеудің диагностикасының алдын алу шаралары мен өзекті мәселелерін талқылайды. Биылғы ТМД елдері жас ғалым-дәрігерлерінің XII халықаралық конференциясы – академик Бинеш Жарбосыновтың 80 жылдығына арналып отыр. Онда ТМД елдерінің жетекші урологтары баяндама жасайды. Сонымен бірге, конференция жұмысы шеңберінде жас мамандар байқауы өтпек. Әрбір байқауға қатысушы құнды тәжірибелері мен жаңа ғылыми жетістіктерін талқылауға мүмкіндік алып, жетекші мамандар ұсыныстарын ортаға салады. Б.О.Жарбосыновтың қатарластары және шәкірттері бүгінде алыс-жақын шетел мемлекеттерінде, республиканың барлық аймақтарында қызмет атқарады. Олар ірі орталықтар, емханаларды басқарып, оның бастамаларын дамытып жалғастыруда.
Қазақстанның урологтары жаңа ғылыми жетістіктерге, біздің ортақ ісіміз – отандық урология саласын дамытуға қол жеткізді. Сондықтан да Б.О.Жарбосынов қазақ халқының тұңғыш профессор-урологы, урология ғылымының негізін салушы, әрі ғылыми-зерттеу институтының тұңғыш директоры, аса құрметті дәрігер, ғалым, сенімді дос, сүйікті әке ретінде біздің жүрегімізде мәңгі қалады. Ұстаз өмірі қашанда шәкірттер жүрегінде маздайды демекпін.
– Әңгімеңізге рахмет.
Әңгімелескен
Гүлзейнеп СӘДІРҚЫЗЫ,
«Егемен Қазақстан.
____________________
Ұстаз тәлімі – шәкірттер өмірінде
КӨҢІЛІ ДАРҚАН, АҚ ЖҮРЕК АДАМ
Малих Мохамад Ареф,
Эндоурология және литотрипсия бөлімінің меңгерушісі, Дүниежүзілік және Еуропалық урологтар қауымдастығының мүшесі, медицина ғылымдарының докторы, профессор.
Бинеш Оразұлымен туысқандық қатынаста болған соң ғана емес, ұлы ұстазым ретінде жақсы көріп, туған әкемдей сыйлап өттім. Олай дейтінім, ол кісінің өзі де мені күйеу баласындай емес, туған ұлындай жақсы көрді. Жұбайым Ботакөзге: «Балам, сен Арефке көп тиісе берме. Ол мұнда жалғыз», – деп қалжыңға сүйеп айтып отыратын. Бинеш Оразұлының бұл сөзінен өзімді шын жүрегімен жақсы көретінін байқайтынмын. Бұл жалғыз менің ғана сөзім емес, ең алдымен адам ретінде, үлкен азамат тұрғысында, ұстаз ретінде бүкіл шәкірттері, көзін көрген әріптестері оның өте мейірімді, кімге болсын жақсылық жасауға, көмегін беруге дайын тұратын сенімді адам болғанын бүгінде жыр ғып айтып отырады.
Тағы бір айтарым, Бинеш Омарұлы өзінің тұрғыластарын, әріптестерін мойындатқан мықты маман еді. Ол кезде бүгінгідей диагнозды анықтайтын компьютердің жоқ кезі. Тек қолмен сипап, жүрекпен сезіп диагноз қоятын. Бөлімшеге келіп, таңертеңгілік науқастарды қарағанда әр қайсысына жеке-жеке көңіл бөліп, олармен қалжыңдасып, қайдан келгенін, ер азамат болса үйленгенін, әйел заты болса тұрмысқа шыққан, шықпағанын сұрап, науқастың ішкі жан дүниесіне кіріп, ауырған жерлерін ұмыттырып жіберетін. Яғни, алдымен жаны ауырып келген науқасты сөзбен, сөздің құдіретімен емдейтін. «Жаны саудың – дені сау» демей ме қазақ, ал хирург ретінде қолы жеңіл, әртүрлі күрделі операция жасағанда, еш асқынусыз тез жазылып кететін. Нағыз тәңірі жаратқан дәрігер еді.
Мен Алматы мемлекеттік медицина институтын бітіре саласымен, осы ғылыми институтқа жұмысқа келдім. Содан бері осында қызмет атқарамын. Бейнеш Оразұлының үш қызының кенжесі, Ботакөзбен бір топта оқып, кейіннен екеуміз қосылдық. Ботакөз қазір С.Асфендияров атындағы ҚазҰМУ-дің психиатрия кафедрасында анасы медицина ғылымдарының докторы, профессор Ғалия Құдияровамен бірге қызмет істейді. Ол кісі ұзақ жылдар еліміздің бас психиатры, кафедра меңгерушісі қызметінде болды.
Мен өмірімде ата-анама қарыздар болсам, одан кейінгі қарыздар адамым, ұстазым, әрі әкемдей болған Бинеш Оразұлы. Осы уақытқа дейін ол кісінің бастап берген ісіне адал болуға, ұстаздың атына кір келтірмеуге тырысып келемін.
ЖАҢАЛЫҚҚА ЖАНЫ ҚҰШТАР ЕДІ
Суният ҚҰСЫМЖАНОВ,
Реконструктивтік және пластикалық урология бөлімінің жетекшісі, медицина ғылымдарының докторы, профессор.
Шынымды айтсам, мені урология саласына алып келген ұстазым Бинеш Оразұлы. Бастапқыда хирург болуды қалағанмен, Бинеш аға медицинаның осы саласын таңдауыма ықпал етті. Оған бүгінде еш өкінбеймін. Өйткені, ол кісі өмірде де, ғылымда да маған көп нәрсе берді, көп нәрсеге үйретті. Оның үстіне әкеммен бірге оқыған курстасы, әрі екеуі дос еді. Әрі кеңестік жүйе кезінде Мәскеудегі урология ғылыми-зерттеу институтында ең алғашқы кандидаттық диссертация қорғаған шәкірті болдым.
Көңілі дарқан, айтулы тұлға отандық урология саласын жоғары деңгейге көтерді. Кеңес одағында Ресей мен Украинадан кейінгі өзі негізін салған үшінші ғылыми орталықтың бүгінгідей деңгейге жетуіне көп еңбек сіңірді. Әрі отандық урология саласының қалыптасып, дамуына бағыт-бағдар сілтеп отырды.
Докторлық диссертациясы еркектердің белсіздігі тақырыбы болғандықтан, ерлердің денсаулығымен түбегейлі айналысты. Содан кейін-ақ елімізде еркектер кабинеттері, андрология бөлімдері ашыла бастады. Ең бір айта кетерлігі, жаңалыққа жаны құштар адам еді. Осы ретте урология саласында эндоскопиялық бағытта емдеуге алғаш идея беріп, оны өзімізде енгізіп, қолдануға күш салды.
Бинеш Оразұлы қашанда болашаққа үлкен сеніммен қарайтын. Қазір лапороскопиялық операциялар дүние жүзінде ашық ота жасауды алмастырып отыр. Соның есебінен ашық операциялар саны азаяды, науқастарға ыңғайлы ғой. Міне, сол кісінің салып кеткен жолымен институтта қазір бұл әдіс жақсы жолға қойылған. Тек бұл емес, ол кісі өзінің абырой-беделімен мемлекеттен қаржы бөлдіріп, кезінде институтты кереметтей соңғы заманауи құрылғылармен жарақтандыруға бар күшін салды. Ал ол кезде ондай технологияға қол жеткізу оңай болмайтын.