Кеше Премьер-Министр Серік Ахметов Есіл өзені арқылы өтетін кіші айналма жолдың батыс жағындағы жартылай айналма бөлігі құрылысының барысымен танысты. Мемлекет басшысының тапсырмасы бойынша атқарылып жатқан жобаны жүзеге асырудың барысы туралы Астана қаласының әкімі И.Тасмағамбетов баяндады.
Кіші айналма жолдың жалпы ұзындығы – 35 км., оның өткізу мүмкіндігі тәулігіне 90 мың көлікті құрайды.
Сондай-ақ, Үкімет басшысы Астана қаласында 2012-2020 жылдарға арналған апатты жағдайдағы үйлерді бұзу бойынша қанатқақты жобаның орындалу барысымен танысып, «Елорда Даму» ЖШС нысандарын аралап көрді. С.Ахметов нысандарды аралау қорытындысы бойынша тиісті министрліктер басшылары мен Астана қаласы әкімдігіне қажетті тапсырмалар берді, деп хабарлады Премьер-Министрдің баспасөз қызметі.