Қоғамдық көліктегі қауіпсіздік ұдайы қадағаланады

City Transportation Systems компания­сы баспасөз қызметінің мәліметінше, Сovid-19 індеті шектеу шараларын енгізуге мәжбүр ете отырып, қоғамдық көлік жұмысының форматын өзгертті. Дәлірек айтсақ, қолма-қол ақшасыз жолақысын төлеуді енгізу, жолаушылар мен жүргізушілерге автобус салонында медициналық маска тағу, жолаушыларға қолжетімді орындарда, тері антисептигі бар санитайзерлер орнату, жүргізушілерді күшейтілген медициналық тексеруден өткізу, автобустардың жұмыс уақытын сағат 23.00-ге дейін шектеу (штаттық режімде сағат 01.00-ге дейін), автобус парктеріндегі және желідегі автобустарды, әр айналымнан кейін дезинфекциялық құралдармен толық дезинфекциялау.

«Елордада шектеу шараларын енгізу қоғамдық көлік жүйесіне қатты әсер етті. Қоғамдық көліктегі жолаушылар ағыны 40%-ға төмендеді. Автобустар мен автотұрақтардағы дезинфекциялық жұмыстар, қала аумағында қосымша шектеу, алдын алу және эпидемияға қарсы шаралар енгізілген уақыттан бері, 2020 жылғы 19 наурыздан бас­тап жүргізіледі. Автобус парктерінде ауқымды дезинфекцияны жүргізу үшін қаланың тауарлар мен қызметтердің сапасы мен қауіпсіздігін бақылау де­пар­таментінің тиісті лицензиясы мен рұқсаты бар компаниялар тартылады. Сондай-ақ парктердің техникалық қызметкерлері мен автобус жүргізушілері жұмылдырылады. Автобустарды түнгі жуудан және өңдеуден басқа, қоғамдық көлік жұмысы кезінде жүргізушілер, күн сайын әрбір айналма жолдан кейін, соңғы аялдама пункттерінде автобустарды ылғалды жинау және дезинфекциялау жұмыстарын жүргізеді», делінген ақпаратта.

Автобустарды бір реттік өңдеуге арналған дезинфекциялық шығын 2 872 литрді құрайды. Сонымен қатар компания әлі де кешенді жұмысты жалғастыруда. Оның негізінде қолайлы көлік ортасын құру және қолдау, жолаушыларды тасымалдау қызметін жақсарту, барынша қауіпсіздікті қамтамасыз ету, жол қозғалысында қауіпсіздікті сақтау және мобильді көлік құру қағидаты жатыр.

City Transportation Systems 2011 жылдан бастап, елордадағы көлік жүйесін басқару және дамыту функциясын жүзеге асырады. Компанияның негізгі функция­­­лары – қоғамдық көліктің диспетчерлік және бағдарлық желісін дамыту, интеллектуалды көлік жүйесін енгізу және басқару, көлік кәсіпорындары мамандарының біліктілігін арттыру, велосипедтердің қолжетімділігі мен жайлылығына бағытталған велоширингті дамыту, жол желісінің қауіпсіздігі мен дамуын қамтамасыз етуге бағытталған жол қозғалысын ұйымдастыру, елордада жолаушылар тасымалдауда жайлылық пен қаржы ағындарының ашықтығын арттыру мақсатында, электронды жол ақысын төлеу жүйесін енгізу, жолаушыларды тасымалдау кезінде көлік жүйесіндегі бұзушылықтарды анықтау және жою.

«Елордада көлік ағынын басқару үшін компанияның негізінде Мәскеу ЦОДД ана­логы трафикті басқару орталығы бар. Қозғалыстарды тиімді реттеу үшін операторлар «24/7» режімінде жол желі­сінің трафик жүктемесін бақы­лау­мен айналысады және қажет болған жағдайда (мысалы, жол апаты болған жағдайда) бағдаршамның реттелуіне араласады. Реттеу құралы – omnia плат­фор­масындағы интеллек­­­туалды көлік жүйесі, ол адаптивті режімде қиылыс­тардағы бағдаршамдардың фаза­ларын басқарады. Жүйе жедел жәр­дем көліктері мен өрт сөндірушілерге ба­сым­дық беруге мүмкіндік береді», дейді ком­пания мамандары.

Желідегі автобустар кестесінің сақ­талуын үйлестіру және бақылау үшін біріңғай диспетчерлік қызмет бө­лі­мі жұмыс істейді. Оның құзыретіне бұ­қа­ралық іс-шараларға қызмет көрсету, сондай-ақ автобус парктерінің бұзылуын тіркеу кіреді.

Қажет болған жағдайда құрылым сондай-ақ төтенше және шұғыл жағ­дай­лар­ды жедел пысықтаумен, автобустарды же­ліден алып тастаумен және адамдарды эвакуациялау үшін қажетті орынға жеткізумен айналысады. Елордадағы қоғамдық көлік жүйесі – бұл өте ауқымды және нақты жоспарланған маршруттық желі. Ол қаланың барлық ауданын, оның ішінде орталықтан 50 км радиустағы аудандар мен және қала маңындағы елді мекендерді қамтиды. Елорданың бағыттар желісінің жалпы ұзындығы 4067,9 км құрайды. Бұл желі 86 бағыттан тұрады: 64 қалалық және 22 қала маңы бағыттары. Ал экспресс-бағыттар қа­зір­гі уақытта тоқтатылған. Елордада ай­­тылған бағыттар бойынша күнделікті 794 қоғамдық көлік қызмет етеді: 727 қа­ла­лық және 67 қала маңындағы көліктер. Қоғамдық көлікті модернизациялау шең­бе­рінде жаңа жолаушыларды тасымалдау түрлері (қала маңы, экспресс, sport shuttle bus бағыты) енгізілді, 43 жаңа қалалық бағыттар ұйымдастырылды, 72 қалалық бағыттардың жол жүру бағыты жаңартылды. Сондай-ақ 24 учаскісінде ұзындығы 77 шақырымды құрайтын Bus Lane жолақтары енгізілді. Бұл час-пик уақытында, автобустардың күту уақытын 15%-ын қысқартуға мүмкіндік берді.

Жолаушылардың қауіпсіздігін сақтау мақ­сатында желідегі бақылау жүйесі күшейтілген. Дәлірек айтсақ, авто­бус­тар­дың санитарлық және техникалық жағдайын бақылау жүзеге асырылады, автобус жүргізушілерінің жол ережесін бұзу қаупінің алдын алады, жолаушыларды билетсіз тасымалдау анықталды. Осы қызметтің нәтижесінде 2020 жылы билетсіз тасымалдау бойынша 150 мыңға жуық факті мен жол қозғалысы ере­же­ле­рін бұзудың 165 жағдайы тір­келді. Қала бюджетіне салынған айыппұлдар есебінен (2018 жылдан бастап) 121 млн теңгеден аса қаражат түсті. Мемлекет басшысы мен қала әкімінің тап­сырмасы бойынша штат санын оңтай­ландыру шеңберінде ішкі еңбек резерв­тері есе­бі­нен, көліктік бақылау Депар­та­мен­тін күшейту жұмыстары жүргізілді.

Сонымен қатар 7 бағдаршам объек­ті­лерінің тіректері бағдаршамның не­гізгі сигналдарын қайталайтын жарық­тан­дырумен жабдықталған. Бұл шара жол қозғалысына қатысушыларды, бағ­­даршам сигналдарын жақсы қабыл­дауы мен көрінуін жақсарту үшін қол­да­нылады. Бағдаршам объектілері тірек­терінің жарықтандырылуы, тәулік­тің қараңғы уақытында, жолдың нашар көрінуі және қолайсыз ауа райы жағдайларында қозғалыс қауіпсіздігін арттыра отырып, оң нәтиже көрсетті. Жол ақысын төлеудің электронды жү­йе­­сін енгізуге (ЖАТЭЖ) бай­­ла­ныс­ты көрсетілетін қызметтердің са­па­сына, күн­делікті мониторинг жүр­гізу қа­жет­­тілігі туындады. Осы қыз­мет­тің бар­лы­ғын көліктік бақылау департа­мен­тінің қызметкерлері атқарады.

Бүгінде КБД жұмысының арқасында жүр­гізушілер тарапынан бұзушылықтар дең­­гейі айтарлықтай төмендеді, жо­лау­­шы­ларды билетсіз тасымалдау фак­ті­лері азайды, сондай-ақ қоғамдық кө­ліктің қатысуымен болған жол-кө­лік оқи­­ға­лары азайды. Мысалы, КБД қыз­мет­керлері жыл басынан бері же­ңіл­ді­гі бар азаматтар санаттарына жатпайтын жолаушылардан 815 жеңілдігі бар көлік карталарын тәркіледі.