Ливанда халықты вакциналау науқаны басталды. Ковидке қарсы екпені алғашқылардың бірі болып 93 жастағы танымал актер қабылдады, деп хабарлайды Egemen.kz «Хабар 24» арнасына сілтеме жасап.
Қолда бар мәлімет бойынша әзірге Ливанға «Пфайзер» препаратының 20 мың 500 дозасы жеткізілген. Негізі осы жылы бұл елге 2 миллионнан астам доза келуі керек.
- Ливанда вакциналау науқаны басталғанына қуаныштымын. Алдағы уақытта осындағы әр азамат қажетті вакцинаны салдыруға мүмкіндік алады деп үміттенемін, - дейді Раша Савайя есімді дәрігер.