Қазақстан Республикасының Бельгия Корольдігіндегі Елшілігі Абайдың француз тіліне аударылған қара сөздер жинағын Король кітапханасының қорына сыйға тартты, деп хабарлайды Egemen.kz ҚазАқпаратқа сілтеме жасап.
Бельгия тарапына қазақ жазба әдебиетінің негізін қалаушы Абайдың өмірі мен оның бельгиялық әйгілі ақын Гвидо Гезелге ұқсас құндылықтары туралы ақпарат берілді.
Қазақ ақынының француз тіліндегі «Қара сөздері» де Брюссельдегі муниципалды кітапханалар мен мектептерге сыйға тартылды.
Бельгия Королінің кітапханасы 1837 жылы құрылған және елдегі ең үлкен кітапхана. Кітапхана қорында 6 миллионнан астам том кітап бар.