Бүгін футзалдан Еуропа чемпиондар лигасының топтық кезеңіндегі ойындар басталады. Қазақстан намысын қорғайтын Алматының «Қайраты» мен «Атырау» командаларының ойындарын «Qazaqstan» және «Qazsport» телеарналары тікелей эфирден көрсетеді, деп хабарлайды Egemen.kz.
«Қайрат» командасы чехиялық «Плзень» футболшыларымен кездеседі. Ойын Нұр-Сұлтан уақытымен 21.00-де басталады. Бұл кездесуді жанкүйерлер «Qazaqstan» телеарнасынан тамашалай алса, сағат 23.55-те фанаттар «Qazsport» телеарнасынан «Атырау» мен словениялық «Добовец» арасындағы тартысты ойынды көре алады.