Кезінде Қазақстан жастар құрамасында ойнаған Ақтөбе футболының түлегі Дидар Жалмұқан алдағы маусымды бірінші лигада өткізеді, деп хабарлайды Egemen.kz Meta-ratings.kz-ке сілтеме жасап.
Соңғы деректерге сенсек, футболшы қызылордалық «Қайсар» футбол клубымен келісімшарт жасасып үлгерген. Бүгінде «Қайсар» футболшылары Шымкент қаласында оқу-жаттығу жиынын өткізіп жатыр. Қатарға Дидар да қосылған. Ол өткен маусымда «Ақтөбе» футбол клубының намысын қорғаған еді. Сондай-ақ футболшы «Астана», «Тобыл», «Атырау» командаларында да ойнаған.