Бұл туралы ҚР Денсаулық сақтау министрі Ажар Ғиният айтты, деп хабарлайды Egemen.kz.
«Вакцинациялау және ревакцинациялау — инфекциядан қорғанатын жалғыз жол. Халықты вакцинациямен барынша қамту үшін біз тиісті іс-шаралар қабылдадық. Тәулігіне орташа есептегенде 15 мың адам егілуде», деді министр Орталық коммуникациялар қызметінде өтіп жатқан баспасөз мәслихатында.
Оның дерегінше, бүгінгі күні 1-компонентпен 9,5 млн адам (тиісті халықтың 83,3 пайызы, жалпы халық санының 56 пайызы), 2-компонентпен 9,2 млн адам (тиісті халықтың 81, жалпы халық санының 54 пайызы) вакциналанды.
«Ал ревакцинациядан елімізде 4 млн адам өтті», деді Ажар Ғиният.
Аяна Тоғанбек