Мемлекеттік қызметке қызығушылық бәсеңдеді ме?

Сондай-ақ облыста мем­лекеттік қызметте жүр­ген әйелдердің де саны аз. Рес­пуб­ликада бұл көрсет­кіш 56 па­­йыз болса, Түркістан облысында 27 пайыз ғана. Осындай деректер келтірген Мемлекеттік қызмет істері агенттігінің Түр­кістан облысы бойынша департамент басшысы Өркен Балажанов бри­фингте Мемлекет басшы­сының мем­лекеттік қызметке орналасу­да артық кедергілерді жою және мемлекеттік қыз­мет­тен шығу тәртібін жеңіл­дету туралы тапсырмасына сәйкес тиісті заңға түзету­лер енгізілгенін атап өтті. «Мем­лекеттік қызмет әрдайым жаңарып отырады. Бір адамдар денсаулығына байланыс­ты кетіп жатады, зейнетке шығатындар бар. Сол орындарды толтыру кезінде мін­детті түрде жастарды алу керек. Білікті мамандарға әрда­йым сұраныс болады.

Жалпы, Түркістан облы­сын­да мемлекеттік қыз­метке келушілер саны аз. Деген­мен өткен жылы конкурсқа қаты­сушылардың саны арт­қан. Мәселен, 2021 жылы өт­кі­зілген конкурстарда 1 орын­ға 3 адамнан келсе, 2022 жылы бұл көрсеткіш 4 бол­ған. Дегенмен, бәрібір жалпы көрсеткіш төмен», деді Өр­кен Балажанов. Бұл орайда заңға енгізілген өзгерістер оң септігін тигізбек. Біріншіден, мемлекеттік грантпен оқу орындарын үздік бітірген түлектер аудан мен ауылда төменгі лауазымдарға конкурстық іріктеусіз тікелей тағайындалады. Бұл білікті жас­тарды мемлекеттік қыз­метке ынталандыруға, жас мамандардың аудан мен ауылдық аймақтарға оралуына, сонымен қатар өңірлердегі кадр тапшылығын азайтуға септігін тигізіп, мемлекеттік қызметке кіруді жеңілдетеді. Екіншіден, «Б» корпусының жоғары лауазымдарына уәкі­летті органның келісі­мімен конкурстық іріктеусіз тікелей тағайындау мүмкін­дігі бе­ріліп отыр. Бұл бірінші бас­шылардың өз қызмет­ші­лері үшін жауапкершілігін арт­тырады. Президент жанын­дағы Мемлекеттік бас­қару академиясының жоғары үлгерімін көрсеткен түлек­тері оқуды бітіргеннен кейін бір жыл ішінде елорданы қос­пағанда, жергілікті орган­дарға жекелеген лауазым­дарға конкурстық іріктеусіз тағайындау қарастырылды.

Сондай-ақ брифингте департамент басшысы мем­лекеттік қызмет саласындағы бақылау жұмыстарына, анық­талған құқық бұзушы­лық­тарға тоқталды. «Депар­та­ментпен өткен жылы мем­ле­кеттік органдарда мем­лекет­тік қызмет туралы заң­наманың сақталуына қатысты 54 бақылау іс-шарасы жүр­гізіліп, нәтижесінде 1 846 бұзушылық анықталған. Бұзушылықтардың басым бөлігі лауазымдық өкілет­тіктерін нұсқаулық­тарды жасау және бекіту тәртібін қамтамасыз ету, мемлекеттік қызметшілердің қызметтік тізімдерін рәсімдеу, сон­дай-ақ «Б» корпусының мемле­кеттік қызметшілерінің бос лауаз­ым­дарына конкурс өткізу қағи­даларын бұзу, қызмет­терін бағалауды жүргізуді қамтамасыз ету, тәртіптік жаза қолдану қағидаларын сақ­тамау және қызметтік ісса­парлар шығыстары өтелу талаптарын сақтауды қамта­ма­сыз ету деректері бойын­ша орын алған. Тексеру нәти­жесімен мемлекеттік орган­дарға 34 ұйғарым енгізіліп, 15 тұлға түрлі тәртіптік жауап­кершілікке тартылды», деді Ө.Балажанов.

Өткен жылы Әдеп жө­нін­дегі кеңес отырысында қаралған тәртіптік істер алдыңғы жылмен салыстыр­ғанда 34 пайызға азайған. Бұдан бөлек, мемлекет­тік қыз­мет­шілердің Әдеп кодексі­нің талаптарын бұзу деректері азайған. Депар­та­менттің мемлекеттік көрсе­тілетін қызметтер сапасына қатысты жүргізген 33 бақылау жұмыстарының нәтижесінде 2 511 тәртіп бұзушылық анықталса, оның 1 121-і жергілікті атқарушы органдарға қатысты. Осы ретте департаменттің ұсы­ны­сымен мемлекеттік орган­дардың 47 қызметкері тәр­тіптік жауапкершілікке тартылды.

«Облыста мемлекеттік қызметшілердің тәртіптік жауапкершілікке тартылу жағдайлары азайып келеді. Мәселен, 2021 жылы 1 915 мем­лекеттік қызметші тәртіп­тік жауапкершілікке тар­тылса, 2022 жылы бұл көр­сет­­кіш 1 842 болып отыр. Оның ішінде Әдеп кодексі­нің нормаларын бұзу жайы да біршама төмендеген. Бұл да профилактикалық жұмыс­тардың көбірек жүргізіл­ген­дігі­нің нәтижесі деп білеміз. Ал­дағы уақытта бұл ба­ғыт­тағы жұмыстарды жалғас­ты­ра­­мыз», деді Өркен Балажанов.

Тәртіптік жауапкерші­лікке тартылған мемлекеттік қызметкерлер арасында Жеті­сай ауданы көш бастап тұр. Шардара ауданы мен Түр­кістан қаласында да тә­ртіп бұзған мемлекеттік қызмет­шілер көп.

Түркістан облысы