Маңызы жоғары сапар

Кеше Парламент Сенатының Төрағасы Қасым-Жомарт Тоқаев Қазақстанға ресми сапармен келген Түрік Республикасы Ұлы Ұлттық Жиналысының Төрағасы Мехмет Али Шахинмен кездесті. Кездесудегі әңгіме барысында тарихы тамырлас және мәдени құндылықтары ортақ екі ел арасындағы қатынастар қарқынды дамып келе жатқаны атап өтілді. Мемлекетаралық ынтымақтастықтың маңызды құрамдас бөлігі болып табылатын парламентаралық байланыстар да нығая түсуде. Сенат Төрағасы “парламент­аралық ынтымақтастық пен заң­намаларды үйлестірудің маңызды мәселелері бойынша пікір ал­ма­суға бұл сапар маңызды әрі пай­да­лы”, деп атап өтті және М.Чи­чек бас­таған Түркия-Қазақстан достық тобының табысты қыз­ме­тіне де тоқталды. Екі ел арасын­дағы өзара тиімді әріптестікті ке­ңейту мәсе­лелеріне қатысты Қ.То­­қаев сауда-экономикалық қатынастардың қар­қынды сипа­тын атап өтті. Сондай-ақ Қа­зақстан Парламенті халық­аралық парламенттік ұйымдардың, оның ішінде Түркітілдес елдер Пар­ла­мент­тік Ассамблеясының ая­сын­­да тығыз ынтымақтастықты жал­ғас­тыруға әзір екенін айтты. Әңгіме барысында Қазақстан Сенатының басшысы кездесуге қатысушыларды биылғы ЕҚЫҰ Саммитін өткізуге әзірлік барысы туралы хабардар етті. М.Шахиннің сөзіне қарағанда, екіжақты қатынастарды нығай­ту­да түрік делегациясының осы са­па­ры­ның маңызы зор болып та­бы­лады. Түркия Парламентінің бас­­шысы Қа­зақстан Президентіне ризашы­лығын білдірді және Н.Назар­баев­тың түр­кітілдес елдердің ықпалдас­тығы үрдісіндегі рөлін атап өтті, деп хабар­лады Қа­зақ­стан Респуб­ли­касы Пар­ла­менті Се­натының бас­па­сөз қызметі.