Алакөлге ұшақпен...

Алматы облысында туризм саласын дамыту мақсатында Ала­көл ауданының орталығы Үшарал қала­сында 50 жолаушыға қызмет көрсететін аэровокзал салу үшін жер телімі бекітіліп, жобалық сме­талық құжаттары дайындалды. Жалпы, Алакөл жағалауына 3,1 млрд. теңгенің инвестиция­сы тартылып, 1200 орынды 3 демалыс кешенінің құрылысы қарқынды жүруде. Өткен жылы көл жағалауындағы 102 демалыс орнында 144 000 адам демалып, оларға 612 млн. теңгенің қызметі көрсетілген еді. Биыл тағы 26 демалыс орнын іске қосу жос­парланып, 220 мың адам келеді деп күтілуде. Демалыс үйлерінің құны 3500-6500 теңге көлемінде болады. Заман талабына сай салынған орындар 11000-60000 теңгеге дейін бағаланып отыр. Алакөлге әуе жолынан бөлек, теміржол, автомобиль жолы да бар. Көлік қолжетімділігімен қам­тамасыз ету мақсатында биыл­ғы жазғы демалыс маусымында «Алматы-Достық» бағытында жүретін туристік пойызы аптасына 3 рет қатынайды. Ал «Алматы-Үшарал-Ақши-Көктұма» маршруты бойынша күніне 5 автобус жолаушыларды тасымалдайды. Нұрбол ӘЛДІБАЕВ, «Егемен Қазақстан» Алматы облысы, Алакөл ауданы