Отбасын құрған жастар арнайы тренингтен өтуі керек

[caption id="attachment_49096" align="aligncenter" width="700"] svadba-msk.ru[/caption] Бас прокурор Жақып Асанов: «Еліміздегі отбасылық одақты күшейту қажет. Ол үшін үйленуге өтініш берген күннен бастап жастар арнайы тренингтен өту керек», – дейді. Оның пікірінше, өткізілетін тренинг екі жақты ересек өмірге дайындау, дауларды шешуге үйрету секілді жайттарға мол септігін тигізеді. «Өкен жылы Қазақстанда 149 мың неке тіркелсе, 53 мыңы ажырасқан. Бұл – әрбір үшінші отбасы. Сондықтан да үйленемін деген жастарға жадынама ұсыну керек. Онда ажырасу статистикасы, екі жақтың құқықтары мен міндеттері, әкімшілік және қылмыстық жауапкершілігі, мүлікті бөлу тәртібі, сыйласу, құрметтеу, кешірімді болу, дауды ақылмен шешу, күш қолданбау жөнінде ақыл-кеңестер болуы тиіс. Бізге қатысты барлық қажетті ақпаратты беруге дайынбыз», – деді ол. Сонымен қатар, бас прокурор психолог-медиатор фигурасын енгізу қажет екенін де айтты. Оның айтуынша, ажырасамын дегендерге заң ойлануға бір-ақ ай уақыт береді. Осы жерде екі жақты бітімге шақыру үшін психологтың көмегі аса қажет. Талғат Райымбек.