Жұртшылықты жігерлендіретін Жолдау

АЙҚЫН БАҒДАР

Президент Н.Ә.Назарбаевтың Қазақстан халқына биылғы Жол­дауы еліміздің мемлекеттік да­му­ын өзгертудің аса маңызды міндеттері мен бағыттарын ан­ық­тайтын стратегиялық маңыз­ды құжат болып табылады. Мерейтойлық Жолдауында Пре­зидент республиканың Тәу­ел­сіз­дігі жылдарында елімізде қазақ­стандық жолдың БОСТАН­ДЫҚ, БІРЛІК, ТҰРАҚТЫЛЫҚ, ӨР­КЕН­ДЕУ сияқты негізгі құн­ды­лық­тары қалыптасқанына ер­ек­ше назар аударды. «Бейбітшілік пен жасампаздықтың жиыр­ма жылы» – еліміздің басты жетістігі, бұл қазақстандық қоғам­ның Тәуелсіз­діктің жаңа кезеңін­де 2020 жылға дейін дамуының жа­ңа басым ба­ғыттарын құру үшін негіз береді. Қарағанды мемлекеттік тех­ни­калық университетінің про­фес­сор­лық-оқытушылар құрамы Пре­­зи­денттің Қазақстан халқына Жол­дауында белгіленген мақсаттар мен міндеттерді үлкен жігермен қабылдады. Өзінің сөйлеген сөзінде Президент Қазақстан дамуының ба­сым бағыттарының бірі қазақ­стан­дық азаматтардың тұр­мы­сын жақсарту болып табылады деп үне­мі атап көрсетеді. Би­ыл­ғы Жолдауында да Президент әлеу­меттік өзгерістерге ерекше назар аударды, оның шеңберінде үш ма­ңызды мемлекеттік бағдар­ла­маны анықтады: білімді, денсау­лық сақ­тауды және тілдерді дамыту. ҚарМТУ ұжымында мақсаты қазақстандық білім берудің бәсе­кеге қабілеттілігін арттыру бо­лып табылатын, 2011-2020 жыл­дар­ға арналған қабылданған мем­лекеттік білімді дамыту бағдар­ла­масы шеңберінде білім беруді өзгерту ерекше қызығушылық тудырды. Президент әрбір қазақ­стандықтың жеке сенімі «өмір бойы білім алу» болуы тиіс екендігін ерекше атап айтты. Біздің жоо Президенттің бі­лім­нің сапасын жоғарылату және қолжетімділігін кеңейту үшін білімді қолдайтын жаңа қаржы-экономикалық құралдарды ендіру, жоғары оқу орындарының ин­новациялық қызметке ауысу тетігін қалыптастыру қажет деген пікірін қолдайды. 2020 жылға қарай 12 жылдық оқу моделіне толығымен ауысу, бизнес-қауымдастықтар мен жұ­мыс берушілердің қатысуымен кә­сіптік-техникалық кадрларды да­ярлау үшін Ұлттық кеңес құру, «бакалавр – магистр – PhD док­торы» академиялық дәрежелерін алу, инновациялық қызметті жү­зеге асыратын және ғылыми зерт­теулер нәтижелерін өндіріс­ке ендіретін жоо үлесін 5 пай­ыз­ға дейін ұлғайту білім беру қыз­меттерінің сапасын жоғарыла­ту­ға, бәсекеге қабілетті мамандар­ды оқытып шығаруға, есімі әл­емге әйгілі ғалымдарды даярлау­ға мүмкіндік береді. Тек сапалы білім ғана Қазақстанның инно­ва­циялық дамуы үшін негіз болуы мүмкін екендігіне сенімдіміз. Миллиондаған қазақстан­дық­тар сияқты университеттің про­фессорлық-оқытушылар құрамы Н.Ә.Назарбаевтың Қазақстан Рес­публикасының Президенті ретінде «барша Қазақстан халқының игілігіне қызмет етуге әзір екендігі» жайында айтқан сөздерін қуанышпен қабылдады. Біз Н.Ә.Назарбаевқа Отаны­мыз­дың игілігіне аянбай еңбек ет­іп, өнеге көрсеткені үшін ал­ғыс білдіреміз және Президент­тің Қазақстан дамуындағы бар­лық бастамаларын қолдаймыз.

А. ҒАЗАЛИЕВ, ҚарМТУ ректоры, Мемлекеттік сыйлықтың лауреаты, ҚР ҰҒА академигі.

* * *

ЖОЛДАУҒА ҚОЛДАУ БІЛДІРЕ ОТЫРЫП...

Биылғы жылы ел тәуелсіз­ді­гінің 20 жылдығы кеңінен ата­лып өтілмек. Соған орай, Ел­басы­мыз­дың қазақстандықтарға кезекті Жолдауының маңызы жыл­­дағыдан да сал­мақты болып шық­қан ба деймін. Соның айға­ғындай, би­ылғы Жол­дауда үсті­міздегі жыл­дың ғана емес, ал­дағы он жыл­дың келелі міндеттері сара­ланып көр­сетілген. Со­ның ішінде ауыл мен ауыл ша­руа­шы­лығы мәселесі назардан тыс қалмаған. Мәселен, ауыл шаруашылы­ғын­дағы еңбектің өнімділігі 2014 жылға қарай 2 есе, ал 2020 жылға қарай 4 есе өсетіндігі, аг­рарлық секторда етті мал ша­руашылы­ғын дамыту жө­нінде бұ­рын-соңды бо­лып көрмеген жо­­ба жүзеге асы­ры­латындығы ат­ап айтылған. Енді бес-алты жыл көлемінде ет экспорты 60 мың тон­наға жетпек. Осы мақ­сатқа мемлекет тарапы­нан қы­руар несие ресурстары бө­лін­бек. Соның нәтижесінде, мал ба­сын асылдандыруға зор мүм­кін­дік туа­ды. Ал мұның бәрі ай­налып келгенде ауылдық жерлерде жа­ңа­дан жұмыс орындарын көптеп ашу­ға мүмкіндік беретін болады. Мемлекет басшысы отан­дас­та­рымызға алғашқы Жолдауын 1997 жылы арнаған болатын. Содан беріде де бірнеше жыл өте шығыпты. Сол аралықтағы Жол­даулардың қай-қайсысында бол­ма­сын, жоға­ры­­да айтқандай, ау­ыл мен ауыл ша­руа­шылығы жә­не қала тұрғын­дарын ауыл ша­руа­шы­лығы өнімдерімен қамта­ма­сыз ету мәселелері қам­тыл­май қалған емес. Рас, кеңес заманында да бұл мәселе күн тәртібінен түспейтін. Соның айғағындай, бұл өңірде қа­ланы ет-сүт және көкөніспен қам­тамасыз ететін Жаңасемей деп аталатын аудан болды. Ал оң­тайландыру саясатымен бұл аудан таратылғанда оған қарасты ауыл­дар қала құрамына енген-ді. Аудан құ­рамындағы шаруашы­лық­тар бұ­ған дейін-ақ тарап тын­ған-ды. Әйтеуір, дес бергенде, біздің бұрынғы «Приречное» кең­ша­ры ендігі жерде өз алдына агро­фир­маға айналып үл­гер­ген еді. Сон­дықтан біз өз агро­фир­мамызды тәуелсіздік жемісі деп білеміз. Сол агрофирма құрылған беттен екі бағытта жұмыс жасап келеді. Яғни, ет өндіреміз, сондай-ақ қала тұрғындарын көкөніс, бау-бақша өн­імдерімен қамтама­сыз ету де біз­дің мойнымыздағы шаруа. Тәуел­сіздік мерекесі қар­са­ңында азды-көпті жаңалықтар­дан да кенде емеспіз. «Қаз­Агро­Қар­жы» акционерлік қоғамы ар­қы­лы бөлінген қомақты несие ар­қа­сын­да жаңадан сыйым­ды­лығы 4 мың тонналық қойма салып, пай­далануға беріп үлгер­дік. Сөй­­тіп, бұрынғысы, қазіргісі бар, қойма­мыздағы өнім семейліктерді қам­та­масыз етуге то­лығымен жетеді. Біздегі тағы бір жаңалық сол, жаңа қоймада жаңа құрал-жаб­дық­тардың орнатылуына байла­ныс­ты кептірілген көкөністі дай­ындау ісі қолға алынған бола­тын. Елімізде алғаш рет бізде қолға алынған бұл жаңалықтың мәнісі мынада. Яғни, 100 кило кептірілген көкөнісіңіз бір тон­наға та­тиды. Оның үстіне мұн­дай өнім экологиялық жағынан таза, еш­қан­дай химиялық қоспа жоқ. Не­бәрі 15 минутта дайын бо­лып шы­ға келетін кептірілген кө­кө­ні­сі­ңіз уақыт жөнінен де тиімді. Жоғарыда Жолдауда мал ба­сын асылдандыру жайы да қоз­ғалмай қалмағанын айттық. Со­ған орай алыстағы Канададан 1 мың бас ет бағытындағы ақ бас сиыр сатып алғалы отырмыз. Сонда біздегі ірі қара малдың саны 3 мыңға жетпек. Ал енді үш жылдан соң бұл көр­сеткішті бес мыңға жеткізбекпіз.

Мұхит ТҰМАБАЕВ, «Приречное» агрофирмасының иесі, облыстық мәслихаттың депутаты.

Семей.

* **

САРАБДАЛ САЯСАТ НӘТИЖЕСІ

Өткен жыл Қазақстан үшін үлкен жетістіктермен ерекшеленді. Еліміздің Еуропадағы қауіпсіздік және ынтымақтастық ұйымына төрағалығы, Астана Саммитінің өтуі – мұның бәрі мемлекет абыройы мен мерейінің өсуін дәлелдейтін айшықты істер. Биыл еліміз Ислам Конференциясы Ұйымына жетекшілік етпек. Сондай-ақ Шанхай ынтымақтастық ұйымының мерейтойлық саммиті де қазақ жерінде өткелі отыр. Оған бірер күнде аяқталатын Қысқы Азия ойындарын қосыңыз. Ал осының бәрі Елбасы Нұрсұлтан Назарбаевтың сарабдал саясатының нақты жемісі екенін біз түгілі, әлем мойындап отыр десек, алдағы міндеттер ауқымы да аса зор. Президент Н.Назарбаев 1997 жылдан бері дәстүрлі түрде халыққа Жолдау арнап келеді. Мұны елдің бағдарлы түрде дамуына әсер ететін бірден-бір құжат деп білемін. Елбасының Жолдауын тікелей эфир арқылы тамашалап отырып, осы ойға беки түстім. Ал жалпы, Жолдау барысында айтылған барлық дүние елдің көкейінде жүрген мәселелер еді. Елбасы соны тап басып айтты. Оның бәрін бұл арада тізбелеп жатуды артық санаймын. Бастысы, бұл – жасампаздық Жолдауы.

Бөрібай ҚҰЛМАНОВ, Ұлы Отан соғысының ардагері.

Қызылорда облысы.

* * *

БАҚУАТТЫ ТҰРМЫСТЫҢ БАҒДАРЛАМАСЫ

Ақтөбе мемлекеттік педаго­ги­калық институтының Студенттер сарайында ұжымның ұс­таз­дары мен студенттері қатысқан Қазақ­стан Республикасының Пре­зиденті Нұрсұлтан Назарбаев­тың «Бо­л­а­шақ­тың іргетасын бірге қа­лаймыз» атты Қазақстан хал­қына Жолдауын қолдап, тал­қылауға ар­налған жиын өткізіл­ді. Жи­ын­ды кіріспе сөз сөй­леп ашқан  институт ректоры, эко­но­мика ғы­лымдарының докто­ры Ға­лымжан Нұрышев Елба­сының Қазақстан  халқына Жолдауын оқы­­ту­шылар мен студенттер қа­у­ымы бір кісідей ұйымшыл­дық­пен тап осы Студенттер сарайы­ның кең за­лында теледидардан көріп, зейін қоя тыңдағандарын тілге тиек ете келіп, бұл жолы Жолдаудың негізгі бағыттарын барынша нақ­тырақ тал­дап, тере­ңірек түсінуге жина­лып отыр­ған­дарын жеткізді. Институт бас­шысы одан әрі би­ылғы Жол­даудың  ерекшеліктерін тара­тып әңгімеледі. Әсіресе, Елба­сының әл­еуметтік мәселе­лерді шешуге ба­сымдық бергеніне нақ­ты мы­салдар келтірді. Осы жоғары оқу орнының Қа­зақ­стан тарихы кафедрасы­ның мең­герушісі, тарих ғылым­дары­ның док­­торы Нұртаза Абдоллаев, философия ғылым­да­ры­­ның док­торы, профессор Алтай Тайжанов Жол­дау­ды әр қы­рынан та­ра­зылай талдап, жоға­ры баға берді, он­да­ғы кө­кей­кес­ті мә­селелердің мәнін әлем­дік да­мудың деректерімен са­лыс­­ты­ра отырып, ашып көрсет­ті. Бас­қа да шығып сөй­леу­ші­лер құ­жат­тың құндылы­ғы­на тоқталды.

Сатыбалды СӘУІРБАЙ.

Ақтөбе облысы.

* * *

БИІК МАҚСАТТАР, ӨРЕЛІ МІНДЕТТЕР

Погодин атындағы орыс драма театрында Мемлекет бас­шы­сы Нұрсұлтан Назарбаевтың «Бо­лашақтың іргесін бірге қа­лай­мыз» атты Жолдауын талқы­лауға арналған актив жиыны өтті. Онда облыс әкімі С.Бі­лә­лов тарихи маңызы зор құжаттан туындайтын іргелі міндеттер жайлы баяндама жасады. – Солтүстікқазақстандықтар да Жолдауды үлкен әсермен тыңдап, ерекше жігермен қарсы алды. Елбасы биылғы Жолдауын елдің алдағы даму болашағына арнап, халықтың әлеуметтік жағ­дайын одан әрі жақсартудың стра­тегиясын айқындап берді. Оның ішінде халықты жұмыс­пен қамту жергілікті билік ор­ындары үшін қашанда айрықша мәселе болып табылатынын атап көрсете келіп, баяндамашы Жол­даудағы басым бағыттардың бірі – әлеуметтік жаңғырту мәсе­ле­лері бойынша жүзеге асыры­латын талаптарды саралап берді. Аймақ әкімі Мемлекет бас­шысы ауыл шаруашылығы сала­сын дамытудың серпінді қадам­дарын белгілеп бергенін атап көрсетті. Алдағы уақытта асыл тұқымды мал өсірумен айна­лы­сатын алты шаруашылық құры­ла­ды. 220 фермерлік шаруа­шы­лық­тың 6 мал бордақылау ала­ңына етті бағыттағы асыл тұ­қымды мал әкелу қарасты­рыл­ған. Бұл шаралар 1500-ден астам жаңа жұмыс орындарын ашуға мүм­кіндік бермек. Ин­дус­триялық-инновациялық бағ­дар­ла­ма шең­бе­рінде де тың міндеттер тұр. Ауылдықтар үшін өткір мә­селелердің бірі — ауыз су. Ел­басы жүктеген талаптарға орай ауқымды жұмыстар атқарыла­тын болады. Елді мекендерге сапалы ауыз су жеткізу мақ­са­тын көз­дейтін «Ақ бұлақ» бағ­дарла­масына биыл 3,6 миллиард теңге қарастырылған. Жиында шағын және орта бизнесті өр­кендету жайы да жан-жақты сөз болды. Былтыр осы салаға 18,4 миллиард теңгенің несиесі бө­лін­ген. 7400 жаңа жұмыс орын­дары пайда болған. Биыл 10 мың адамды жұмысқа тарту көзделіп отыр. Жолдауды талқылауға Қазақ­станның Еңбек Ері, «Зенченко жә­не К» командиттік серік­тес­ті­гінің бас директоры Геннадий Зен­ченко, «ЗИКСТО» АҚ бас ди­ректорының орынбасары Сер­гей Кириенко, «Астықстем» ЖШС ди­ректоры Сер­гей Звольский қа­ты­сып, Жолдауда жария­лан­ған та­­лаптарды орындау әр­бір қазақстан­дықтың парызы еке­нін жеткізді. Өмір ЕСҚАЛИ. Солтүстік Қазақстан облысы.