Сапалы өнімге сұраныс мол

Маңғыстау шыны-пластикалы құбырлар зауыты пайдалануға берілгеннен бергі жеті жылда 1 миллион 900 мың метр құбыр шығарды. Сапалы өнімге сұраныс мол. Осыдан жеті жыл бұрын 2003 жылдың сәуір айында Қазақстанның Тұңғыш Президенті, Елбасы Нұрсұлтан Назарбаев тұсауын кесіп, оң сапар тілеген бұл кәсіпорын бүгінге дейін еліміздегі бірегей өндіріс болып келеді. Елбасының өзі мұнай-газ саласына аса қажет кәсіпорынның өндірісі АҚШ-тың әйгілі «Entec Compositec Mashcnes» компаниясының ста­ноктары мен «HITEC» ком­па­ния­сының технологиясымен жаб­­­дықталып, өндірістің компьютерленгендігін жоғары ба­ға­лап, нақты ұсыныстар да бер­ген-ді. Өйткені, пайдаланылып келген болат құбырлар 3-4 жыл­да ескіретін, ал оларды қайта қалпына келтіруге кететін шығын бас­тап­қы құнынан да қымбат еді. Жаңа зауыт өнімі шыққалы бәрі басқаша болып отыр. Күту, пайдалану шығыны азайды. Гидравликалық, коррозиялық бе­ріктігі ерекшеленіп, салмағы­ның өзі төрт есеге жуық жеңіл­депті. Ал пайдалану уақыты 40-50 жылға жететіндігі белгілі болуда. Мұндай қорытынды құбыр өндіру үшін зауытқа сонау Ресейдің Гусь Хрустаный, Да­ғыстанның Кзылюрт және Та­тарстанның Қазан қаласынан әке­лінетін барлық шикізаттарды тексеріп, шығарылған өнімнің 100 пайыз сынақтан өткізілуі негізінде жасалыпты. Соның нәти­же­сін­де зауыт өнімін АРІ-1S, BS әлем стандарты негізінде шығаруға қол жетіп отыр. Өнеркәсіп орны жұмыс жа­са­ғалы Қазақстан мұнай алыптары аталатын Жетібай және Қаламқас кен орындарында 1800 километр­ден астам шыны-пластикалы құ­бырлар төселіпті. Сол кен орын­дары мамандары пікірінше құ­быр­дың монтажына, пайдалануға кететін уақыт азайып, эколо­гиялық жағдайға да оң әсер етіп келеді, – дейді кәсіпорын ди­ректоры Сәрсен Қырымқұлов. Сайып келгенде бұл ұжым­дағы Е.Көшкінбаев, Г.Якшибаев, С.Сейтов, В.Мельник, Б.Сисенов тағы басқа да еңбеккерлеріміздің ерен еңбектерінің жемісі, игі ізденістерінің ізі деуге болар. Сондай-ақ, зауыт өнімдеріне деген қызығушылық күн санап артып «Маңғыстаумұнайгаз» АҚ бөлімшелерімен қатар қазірдің өзінде «ҚазМұнайГаз» Барлау.Өн­діру» АҚ, «Өзенмұнайгаз» өн­ді­рістік филиалынан, «Жал­ғыз­тө­бе», «Бұрғылау» және басқа да серіктестіктерден тап­сырыс түс­кен, сондай-ақ ресейлік екі мұнай компаниясының өкілдері арнайы келіп, зауыт өніміне деген қызығушылық­та­рын танытып, өзара байла­ныстарын бастапты. Осы жерде кәсіпорын бас­шы­сы зауытта шығарылып са­пасы мен төзімділігіне орай жо­ғары баға ала бастаған өнім­дерді мұнай өндірісіне деген қа­жеттілікті өтеумен бірге тұр­ғындар сұранысына сай ауыз су құбыры ретінде де пай­да­лануға жарату үшін жұмыс­та­нуда екендігін жеткізді. Ол да Қазақстан Республикасы сани­тарлық эпидемологиялық ор­ган­дары саласының мұқият, зер­делі зерттеулерінен соң оң шешіліпті. Яғни, енді маң­ғыс­таулық тұрғындардың ретіне қарай тез таттанатын болат құ­бырларды емес, заманауи шы­ны-пластикалы құбырларды пай­далануына мүмкіндік туып отыр. Жоламан БОШАЛАҚ, Ақтау.